الموضوع: أسئلة فى سنة أولى أوبل

المشاركة الأصلية كتبت بواسطة Sameh Mohsen

معلش يا جماعة استحملوا سذاجتى شوية
انا لسه شارى أوبل فيكترا 99 أوتوماتيك 2000 cc بس الموتور بتاعها etic لأنها كانت استيراد معاقين وكده

• اول حاجة الماتور ده بيأخد قد ايه زيت لأنى سمعت أرقام كتير 3.5 و 4 و 5 كمان
• بالنسبة لفلتر الزيت اغيره كل قد ايه ؟ ومنين ؟ ويعمل كام ؟
• بالنسبة لصوت الموتور العالى شوية لما بقف جنب العربية ده طبيعى ؟
• جهاز التشك فى طابلوه العربية بيكتب لى دايما Oil lack رغم انى لسه مغير الزيت ؟ فبشك ان الشاشة دى بتخرف ؟
• مرايات العربية أطرافها مكسرة ( مش ضم ) يا ترى المرايات فى المعقول اجيبها منين وبكام تقريبا ؟
• لو فى اى توبك او لنك يعرفنى كل العلامات فى الطابلوه الخاصة بالأعطال
• العربية متبهدلة شوية فى الصالون وعايز أفوقها شوية اتعامل مع مين ؟

اشكركم على الوقت اللى ضيعتوه معايا واتمنى افادتكم ليا

شكرا

اهلا بيك ياباشا ,,,
بس مفيش معاقين 2000 سي سي ؟!!
- 4.5 من غير الفلتر---4.75 بالفلتر
-الافضل انك تغيره كل غيارين زيت (5000كم )
وبتشتريه من بتوع قطع غيار اوبل في حدود 35ج
-مواتير اوبل خشنه شويه ده صوته الطبيعي
-افصل كابل البطاريه ربع ساعه وركبه تاني علشان تعمل ريستارت لبيانات الشاشه والكونترول
-التايواني ب165 - الاستيراد من 250 ج وطالع
-http://www.nilemotors.net/Nile/212497-a.html
-مش عارف حد الحقيقه