الموضوع: 15 محاولة للأصطدام بالالنترا خلال يومين فقط - هيا الناس دي بتسوق أزاي ؟؟

طيب انت كده تؤل اية لما تنزل تلائ غطيان الاربع بلوف بتوع العجل مسرؤين خلاص دات بية الدنيا يسرء غطي بلف ده لو دخل علي اجعص محل كاوتش هيجبهم بجنة حسبي الله ونعم الوكيل

الناس بقت عندها تناحه رهيبة . يعنى لسه النهارده واحد واقف بالعربيه فى نصف الشارع و سادد الشارع و لما تقوله وسع علشان الناس تعرف تعدى تلاقيه بيشاورلك ادخل مع ان مفيش مكان يساع نمله حتى لان البيه قافل الشارع لانه تايه و بيسأل عن عنوان

طب تعمل ايه في الي يخبطك علشان دخلت قبله

المشاركة الأصلية كتبت بواسطة samir elshahawy

طيب شوفوا بقي التناحة و قلة العقل , أكيد الناس دي سكرانة أو بتشم حاجة

النهاردة و انا راجع علي الرحاب و عند تقاطع طريق السويس مع مخرج الرحاب اللي عند المدرسة الانجليزية

توك توك - أي و الله توك توك - طالع من اليمين و عايز يأخد اقصي الشمال مرة واحدة علشان يدخل من اليوتيرن العكسي و يلف الناحية التانية

قوم أييييييييييه ..

3 عربيات نقل (مقطورة علي اليمين - قلاب في الوسط - و ناقلة جاز علي الشمال
و طبعا القلاب فاضي و طاير
و التوكتوك أتحشر بين المقطورة و القلاب و مصمم يعدي شمال و يكسر علي النقل
هههههههههه

طبعا النقل مش ممكن يهدي و ال 3 عربيات في نفس واحد كلاكسات لدرجة أنهم رعبوا الطريق كله
و برضه التوكتوك مصمم

بتاع القلاب دخل و كمل و ميل سنة يمين علي التوكتوك لدرجة أن الصندوق بتاع النقل كان خلاص هايلمس سقف التوكتوك

طبعا انا جي من ورا و شوفت المنظر
هديت و بدأت اشغل الانتظار لأني توفعت كارثة ... و فعلا ...
بس الهوا بتاع النقل .... قلب التوكتوك علي جنبه

و عينك ماتشوف الا النور .....
مهزلة .. صوت صراخ الفرامل بتاعة العربيات اللي طالعة من الملف اليمين اللي جايين من الرحاب و فرامل العربيات اللي جاية في أتجاه السويس و مكملة علي الرحاب

يادوب أنا فلتت من الشمال ورا النقل و شوفت أنوار العربيات بترقص ورايا في المرايات

كله طبعا بيحاول يفادي الفسل اللي دخل وسط العمالقة

قولت في عقل بالي .. تستاهل أنت و اللي زيك "أيه جابك يا صعلوك وسط الملوك"

نمله داخله لمس اكتاف مع افيال

ده اقل حاجة تتقال عليه انه سواق بهيم شارب حاجة

بس هيه التكاتك وصلت الرحاب كمان ولا ايه - هما وصلوا المعادى و بقوا بيمشوا عكس ليل نهار و لولا انى متأكد انى لو خبط العربيه مش هاتتصلح تانى كنت شيلت واحد منهم

امبارح و انا فى المطار
لسه بطلع من الركنة سواق ميكروباص صينى ( تقليد السوزوكى كارى)كسر يمين مره واحده ووقف قدامى بالظبط
طبعا دخلت فيه و اتكسر الرفرف الشمال بتاعى
لقيته نزل هو و الركاب يعتذروا و يقولى ما خدتش بالى خالص انك ماشى و الناس اتلمت و حصل خير و ما اعرفش ايه ... و انا من النوع الى باكل من الكلام ده
سبته بعد ما هزئتوا بس بعد ما مشيت ندمت جدا انى ما عملتلوش محضر او خليته يصلحه على حسابه خصوصا ان الرفرف اتكسر مش مجرد اتطبق