طيب... اسمحلي أقول إن حكاية فصل المية السخنة من الدفاية - مع احترامي الكامل لحضرتك - ما لوش لزمة
لسبب بسيط.. إن المية أصلا مش بتدخل السربنتينة
إنما بيبقى ليها لزمة - وبشده - في العربيات الأوروبية... لإنها مبتركبش المحبس ده في أنظمة التهوئة فيها
من وجهة نظري... لو التكييف ضعيف في عربية يابانية وشكيت في إن الدفاية ليها سبب ... يبقى أشوف المحبس ممكن يكون عايز يتغيره كاوتشه أو محتاج طقم إصلاح.. أو يتغير خالص
إنما آخر حاجة أدور عليها هي فصل المية السخنة.
واسمحلي أختلف معاك في موضوع الجو في مصر
فيه أيام في الشتا في اسكندرية لازم تشغل الدفاية فيها... وأعتقد في الصعيد بالليل الموضوع بيبقى صعب جدا برضو
يا راجل ... درجة الحرارة بتوصل لـ صفر في أسيوط بالليل في الشتا
وأشكرك لسعة صدرك
...
المفضلات