الموضوع: عاوز يطلق مراته ويتجوز تونسية عشان الاقامة وبعدين يردها ايه رايكم ؟

المشاركة الأصلية كتبت بواسطة s a m a

السلام عليكم ورحمة الله وبركاته

موقف صعب جدا محتاجة رايكم فيه

ليا صديقة زوجها كان بيعمل فى السعودية
و حصل ظروف فى شغله والشركة تقريبا هتقفل
فسافر تونس عشان يشتغل
وعن طريق معارفه بالفعل مضى عقد شغل هناك
وهنا بدأت الحكاية
عشان يشتغل فى تونس لازم يكون اعزب او متجوز تونسية وهناك ممنوع التعدد على حد قوله
طيب هو بالفعل متجوز مصرية
الحلول من وجهة نظره
يطلق مراته ويتجوز التونسية وبعد كده يبقا يردها من غير طبعا ما حد يعرف
عشان ممنوع التعدد هناك
او ينزل مصر ويتجوز التونسية ويحتفظ بالمصرية
وساعتها هيسقط عن الزوجة التونسية كل الحقوق القانونية فى تونس وهيتعامل هو وهى معاملة الاجانب
هو بقا عاوزنى اقنع مراته انها توافق انه يطلقها ويتجوز وبعدين يردها :-)
انا واثقة اصلا انها مش هترضى
لانى مجرد انى لمحتلها انه يتجوز عشان الاقامة هناك رفضت واصرت انه لو حصل لازم يطلقها وكل واحد يروح لحاله
وانا اصلا مش مقتنعة بكلامه
ومش عارفة هل فعلا قانون العمل فى تونس بيمنع ان مصرى متجوز يشتغل هناك
هو بيقول انه عشان يشتغل هناك وهو متجوز مصرية لازم يكون جاى فى بعثة عمل من مصر

يعنى لما راح يوثق عقد العمل قالوله يا تكون جاى فى يعثة عمل يا متجوز تونسية
هل ده صحيح ؟
حد عنده فكرة عن قانون العمل هناك ؟
وايه رايكم
سيدات المنتدى ايه رايكن ؟
هل واحدة منكن فى مكانها هتوافق ؟
رجال المنتدى هل لو زوج اختك طلب من اختك كده هتوافق ؟
هو طبعا عاوز الموضوع يكون بينه وبينها بس لانه واثق ان اخواتها مش هيوافقوا
لانه ميال اكتر للحل الاول عشان يتعامل على انه تونسى

المشاركة الأصلية كتبت بواسطة s a m a

جواز السفر والبطاقة بتاعته مكتوب فيهم انه متزوج
بالتالى مينفعش يتجوز
لازم يجيب ورقة تثبت انه اعزب وطلق خلاص

المشاركة الأصلية كتبت بواسطة s a m a

منا قولتله كده
قالى لا بتحبنى جدا وبتحب ولادى وقالى هاتهم هنا
وهى مش عاوزانى اطلق مراتى
بس غصب عننا ومش هتمانع انى اردها مستحيل تمانع
واثق اوى
قولله افرض هددتك انها تبلغ عنك لو رجعت مراتك
قالى مستحيل
معرفش بيجيب الثقة دى منين

المشاركة الأصلية كتبت بواسطة s a m a

بيحبها وبتحبه ورايح وهو عارف هيعمل ايه اكيد
وانا سالته ومانكرش وقال بحب الاتنين
وهى مش احسن من امهات المؤمنين
وهشتغل شغل كويس واامن مستقبل ولادى
بس انا متاكدة انها مش هتوافق حتى لو هيتجوز فى مصر ومش هيطلقها
انا مش عارفة اعمل ايه ولا اقولها ولا ما اقولش
دبرونى

المشاركة الأصلية كتبت بواسطة s a m a

مين قال انه هيطلق التونسية
ده هيتجوزها عن اقتناع مش عشان الشغل بس :-(

المشاركة الأصلية كتبت بواسطة s a m a

ماهى المصيبة انه عاوزنى اقولها
قال ايه واقنعها
وقال انه بيحبها واتعرف باهلها والشرع محلله 4

المشاركة الأصلية كتبت بواسطة s a m a

ماهو انا كتبت انه بيحبها وعاوز يتجوزها وفى كل الاحوال هيتجوزها
يعنى هو ساب العالم كله واختار تونس على اساس انها انجلترا مثلا :-)
بس هى بقا قالتله هظبطلك شغلك وفعلا على كلامه مضى عقد بالفعل
واللى فهمته انه بشغل من غيره عاوز يتجوزها ومقرر وهينفذ مهما كانت النتيجة
احسن الظروف هينزل مصر يتجوزها هنا من ورا مراته ومن غير ما تعرف
بس انا عارفة
فمش عارفة الصح
انى اخبى عليها وانا عارفة ان جوزها متجوز عليها واطمنها انه عادى ومفيش حاجة ولا اقولها
فى نفس الوقت انا مش عارفة انهى احسن ليها ولولادها
انه يتجوز وهى مش عارفة واهو ابو العيال برضه وهيشتغل ويروح وييجى عليهم
ولا تبقا عارفة انه متجوز وهو ده الامر الواقع ويا يعجبك يا ميعجبكيش

بسم الله والحمد لله والصلاة والسلام على رسول الله

الأخت الفاضلة الأستاذة / ســــــما

ما فهمته من خلال كلام حضرتك أنّ هذا الرجل يريد ان يتزوج بأخرى ويريد من يقنع زوجته الأولى

وأن زوجته الأولى لن توافق

فلو استطاع هذا الرجل - وليس حضرتك - إقناع زوجته الأولى بالأمر فيتبع ما يلي : -

1 - أن يطلقها كتابة , والطلاق كتابة لا يقع إلا مع النية في أصح قولي العلماء

ول اضطر للتلفظ باللفظ الصريح للطلاق - فهو طلاق رجعي - أي يمكن أن يرجعا خلال فترة العدة -

الثلاث حيضات - بكلمة واحدة يقول لها راجعتك - دون الحاجة إلى موافقتها أو موافقة ولي أمرها

أو صداق جديد - ولو توفي أحدهما في العدة يرثه الآخر

علما بأنّ زواج الرجل من أخرى - لا يحتاج إلى موافقة الزوجة الحالية ولا إلى علمها وليس هناك

دليل على ذلك

فهذا الأخ زواجه من الثانية صحيح خاصة أنه زواج عن رغبة حقيقية في الزواج - كما فهمت من

حضرتك - وليس زواجا صوريا من أجل الحصول على عمل

والخلاصة : أن الشرع أباح للمسلم أن يتزوج من النساء أربعاً، لكن ذلك مضبوط بضوابط

شرعية وإلا جاء وشقه مائل يوم القيامة

مجرد الخوف من عدم العدل بين الزوجات يوجب على الرجل الإكتفاء بواحدة

2 - ينبغي على هذا الرجل أن يعالج هو الأمر مع زوجته بحكمة،وذلك من باب حسن العشرة

أرجو أن أكون فهمت المطلوب , وأجبت عنه

و إن أصبت فمن الله وحده

وإن أخطأت فمني ومن الشيطان والله بريء منه ورسوله صلى الله عليه وسلم

وصل اللهم وسلم على الحبيب محمد وءاله أجمعين