الموضوع: الصيف والتكييف!!!

المشاركة الأصلية كتبت بواسطة Tiar

السلام عليكم يا رجالة اوبل
الصيف على الابواب ومشاكل التكييف هتظهر علشان كده حبيت اعرفكم اني
اتعرفت على صنيعي تكييف حللي مشكلة التكييف وسعره حنين للي يحب يتعرف عليه
هو رقمه – 01005070383
اسمه محمد عز
هو اخلاق جداً وصناعي حرييف على حسب علمي
محلة عند جسر السويس اخر مساكن عين شمس ناحية مصنع كوفرتينا
انا كان التكييف عندي جاب كباس غيره وكمان غيرلي الشجرة وشحن فيريون انجليزيونضف الدايرة كلها وفك الاكصدام علشان سبرتينه التكييف
كله بـ 750 جنيه من غير ثمن الشجرة


طيار

أولا أحب أشكر أخونا طيار ويجعل الموضوع فى ميزان حسناته أنا رحت لمحمد الى وصفه لنا أخونا طيار والراجل مؤدب ومحترم أخويا معاه هوندا سيفيك 2001 والبشوات بتوع التوكيل (حسبنا الله ونعم الوكيل) قلوله كنترول يونت أنا بصراحه حسيت فيه نصب واشتغاله ووديته عند محمد لقيته فاهم وأمين والله دا مش اعلان بس حبيت انقل تجربتى علشان الكل يستفاد وطلعت فى الاخر الفيشه مش ركبه كويس
دعواتكم

مبروك عليك التكييف
والتكييف بيغير طعم العربيه
وعلى فكره تكييف الفيكترا لومضبوط ولم يعك فيه بيبقى ممتاز وتلاجه
أنا كان عندى لانوس وكانت سليمه جدا وركبت فيكترا الحمد لله سليمه أيضا ولاحظت إن تكيف الفيكترا لايفرق شىء عنه بل ممكن يكون أفضل

مبروك انا كنت شفت موضوع بس فى اللوجان ان مواسير الساخن ماشيه فى التابلوه من جوه وده بتعمل حراره جامده كنت عايز اعرف الفيكترا كده برضه؟ و لو كده نلغى السخن احسن ؟ و التكييف الفيكترا عامل ايه بعد التصليح؟

المشاركة الأصلية كتبت بواسطة ghamry

مبروك عليك التكييف
والتكييف بيغير طعم العربيه
وعلى فكره تكييف الفيكترا لومضبوط ولم يعك فيه بيبقى ممتاز وتلاجه
أنا كان عندى لانوس وكانت سليمه جدا وركبت فيكترا الحمد لله سليمه أيضا ولاحظت إن تكيف الفيكترا لايفرق شىء عنه بل ممكن يكون أفضل

حضرتك متاكد ان تكييف الفيكترا احسن ؟؟؟؟؟؟؟؟؟

انا رحتله امبارح قالي تعلالي يوم الصبح و نكشف ، انا عندي الهواء شديد من الجنبين بس ضعيف اوي في الهوايات اللي في النص قالي بس تعالى و هنشوف الدنيا فيها ايه و بعدي السربنتينة كانت مخرومة قالي تتلحم عادي و بنفس الكفاءة مش هتقل ، اصرف على تكيفها و لا اركب كباس النوبيرا
ولا اعمل ايه انا محتار. و في عضو كان كاتبلي : انا انصحك ماتعدلش تكيفها
ركب كباس جديد اصلي او كباس نوبيرا 2 جديد برضه بلاااااااااش كباس استيراد
ولو في حاجة تانية بايظة غيرها
وسيب تكيفها الاصلي كما هو
دي نصيحة لوجه الله عن تجربة تغير تكييف فيكترا بي 1 من الاصلي للياباني

عاوز اضيف اني سألت عند المؤسسة المتحدة للتجارة الدولية ف جسر السويس و لقيت الاوبل كوري ب 1950 و لازم يتغير معاه الاكسبنشن و الفلتر يعني كلو 2350 جنيه و النوبيرا كوري برضو ب 1650 جديد و بيقولي مفيش عليه ضمان الا لما تركب عند ديافيا اللي في الحدايق او تركب عند واحد تبعنا يعني معرفة ساعتها نديك ضمان غير كدة لا !!!! اصرف على تكيفها و الحم السربنتينة و انظف التلاجة و اركب ولا ايه , و اعمل الشغل ده عند مين كويس يعرف يفك التابلوه و يرجعه زي الاول ؟

انصحوني ؟؟