بخصوص تعويم السيارة

**shoudy2005** · 04-08-2008 07:22 PM

السلام عليكم و رحمه الله و براكاته انهارده الصبح و انا طالع كوبرى اكتوبر لقيت زى مايه فى الأرض و لما عديت عليها لقيت العربيه عومت جامد و كنت هخبط فى سور الكوبرى و مفيش 2 متر و مسكت تانى السؤال هو هى ليه عومت و انا ماشى فى خط مستقيم

**romeeoo** · 05-08-2008 12:26 AM

لو العفشة والزوايا مظبوطة وانت مضربتش فرملة فجأه يبى مفيش غير الكوتش او نقشته

**romeeoo** · 05-08-2008 12:28 AM

بسانته غالبا لو عومت منك جامد تبقى بقعة زيت او سولار

**فادى** · 05-08-2008 01:45 PM

غالبا بتبقى بقعة زيت أو سولار مش ميه,
و أعتقد انها سولار و خصوصا انت بتقول الصبح, الصبح بالذات اوتوبيسات الحكومة بتبقى مفولة سولار و طبعا التنك بتاعها بينقط من فوق, فبتسيب بقع على الأرض و بتتسبب فى كثير من الحوادث, الموضوع ده انا سمعته من ناس كتير من اللى بيستخدموا كوبرى 6 اكتوبر الصبح.
لكن اطمن طبيعى انو السيارة تعوم فى الزيت أو السولار حتى لو مظبوطة و لو كانت فيها حاجة هتبان مع السرعة العالية على الطرق الجافة.