مش لاقي سوست اسبور !!

**Shady EL-Abyad** · 11-03-2013 12:45 PM

السلام عليكم و رحمة الله و بركاتة

صباح الفل علي الرجالة !! ..

انا معايا بيكانتو 2012 الشكل الجديد و قالب الدنيا علي سوست و مساعدين اسبور ليها !! ..

مش لاقي نهائياً .. حد عنده فكرة ممكن الاقيها فين ؟؟ ..

او ممكن مثلاً نوع عربيه تانية ليها سوست و مساعدين اسبور متطابقة مع عفشة عربيتي !! ..

مش هفتي علشان بصراحة خبرتي مش كبيرة في الموضوع دة ..

و أتمني المساعدة من أهل الخبرة ;) ..

تحياتي ,,

**eng.m7md.ali** · 11-03-2013 01:12 PM

منصحكش تلعب في عربية زي البيكانتو

لانك لو هتعدل في عفشة هل هيفضل الموتور 1200 سي سي ولا حضرتك هتسقط موتور تاني؟

**3mr Farrag** · 11-03-2013 01:28 PM

بص يا باشا
انك تجيب عفشه كامله للبيكانتو هيبقي فيلم انك تلاقي حاجه كويسه بسعر كويس
انا عربيتي اكسنت و مساعدين سبور شركات مش بتعملها كتير مخصوصه ليها
بس سهل انك تجيب سوست
اما لو مصمم علي مساعدين يبقي شوف بلشتاين ...ممكن تلاقي لعربيتك

ورايي بلاش شغل فهلاوه المصريين بتوع التعديلات و يركبلك حاجه تانيه و يعدل
غير اني شاكك اصلا ان فيه سوست ضرب السنين هنا في مصر لما سالت عليها و ماركات معروفه...

هات من بره لو تعرف...انا شكلي هجيب ابيكس ...افضلهم من ناحيه السعر و ماركه كويسه
لقيت منها لعربيتك في اللينك ده ابيكس انجلترا ...
Products - Apex Lowering Springs,Suspension Kits,Coilover kits

**Shady EL-Abyad** · 11-03-2013 01:29 PM

ياباشا انا كل المحتاجة اتنين Coilovers ورا ..
و الموتور 1300 سي سي مش 1200 ..
و انا كدة كدة مركب صدادتين ورا بس مش مأديين الغرض ..
عمتاً انا دخلت علي الموضوع دة http://www.nilemotors.net/Nile/11392-a.html ..
و دخلت السيتات بتاعت السوست و العفشة ملقتش حاجة مفيدة لعربيتي ..
فياريت لو حد عندة خبرة في الكيا يقولي هل في عربية تانية الـ Coilovers بتوعها ينفعوا عندي ؟! ..
و شكراً : ) ..

**Shady EL-Abyad** · 11-03-2013 01:32 PM

شكراً علي المساعدة ياباشا .. بس يا تري في فرق مابين بيكانتو 2011 و 2012 في العفشة ؟؟ ..
علشان اصلاً الشكل اتغير و حاجات كتير اتغيرت في العربية فمش عارف العفشة بردة اتغيرت ولا لأ ..
و لما اركب السوست طبعاً هيحصل الموال الشهير بتاع ان المساعد هيضرب في الشاسية علشان السوسته قصيرة ..
و المساعد بتاع العربية Stock .. ولا انت شايف اية :D ..

**3mr Farrag** · 11-03-2013 01:46 PM

والله ياباشا ناس كتير حيرانه في موضوع ان السوست السبور تبهدل المساعدين الستوك
اقرأ كلامي في القسم ده عن موضوع السوست
و عماتا انا مستني رد ايبكس عليا في الموضوع ده
بس اللي انا شايفه انها مافيش اي مشاكل ..بالعكس ديه تحافظ علي المساعد لأنه بيقلل قوه حركته و الافضل تعلي العربيه مثلا 1 سم او 1.5 سم بالكتير

و الصداده اللي انت مركبها ديه شيلها افضل...اهي ديه بقي اللي اخاف منها تضربلك المساعد لو المساعدين طراي اوي... و مالهمش اي لازمه من رايي...و ترزع المساعد في بعضوا

**Shady EL-Abyad** · 11-03-2013 01:58 PM

انا قريت الموضوع بتاعك .. قبل ما اكتب الموضوع دة ..
بالنسبة لموضوع السوست بس .. كنا مركبين لـ Civic I-Vetic اربع سوست اسبور ..
اللي تم بعد حوالي 3 4 شهور ان المساعد عمل خرمين في الشاسية ورا !! ..
فمش هجازف و اركب سوست من غير مساعدين و منصحش حد يعملها ..
انا لو لقيت هركب اتنين Coilovers ورا بس مش هعدل قدام عشان كدة كدة العربية واطية من قدام ..
انا كل مشكلتي مش اني اوطي العربية انا كل اللي عايزة ان لو الكنبه قاعد عليها تلاتة و خدت مطب هوا ..
و انا معدي ال 120 او علي سرعة عالية عمتاً .. الكاوتش ميحكش في جسم العربية ..
عشان كدة انا مركب صدادتين .. بس مش مريحني بردة ..

**3mr Farrag** · 11-03-2013 05:43 PM

المشاركة الأصلية كتبت بواسطة shady el-abyad

انا قريت الموضوع بتاعك .. قبل ما اكتب الموضوع دة ..
بالنسبة لموضوع السوست بس .. كنا مركبين لـ civic i-vetic اربع سوست اسبور ..
اللي تم بعد حوالي 3 4 شهور ان المساعد عمل خرمين في الشاسية ورا !! ..
فمشمساعد عمل هجازف و اركب سوست من غير مساعدين و منصحش حد يعملها ..
انا لو لقيت هركب اتنين coilovers ورا بس مش هعدل قدام عشان كدة كدة العربية واطية من قدام ..
انا كل مشكلتي مش اني اوطي العربية انا كل اللي عايزة ان لو الكنبه قاعد عليها تلاتة و خدت مطب هوا ..
و انا معدي ال 120 او علي سرعة عالية عمتاً .. الكاوتش ميحكش في جسم العربية ..
عشان كدة انا مركب صدادتين .. بس مش مريحني بردة ..

يعني ايه المساعد عمل خرمين!!!!
مش فاهم قصدك الصراحه
اللي بيحصل شرخ مش اخرام ...
والعربيه السيفيك كان فيها جنط كام بكاوتش مقاس كام بالظبط لأنه هيفرق

و يكون في علمك ماتفتكرش ان المساعدين بسوست سبور هتحافظ علي العربيه ذي مانت فاكر.... ده سهل ان الشاسيه يتشرخ منك عن و انت مركب سوست بس و واخد بالك في الحتت المكسره...
و مال الكاوتش انه يحك بالموضوع...انت مش الجنوط بالكاوتش الاصلي...يبقي ازاي هيحك!!!!

انت قصدك الصدادات هي العليات ولا ديه حاجه تانيه؟؟؟

**Shady EL-Abyad** · 11-03-2013 05:49 PM

ماهو اللي حصل خرم خرم بمعني الكلمة مش خرم مدور .. بس يعني فتحة و حوليها شروخ ..
اما بالنسبة للحك انا علشان مركب جنط و معرض الكاوتش ..
و اللي انا مركبة عليات اللي هي الصدادات الاتنين واحد يعني :d ..
و انت شايف ان انا لو ركبت سوست بس هيبقي الموضوع في السليم !! ..
مع العلم اني مش بمشي في حتت مكسرة و سواقتي هادية في الحتت اللي ممكن اقابل فيها حفرة ولا نقرة ولا مطب فجأة .. و بهتم يعني براحة العفشة ..

**Shady EL-Abyad** · 11-03-2013 05:54 PM

طب أنت اية رأيك في موضوع كسر زاوية الطنابير 35 درجة !! ..

الموضوع: مش لاقي سوست اسبور !!

LinkBack

أدوات الموضوع

عرض

-

-

-

-

المواضيع المتشابهه

مطلوب سوست لانوس اسبور؟

سوست اسبور لتويوتا ايكو

بفكر في سوست اسبور للياريس ! ! مقتراحتكم ؟ ؟

سوست اسبور للمازدا 3

للبيع فوانيس اسبور(رنجات ولأنسات)هوندا 92-95للبيع طقم فوانيس اسبور رنجات ولأنسات مستع

الكلمات الدلالية لهذا الموضوع

المفضلات

المفضلات

ضوابط المشاركة