ما الضرر عند أعادة تدوير المارش والسيارة دايرة

**Hosaam** · 13-03-2013 12:20 AM

حدث هذا الموقف معى سهوا يوم الجمعة الماضية حيث استدعانى البواب فجأة لتحريك السيارة لأنها قافلة على عربية أخرى واقفة أمامها فنزلت مسرعا لأجد صاحبة السيارة الأخرى مستعجلة جدا وقد أدارت موتور عربيتها استعدادا للحركة ، فقمت بأدارة موتور عربيتى ثم خرجت منها وذهبت لخلف العمارة لأتحرى عن مكان آخر يصلح للركنة ثم عدت للعربية فأعدت أدارة المارش ظنا منى أنها ليست دايرة حيث أن صوت العربية التى كانت امامى كان مرتفع لم أسمع معه صوت عربيتى ، عندما أعدت أدارة المارش سمعت صوت ضجيج مرتفع صادر من الموتور ففصلت على طول ثم أعدت أدارته ثانية فسمعت نفس صوت الضجيج المرتفع ففصلت ثم تذكرت أنى قد أدرت الموتور قبل الخروج من السيارة ، وما أود أن أعرفه ما هو السبب فى صدور هذا الضجيج من الموتور وهل حدث تلف ولو جزئى للمارش أو للموتور من عدمه أم لا ، علما بأنى قد أدرت العربية بعد ذلك فدارت كالمعتاد , ولكم جزيل الشكر

**aboomar22** · 13-03-2013 11:31 PM

علشان نعرف اللى بيحصل المارش يوجد به ترس يسمى البندكس والترس دى راكب على عمود بيحركة للامام وهو فى حالة الدوران فبيتم التعشيق فى ترس الفلام الموجود بالموتور فبيتم تدوير الموتور وعندها ترس البندكس بيرجع مكانة لما العربية بتكون دايره بيكون ترس الفلام فى حالة دوران وحضرتك لما دورت المارش بقى ترسين فى حالة دوران بسرعات مختلفة بيخبطوا مع بعض هو عموما لو الموضوع حصل مره ان شاء الله سليمة مش هيحصل حاجة انما مع التكرار ممكن يبوظ ترس البندكس او بلية المارش او جلب المارش وممكن كمان يحدث تاكل فى ترس الفلام

**samihanwar** · 14-03-2013 02:40 PM

المشاركة الأصلية كتبت بواسطة aboomar22

علشان نعرف اللى بيحصل المارش يوجد به ترس يسمى البندكس والترس دى راكب على عمود بيحركة للامام وهو فى حالة الدوران فبيتم التعشيق فى ترس الفلام الموجود بالموتور فبيتم تدوير الموتور وعندها ترس البندكس بيرجع مكانة لما العربية بتكون دايره بيكون ترس الفلام فى حالة دوران وحضرتك لما دورت المارش بقى ترسين فى حالة دوران بسرعات مختلفة بيخبطوا مع بعض هو عموما لو الموضوع حصل مره ان شاء الله سليمة مش هيحصل حاجة انما مع التكرار ممكن يبوظ ترس البندكس او بلية المارش او جلب المارش وممكن كمان يحدث تاكل فى ترس الفلام

الله ينور يا معالى الباشا