الموضوع: الصيف والتكييف!!!

المشاركة الأصلية كتبت بواسطة islambana

هات كباس نوبيرا استيراد والحم السربنتينه ونضف الدوره بالساوزن قبل ماتشحن
الكباس ب400 بطقم اصلاحه
واللحام ب20
والشحن وتنضيف الدوره والمصنعيه 300
وكده يبقي تمام اووووووي

اروح عند مين انظف الدورة ، محمد عز عندة ؟ و الساوزن دة عند الناس كلها بتنظف بيه عادي ؟ و بعدين مانا لازم اغير
الفلتر و الاكسبنشن ، و كباس النوبيرا قاعدتة مختلفة عن كباس الأوبل كدة لازم اضيع ٤ او ٥ ساعات افصل
قاعدة عند بتاع القواعد ، ولا اجيب كباس جديد صيني و اكسبنشن و فلتر و شغال زي الفل.كنت عاوز اسأل على
حوار العزل بتاع خراطيم التكيف بسبب الفرن بتاع العربية يتعمل ازاي بالظبط ، و هل له تأثير في البرودة ؟ لو في صور
او لينكات ارجو الرفع و شكرا.

المشاركة الأصلية كتبت بواسطة islambana

الساوزن ده معروف عند كل بتوع التكييف ماتقلقش
انت مش هتفصل قاعده ولا حاجه للكباس لو عربيتك فيكترا ايه الكباس هيركب زي الساعه
لو فيكترا بي هتفك القلب بتاع كباس النوبيرا وتركبه في البودي بتاع كباس الاوبل وخلاص وهتركب الكلاتش بتاع كباس لاوبل
حوار العزل بقي هتجيب صوف زجاجي المتر منه ب20 جنيه تقريبا وتلفه حوالين الشجره والعربيه بارده تماماً وتربطه بسلك رباط وخلاص
وبالفعل بيأثر في كفاءه التكييف وعمر الشجره

انا عربيتي فيكترا a و سألت كذا واحد تاجر قالي ان الكباس بتاع النوبيرا هو هو الاوبل مع اختلاف القاعدة منهم مقار مدينة نصر و المعادي و سألت راضي علام و سألت ساندن و ناس كتير قالولي كدة بس حضرتك اللي بتقولي هو هو ولا هم بيعملوا كده عشان يبيعوا بتاع الاوبل هو فرق 300 جنيه باين !! المهم انا قررت اجيب جديد بقى يا صيني يا كوري على حسب التكاليف المهم الصوف الزجاجي ده اللي هو زي بتاع تكيف البيت اللي لونة اسود ده ؟ و يتجاب منين ؟ اشكرك جدا على المتابعة :)

المشاركة الأصلية كتبت بواسطة islambana

كباس النوبيرا هو بتاع الفيكترا ايه ال2000 سي سي والدكتور هلالي لسه مغيره من شهر بالظبط
هات كباس استيراد اارخص واووفر واعمله طقم اصلاح قبل ماتركبه
الصوف الزجاجي ده عباره عن طبقتين طبقه زي الاسفنج كده وعليه طبقه فضي

طيب قرأت مواضيع عن ناس كتير بتقول ان طقم الاصلاح ملوش لازمة الكباس بعد مايتعمله طقم الاصلاح بيبوظ تاني لانه لو اتفك مش بيرجع زي الاول فا كأني رميت فلوس في الارض . :(
و لو تعرف حد مضمون اجيب منه الكباس الاستيراد ياريت تدلني ، اشكرك على المتابعة

و الصوف الزجاجي يتجاب منين يعني انزل فين اجيبة و اقوله ايه ؟؟ وشكرا

انا نزلت عند راضي علام و شفت الفلتر والاكسبنشن باين عليهم اوي انهم صيني و ملزوق عليهم استكرز تالاند و فرنسا و مرضاش يوريني الكباس المهم و نزلت على مقار اشوف الكباس محطوط عليه استكرز ديلفي كوري و بتاع بس باين عليه اوي يعني انه مش اصلي بخبرتي لاني تاجر قطع غيار فا الحمدلله فاهم الموضوع فا كدة كدة ممكن اجيب الاكسبنشن و الفلتر جداد صيني و قريت موضوع فادني جدا http://www.nilemotors.net/Nile/358733-a-13.html
بيتكلم عن عزل المواسير و عرفت ان الماسورة اللي هتتعزل اللي هي الساقعة اللي من التلاجة للكباس
و عرفت من نفس الموضوع ان الخراطيم موجودة في ش كلود بيك
بييبقى قطعة طولها 2 متر بـ 6 جنيه المهم ان الوصلة اللي جاية من التلاجة للكباس بتبقى تحت سير المجموعة و الكباس و طلمبة الباور فا صعب عليا اوي اعملها ازاي ؟؟ و شكراً