زاوية الدوران

**kyrillos** · 15-03-2013 01:05 AM

السلام عليكم يا رجالة المنتدى ,الموضوع ده غريب شوية
أنا بحس (عن تجارب كتير) ان العربية بتاعتى (ابيزا 94) أقصى زاوية دوران ليها أقل من عربيات تانية كتير
يعنى اكون داخل u turn وامشى ورا كذا عربية واكسر شمال على الاخر و الاحظ ان نص قطر الدايرة اللى العربية بتلف فيها اكبر من باقى العربيات
وبتبان معايا برضه فى الركنة parallel parking, لازم ابعد جامد عن مكان الركن واكسر الاخر وارجع عشان اركن مظبوط, مع انى ركنت فيات 131 قبل كده بسهولة عن دى
بتاع الزوايا قالى مافيش حاجة اسمها كده, ومعظم الناس بتقولى ده كلام هجص
انا شاكك ان حوار الجنط 15 بدل جنط 14 هو اللى عامل كده والله أعلم
ارائكم القيمة بقى

**SYD** · 15-03-2013 01:11 AM

مين قال ان الكلام دة هجص ؟؟؟
معروف ان لكل عربية فتحة برجل تختلف عن الأخري
انا شخصيا ركبت مرسيدس ودايو سيليو ولاحظت فيهم الموضوع دة - برجلهم واسع جدا ماشاء الله

والسيات فعلا برجلها ضيق شوية
بس عموما لو انت كنت مغير بارات او مناول مش بتاع عربيتك ممكن يسببلك مشكلة زي دي
هل انت بتشتكي ولا مجرد ملاحظة ؟؟؟

انا بصراحة عربيتي مش بحس فيها بمشكلة
صحيح لما بركن موازي للرصيف ممكن اخدها علي مرتين او تلاتة بس عادي مش حاسسها مشكلة

اما عن الجنوط ال15 او 14 او حتي 11 مالهاش علاقة
الفكرة كلها في مناول وبارات علب الدريكسيون وبارات العجل

تحياتي

**SYD** · 15-03-2013 02:16 AM

المشاركة الأصلية كتبت بواسطة kyrillos

والله انت برنس يا بشمهندس
انا لو عامل عقد support مع مايكروسوفت مش هايرودوا بالسرعة دى :ta_clap[1]:
انا زميلك فى المجال, مبرمج :e_braces[1]:
ما علينا, انا الصراحة ماعرفش صاحبها القديم مغير الحاجات دى ولا لأ
بس الموضوع مش مضايقنى يعنى, مافيش مصرى بيغلب, اللى مايجيش من مرة, يجى من تانى مرة
بس كنت عايز اتأكد الكلام ده سليم ولا لأ
شكرا يا كبير

اهلا بحضرتك

انت للأسف مش هتعرف انه مغيرها ولا لاء غير لما لاقدر الله تغيرها بنفسك وتجيب حاجتها
بس هي عموما الأبيزا برجلها ضيق شوية ودة لأن العربية مش كبيرة للدرجة اللي تخليها محتاجة برجل اوسع
يعني علي سبيل المثال :
خليك بتلف وش العربية في شارع عرضه 10 متر
وهات مرسيدس 200 يلف وشه في نفس الشارع
انت هتلفها علي مرتين وهو هيلفها علي مرتين او مرتين ونص

تحياتي لحضرتك
وفرصة سعيدة جدا

والله المستعان
،
،