الموضوع: ايه مخاطر استخدام بنزين 80

العربيه دايو نوبيرا انجكشن عامله 150 الف اعتبرها 151

البنزين ال 80 بيبقى فيه نسبة كربون كبيرة بعد الحرق وده كله بيتراكم على البساتم وبالتالي بيأثر على حرق البنزين و سحب العربية مع الوقت .. المشكلة مش في الرشاشات أو الفلتر بس .. طالما العربية انجيكشن مينفعش يتحط فيها بنزين 80 ..

المشاركة الأصلية كتبت بواسطة د.محمدعبدالعال

.. طالما العربية انجيكشن مينفعش يتحط فيها بنزين 80 ..

أنا آسف جدا بس كلامك دا خطأ 100% ومينفعش حضرتك تقول معلومة خطأ من غير اي مصدر او توضح السبب

انا عربيتي نوبيرا 2001 اشترها من سنة ونصف تقريبا وماشية معايا بنزين 80 وبس ونادر قوي لو حطيت حاجة غير كدا
المشاكل اللي واجهتها ...... والله العظيم ولا مشكلة واحدة بس حصلت معايا حتى الفلتر غيرته اول ما اشتريت العربية وبنظفه انا ف البيت كل شهرين ثلاثة

البنزين 80 مشكلته الوحيده ف ان السحب يقل بعض الشئ ولو انت متعود عليه هيبقى عادي جدا معاك اما موضوع ان فيه شؤائب كل البنزين في شوائب شوف حضرتك عربية النترا بتغير فلتر بنزين بعد أربع شهور ماشية بنزين 92 بس (يبقى زي الزفت والله)

معلومة صغيرة جدا لو حضرتيك بتفول مرة ف الاسبوع يعني 40 لتر
السنة 52 أسبوع قول 50

يعني 50أسبوع × 40 لتر = 2000 لتر بنزين ف السنة

سعر بنزين 80 هيكون 2000 جنية لو بنزين 92 هيكون 4000 جنية ف السنة

الفرق دا هيكون سعر الموتور استيراد جديد او ثمن عمرة كاملة للموتور تقريبا

يعني ف السنة والواحدة انت بتوفر ثمن موتور مع بنزين 80 في سيارات الدايو

انا مش هستخدمه عشان توفير على المدى الطويل - انا هستخدمه عشان الرشاشات الى عندى انتهت فاقضى عليها و اجيب رشاشات جديده
ده فى حاله لو مش هيأثر على اى حساس من الى موجودين باى شكل ولا على الماتور من الداخل لان الحكايه مش طالبه بوظان فى ميكانيكا الماتور دلوقتى خالص

السلام عليكم انا داخل على التفويله العاشره ببنزين 80

الملاحظات :
1- مفيش اى مشاكل فى السحب ولكن لا يفضل الحرق على المتور ببنزين 80 وللعلم انا مرا حرقت على الصحراوى وجبت 160 بالعربيه ببنزين 80 العربيه كانت زى الفل لكن بعد كده لقتها بدات تساف معايا بسيط على التانى من سعتها بدات اخلبالى وبريح المتور على الاخر ورجلى بقت خفيفه على البنزين لغايت مظبطت تانى الحمد لله فيستحسن ان قررت ان تستخدم 80 بدون اى تاثير يجب ان تريح المتور ولو انت غاوى جرى وحرق فوق ال100 او 120 بالكتير فحرام عليك تحط 80 والله اعلم (التوفير ليه ثمن يا صديقى )
2- طبعا التوفير غير طبيعى
3- تغيير فلتر البنزين بفترات متقاربه

دى تجربتى وارجو اكون افدتك

انا عن نفسي جبت العر بيه من شهرين تقريبا وهي برده نوبيرا 2001 اوتوماتيك كوري 1600 ومن ساعة مجبتها بحط بنزين 80 وكانت ماشيه حلو مع تظبيط فيشة الاوكتان ال 3 فرد في بعض وكان في تسقيف بس بسيط ولما اقرص مره واحده وانا طالع بس ...... وجربت 92 دلوقتي بعد ملغيت ال 3 فرد المقفولين وايدل ليرن والكلام ده .
الملاحظات بقي : اولا التفويله مع 80 = 450 كيلو ومع 92 = 400 كيلو
ثانياً : في السحب الفرق مش كبير بس التسقيفه مش موجوده خالص
لا يوجد اي فرق يذكر غير ذلك وإن شاء الله راجعللك يا غالي يا 80 يا حبيبي .
بس ممكن حد من الأساتذه يقولي زيادة الاستهلاك ممكن تكون عيب من ايه ( علي ما اعتقد البنزين مالوش علاقه لانه في الحالتين في زياده في الاستهلاك المفروض انا بمشي علي طرق سريعه مش زحمه يعني متوسط التفويله 60 لتر = من 550 الي 600 كيلو وده مبيحصلشي عندي .