الموضوع: 15 محاولة للأصطدام بالالنترا خلال يومين فقط - هيا الناس دي بتسوق أزاي ؟؟

المشاركة الأصلية كتبت بواسطة besbest

انا معاك بشده في كل اللي انت قولته يا باشمهندس سمير وللاسف الطريق في اي حته دلوقتي بقي سيرك ولازم تتعامل مع كل العربيات اللي حواليك في الطريق علي انهم بهلوانات وما بيعرفوش ابسط قواعد المرور فالحل الوحيد انك تسيب كل بهلوان يقدم الفقره بتاعته حفاظا علي عربيتك ...بالمناسبه انا معايا عربيه اخت اللي معاك بالظبط ونفس اللون كمان وحصل معايا بالظبط نفس الموقف بتاع الميدان اما جارك في التجمع الاول .....د/باسم

علي كده لازم نتقابل بقي و نتجمع قريب

لسه النهاردة الصبح نفس الموقف متكرر للمرة الألف

شوفوا حضراتكوا الرسم التوضيحي ده :

(1).. أفيو (2).. ألنترا (3).. أوكتافيا

دي الصينية اللي عند المدرسة الالمانية و أنت طالع من الرحاب في أتجاه بوابة 13
اللي حصل كالتالي :

- قدامي عربية افيو (رقم 1) و أنا وراه (رقم 2)
- الصينية فاضية و اليمين فاضي تماما
- طبعا الافيو دخل و أنا وراه بس أنا واخد يمين الطريق و بالتالي يمين الصينية و هو في الشمال
- الافيو متقدم
- فجأة لمحت أوكتافيا (رقم 3) جاي من الشارع اليمين بأقصي سرعة و عنده الناية أنه يدخل الصينية بالرغم من أن فيها عربيتين
- أنا أحتياطيا هديت و أديت له كلاكس خفيف للتنبيه
- الاوكتافيا كمل
- و فجأة ألتقي الافيو مع الاوكتافيا في منتصف الميدان و أصبح الاوكتافيا قاطع عليا
- طبعا كله فرمل و أنا كدت أني أدخل في شنطة الاوكتافيا
- سائق الاوكتافيا فتح الازاز و بدأ يزعق و يعلي صوته علي سائق الافيو (خدوهم بالصوت)
- أنا كمان فتحت الازاز و زعقت لسائق الاوكتافيا و قولت له أن الاولوية هنا لي أنا و الافيو و أنه غلطان و أنه مابيعرفش و أديت له في جنابه

طبعا سائق الافيو أتحرك و بعدين الاوكتافيا طلع و بعدين أنا أتحركت لفض الاشتباك اللي في الميدان ده

ده بأختصار يا حضرات الموقف اللي بيتكرر كل يوم بل كل ساعة في كل تقاطعات و ميادين مصر
و السبب : هو الجهل التام بأبسط قواعد و قوانين المرور


تعالوا بقي نشوف القانون و القاعد المنظمة بتقول أيه عن التقاطعات :

[gdwl]

• على قائد المركبة القادم من طريق فرعى ويتأهب للدخول فى طريق رئيسى أو من طريق غير مرصوف للدخول فى طريق معبد أن يقف حتى يسمح أولاً بمرور المركبات القادمة على هذا الطريق ولا يبدأ فى الدخول إلا بعد تأكده من عدم تعريض المرور فيه للخطر.
• تكون أولوية المرور فى تقاطعات الطرق حيث يكون المرور غير منظم بواسطة رجل المرور أو بواسطة إشارات أو علامات المرور على الوجه الاتى :
  1. للمركبات التى دخلت فعلاً فى التقاطع .
  2. للمركبات القادمة من طريق رئيسى يتقاطع بطريق فرعى .
  3. للمركبات القادمة من اليمين أياً كان نوعها بالنسبة لأية مركبة أخرى وذلك عند تقاطع طرق متساوية الأهمية .
  4. للسيارات بالنسبة إلى غيرها من المركبات .
  5. المركبات المسيرة على الخطوط الحديدية لها أولوية بالنسبة لغيرها من أنواع المركبات .

• من يلتزم بمراعاة أولوية غيره فى المرور عليه أن يبطىء سرعته بما يفيد إستعداده للتوقف عند اللزوم ولا يجوزله إستمرار السير إلا إذا أمكنه ذلك وبعد التيقن من الرؤية والتأكد من أنه لن يعرض صاحب أولوية المرور للخطر أو يعرقله بصورة جوهرية .
• عند توقف المرور أو تباطُئه بما يهدد بإرتباكه يجب على قائد المركبة برغم أولوية مركبته للمرور أو إذا كانت الاشارة الضوئية خضراء أو وجود أية إشارات أو علامة تسمح له بالمرور عدم دخول التقاطع إذا كان عند الوصول إليه سوف يتوقف فيه .
• على كل من له طبقاً لقواعد المرور حق إستمرار السير أو أولوية أن يتنازل عنها إذا إقتضت ذلك حالة المرور .

[/gdwl]

و ده اللينك علشان اللي يحب يعرف أكثر عن قواعد المرور :
http://www.moiegypt.gov.eg/Arabic/De...afficpriority/