والله ما أعرف..
لازم أشوف كتالوج العربية بتاعت حضرتك الأول.
صدقني أنا مش حافظ كتالوجات العربيات .. ولا الكتالوجات ليها قاعدة على فكرة علشان أحفظها.
يا ريت ترجع للموضوع تقراه تاني... هتفهم قصدي.
...
معايا عربيه بروتون ساجا 2011
ماشايا 51 الف
كنت شاريها مستعمله عامله 28 الف كيلو
حطيت مرتين ليها زيت اسمه زيتا 10w-40
اخر مره جبت زيت زادو تخليقى 5w-50
كنت عايز اعرف ايه انسب حاجه ليه
انا صورت صوره من المانوال
http://s5.postimg.org/601pdask3/DSC_0227.jpg
ياريت تقولى ايه انسب حاجه
حسب الصورة دي... فاللزوجات المسموحة في الموتور هي الموجودة في أول 3 أسهم من فوق بس.
يعني تنسى إنك تحط في العربية أي لزوجة من بتاعت 5w-20 , 5w-30 , 5w-40 , 5w-50.. اللي هي أغلب الزيوت التخليقية في مصر.
وحتى 10w-30 كمان ما ينفعش تستخدمه في الصيف إلا إذا كنت ساكن على السواحل الشمالية.. علشان آخر الزيت ده 40 مئوية.
يبقى حضرتك غالبا هتروح على الزيوت النص تخليقية.. وأغلب الزيوت التص تخليقية بتبقى لزوجتها 10w-40 زي الكتالوج عند حضرتك.
لو نويت تروح على زيوت معدنية.. فأغلب الزيوت اللي في السوق تنفع مع حضرتك.. خصوصا إن كود الـapi المطلوب هو sj أو أعلى... علشان كده بقول لحضرتك إن أغلب الزيوت تنفع معاك.
عموما.. أنا أنصحك بزيت كاسترول ماجناتك 10w-40.. أكواده api sl و acea a3/b4.
...
الف شكرا على الشرح الجميل .... ممكن اعرف هل زيوت XADO 5W40 ينصح بيها ولالا؟ وهل نضيف عليها Atomex Multicleaner بتاعهم ولالا؟ مع العلم العربيه سيراتو 2014 ماشيه 21 الف كيلو
https://www.facebook.com/15411191827...184214/?type=1
صوره من الكاتلوج: الزيت SN
http://s5.postimg.org/84r16jfwn/image.jpg
http://s5.postimg.org/devzxu05j/image.jpg
أنا معايا نفس العربية.. وعندي نفس الكتالوج ده..
خلي بالك...
الكتالوج كاتب إن مواصفات مستوى الجودة كالتالي:
API: مستوى SM أو أعلى
ILSAC: مستوى GF-4 أو أعلى
ACEA: مستوى A5
وآخر واحد ده بالذات مشكلة في حد ذاته.. لإن نادر قوي لما تلاقي زيت في مصر يكون كود الـACEA بتاعه A5.
خلي بالك كمان... كود ACEA A5 مش بييجي غير مع الزيوت الخفيفة.. وأثقل زيت شفته A5 كانت لزوجته 5W-30
طيب.. نعمل إيه دلوقتي؟؟؟
أنا شخصيا أفضل أروح على زيت 5W-30 يكون كود الـAPI بتاعه SM أو SN... ويكون كود الـACEA بتاعه A5...
لو لقيت زيت بالمواصفات دي في مصر يبقى حضرتك كده عامل أحلى واجب مع موتورك.
الزيوت دي مناسبة أكتر... بس ياريت تلاقيها فعلا...
Shell Helix Ultra SN 5W-30
Shell Helix Ultra SN 5W-30 - Shell Global
Castrol Magnatec 5W-30 A5
http://msdspds.castrol.com/bpglis/Fu...PXE-8X6SEB.pdf
Petromin A-1 Super Synthetic 5W-30
http://nileup.com/up/uploads/nilemotors_14352533251.jpg
أنا شخصيا باستخدم آخر واحد هنا في السعودية... ومعرفش موجود في مصر ولا لأ.
لو مالقيتش كود A5.. تقدر تروح على كود A3 (بأي لزوجة من الموجودين في الكتالوج).... بس كده الزيت مش هيكون موفر في البنزين.. وهتحس إن سحب العربية أقل شوية.
بالنسبة لزيت زادو... فالمواصفات دي كويسة.. بس ماهياش أفضل شيء للموتور
بصراحة... أنا بأفضل زيوت الشركات المعروفة واللي سمعتها لا خلاف عليها على مستوى العالم... (موبيل - شل - كاسترول - فوكس - Q8 - BP).
وبالنسبة للإضافات...
ما أنصحش أبدا بأي إضافة... لإن الإضافات يفترض إنها تكون موجودة أساسا في الزيت... وإذا ما كانتش موجودة في الزيت وبتتباع بشكل منفصل زي الحالة بتاعتنا دي.. يبقى الأفضل إني أبتعد تماما عن الماركة دي من الأساس... لإن ده بيديني انطباع إن الزيوت دي ناقصة حاجة وانا بكملها بالإضافات..
شركات الزيوت المحترمة بتقول بوضوح على مواقعها إن زيوتها "لا تحتاج إلى إضافات" لإنها مضاف إليها ما يكفى وبالقدر المناسب.
وبصراحة.. أنا عندي اقتناع شديد إن الإضافات دي عبارة عن اشتغالات بتعملها بعض شركات الزيوت .. بحيث تبقى دفعت في الزيت والإضافة أكتر من ثمن زيت فيه كل الأضافات من الموجودين عند شركات الزيوت المشهورة على مستوى العالم.
دي حاجة...
والحاجة التانية ...
إن الإضافة اللي حضرتك عايز تحطها مش معمولة للزيوت أساسا... دي معمولة علشان تنظيف دورة البنزين!!!
بالتوفيق إن شاء الله.
...
الف شكر لحضرتك ... انا وصلت لنفس الملخص الى حضرتك كتبتوا من خلال الموضوع بتاعك بس فعلا الفكره انى الاقى زيت A5 فالسوق المصرى وكمان مش لاقى 5w30 كل الى موجود 5w40 وانا لسه منزل على صفحه كاسترول بسالهم على النوع دا بس لسه مردوش .... وزادو فعلا طلع A3 مش A5
بالنسبه للاضافات هو الراجل قالى دا لوحدوا ودا لوحدوا بس لو حابب تحافظ على العربيه اكتر استخدم الاضافه دى مع البنزين فانا قلتلوا حفكر وحرد عليك.
الف شكر لحضرتك على الايضاح والاجابه الكامل
سمعت ان زيت فالوفين كويس هل تنصح بيه بردوا ولالا؟
هل كاسترول ماجنتك 5w30 تخليقى ولا نصف تخليقى ؟
تمام قوى
انا بردو كنت جربت 10w-40 قبل كده وكان حلو وكنت بنزله على 10 الاف كمان
وناوى اجرب الكاسترول فعلا المره الجايه ان شاء الله
بس بالنسبه للى حاليا فى الموتور 5w-50 ماشى بيه بقالى 2 الف كيلو
اخليه شويه كده وابقى انزله مثلا على 7 كده
والف شكر يا غالى على المعلومات
هل ده الى حضرتك تقصده
Castrol MAGNATEC - Car Engine Oil | Castrol United Kingdom | Products | Home
اصل مكتوب عليه
sm
فالفولين من الشركات العالمية المعروفة على مستوى العالم من زمان جدا.
وبتعمل زيوت كتير.. فحضرتك قصدك على أنهي زي فيهم؟؟
خليك ماشي على نفس القاعدة اللي احنا ماشيين عليها... يعني هات الزيت اللي مواصفاته زي الكتالوج أو أحسن... بغض النظر عن ماركته.
ولو قدامك أكتر من زيت بنفس المواصفات.. يبقى ساعتها ندور على الماركة.
طبعا.. الكلام ده بدون الدخول في مسائل غش الزيوت اللي بيحصل في بعض الأماكن.
كاسترول ماجنتك يعتبر من زيوت المستوى التاني عند كاسترول .. والمستوى الأول عند كاسترول هو "كاسترول إيدج Edge"
المشكلة إن أغلب شركات الزيوت مش بتقول بصراحة إذا كان الزيت نص تخليقي ولا تخليقي ولا إيه بالظبط...
علشان كده إحنا هنعتبره نص تخليقي.
...
والله أنا ما أفضلش إن الزيت يقعد أصلا..
المشكلة اللي أتوقع إنها تحصل جاية بالذات في بداية التشغيل...
حسب الكتالوج بتاعك.. لزوجة 5W-X خفيفة جدا في بداية التشغيل وممكن ما تعملش طبقة التزييت المطلوبة والموتور والزيت لسه باردين..
وبالتالي معدل التآكل ممكن يكون عالي أكتر من اللازم مع كل مرة تشغل الموتور على البارد.
الموقع اللي حضرتك دخلت عليه ده بتاع بريطانيا...
خليك في الزيوت المخصصة للشرق الأوسط. وادخل على الصفحة دي:
CASTROL ARABIA
ودي مواصفات الزيت اللي قصدي عليه
http://msdspds.castrol.com/bpglis/Fu...PXE-8XZ73R.pdf
...
طيب ولو حولت من زيت معدنى لزيت تخليقى حيحصل مشكله ؟ علما ان العربيه ماشيه 21 الف بس
انا لقيت توتال كوراتز بس مش مكتوب عليه ال ACEA
مكتوب عليه كود تانى ILSAC
TOTAL Quartz 9000 SN Future GF5 5W30
ممكن حضرتك توحضلنا الفرق من الكود التانى ؟
مفيش أي مشاكل...
21 ألف ده يعني العربية لسه جديدة ما عملتش أي رواسب داخلية
والعربية موديل 2014.. يعني الجوانات لسه بحالتها.
الـILSAC دي اللجنة العالمية لمعايير واعتماد الزيوت International Lubricants Standardization and Approval Committee
اتكونت سنة 1992 .. وهي في الحقيقة عبارة عن اتحاد لـ"جمعية صناع السيارات الأمريكيين" و "جمعية صناع السيارات اليابانيين"
ما عملوش حاجة زيادة غير إنهم أخدوا نفس كود الـAPI وسموه بأسماء تانية مع بعض التعديلات الطفيفة بحيث تتوافق مع معايير توفير الوقود وتقليل الانبعاثات الأوروبية.
فعليا.. تقدر تقول إن:
API SH = ILSAC GF-1
API SJ = ILSAC GF-2
API SL = ILSAC GF-3
API SM = ILSAC GF-4
API SN = ILSAC GF-5
...
الف شكر ليك على الايضاح الجميل .....
معنى كدة ان توتال كوارتز مش واخده ابروفل من ACEA لان مش موجود الكود عندهم فى المواصفات ؟
TOTAL Quartz 9000 SN Future GF5 5W30
صح.. مش واخد تصنيف من الـACEA..
بس خلي بالك إن الصفحة اللي حضرتك حاططها دي بتاعت توتال ماليزيا... والمشكلة إنك ممكن جدا تلاقي نفس الزيت بنفس الاسم بمواصفات مختلفة في كل بلد..
ده Total Quartz 9000 لوحده منزلين منه 18 نوع بمواصفات مختلفة... ومش هتلاقي من كل دول في مصر غير واحد أو اتنين.
http://kosser.net/masla/katalozi/Pas...0CATALOGUE.pdf
كده هتوه نفسك جامد .. فالأفضل تدور عند بتوع توكيلات الزيوت أو تروح تشوف بنفسك في المحلات المضمونة وتشوف إيه المتاح هناك.
ولو نويت تجيب توتال.. فده موقع توتال المصري:
http://www.total.eg/b2c-lubhome/B2C-...ucts-cars.html
...
شكرا ليك ... المشكله الحقيقه انى فعلا مش لاقى 5w30 فى اى براند فى مصر ومفيش بردوا A5
كل الى موجود 5w40 و A3 !
انا لقيت توكيل بترومين حنزل بليل اشوف عندهم الزيت الى قلتيلى عليه.
الف شكر يا غالى
انا دخلت على صفحة كا
سترول على الفيس بوك وسالتهم
قالولى ان فى لزوجه
كاسترول ماجنتيك المتوفر لدينا درجة لزوجته 10w-40
API SN/ CF
https://www.facebook.com/CastrolEgyp..._t=photo_reply
فا ايه رايك
مستوى الخدمه كده مش احسن
الف شكر يا غالى
انا دخلت على صفحة كاسترول على الفيس بوك وسالتهم
قالولى ان فى لزوجه
كاسترول ماجنتيك المتوفر لدينا درجة لزوجته 10w-40
API SN/ CF
https://www.facebook.com/CastrolEgyp..._t=photo_reply
فا ايه رايك
مستوى الخدمه كده مش احسن
احب اشكرك جدا على مشاركتك علمك مع اخوانك
بارك الله فيك وفى اهلك
وجزاك الله خيرا
انا الحمد لله لقيت الزيت وغيرتوا ...انا دفعت 360 بس هى شامله كام خدمه زى تربيطه العفشه والكشف عن السوائل والكاوتش نيتروجين وكدة فاتوقع ال 4 لتر 320 جنيه تقريبا
ودى شكل العبوه http://s5.postimg.org/gsm77oitj/IMAG2598.jpghttp://s5.postimg.org/yu5c5hcuf/IMAG2597.jpg
الف شكرا ليك وتحياتى :)
السلام عليكم ورحمة الله وبركاته ......... وكل عام وحضراتكم بخير
لو سمحتم عايز مساعدتكم لانى اشتريت سيارة افانتى اكس دى 2005 ( النترا 2005 ) معاقين من بورسعيد ومعنديش كتالوج ليه ومش عارف ايه انواع الزيت المناسبة للموتور فياريت تساعدونى وجزاكم الله كل خير
انا عندي سؤال الكتالوج عندي sae range from 10-30 to10-50 'A3 B3 استخدمت زيت موبيل ١ مره كان 5-50 لاقيت حراره العربيه سيئه والتبريد مش زي مانا متعود ايه السبب ؟ والسؤال التاني لو استخدمت لزوجه 5-40 هايبقي في مشكله ؟ مع العلم انا شغال ب10-40 شل الحمد لله كويس معايا
السبب إن حضرتك استخدمت لزوجة زيت غير الموصى بها في الكتالوج. ..
حسب ما حضرتك كاتب... اللزوجة المسموح بيها 3 درجات فقط:
10w-30
10w-40
10w-50
غير كده لا يجوز..
باختصار... الوضع بالنسبة لموتور عربيتك إن استخدام أي لزوجة تبدأ ب5w-x مش هتدي الموتور طبقة الحماية الكافية.. بالذات مع ازدياد درجة الحرارة .. والمشكلة دي بتزيد مع تحميل العربية أو استخدامها في الطرق المنحدرة أو المرتفعة.. أو حتى في الحرق والشد بالعربية.
وبالنسبة للزوجة المرتفعة زي 15w-x أو 20w-x.. فالموضوع هنا كمان فيه مشكلة لإن اللزوجة العالية معدل سريانها أبطأ وممكن بعض الأماكن في الموتور الزيت ما يوصلهاش بالسرعة المطلوبة..
ده غير إن مستوى جودة الزيت بيفرق بشكل جوهري..
مثلا... ما ينفعش تجيب زيت متصنف api sn مثلا ومش واخد تصنيف في acea.. لإن كتالوج عربيتك بيقوللك ﻻزم يكون واخد تصنيف acea a3/b3
ما تسمعش لكلام حد غير الكتالوج... ومهما سمعت من ناس بتشكر في زيوت.. فالزبوت دي ممكن تكون مناسبة لمواتير عربياتهم.. مش موتور عربيتك.
يعني فرق 5 سواء اعلي او اقل ده يعمل مشكله ؟ انا لما جربت 15-50 كان معايا افضل من 5-50 بس طبعا الافضل هو بتاع كتالوجي
معلش هو سوال خارج زيت الموتور
عربيتى بروتون ساجا 2011
ماشايا 50 الف
عندى فى الكتالوج
كاتبلى لزوجه 75-85
المهم
روحت جربت توتال 80-90
ومن ساعة ما حطيته بقالى 10 الاف اهو
والفتيس بقى تقيل فى النقل خصوصا الاولانى وساعات التانى
والصبح بيعذبنى لما ابقى مهدى وعايز اجيب الاول
فا ايه الزيت المناسب فى السوق ويبقى تمام
معلش هو سوال خارج زيت الموتور
عربيتى بروتون ساجا 2011
ماشايا 50 الف
عندى فى الكتالوج
كاتبلى لزوجه 75-85
المهم
روحت جربت توتال 80-90
ومن ساعة ما حطيته بقالى 10 الاف اهو
والفتيس بقى تقيل فى النقل خصوصا الاولانى وساعات التانى
والصبح بيعذبنى لما ابقى مهدى وعايز اجيب الاول
فا ايه الزيت المناسب فى السوق ويبقى تمام
السلام عليكم
واضح ان في مشكله اصلا في الفتيس و غالبا هتكون اسطوانة و ديسك وروح الميكانيكي بتاعك او ابتلع فتيسات كويس عشان موضوع النقل ده واحسن زيت فتيس منيوال عن تجربه هو موبيل
تحياتي
و هات زيت موبيل 90\ 120 الجيركن الابيض عن تجربة و اذا كانت عربيتك عملت ازيد من 100000 كم ازي كان اقل هات ال 80\90
التزم بالمواصفات بتاعة الزيت حسب المكتوب في الكتالوج أيا كانت ماركة اازيت اللي هتشتريه.
عموما.. لزوجة 75w-85 نادرة شوية في السوق.. فقدامك حلين
يا تروح على ازوجة 75W-80 أو لزوجة 75w-90 على أساس إنهم أكتر لزوجة موجودة. .
يا إما تدور على اللزوجة الصحيحة في التوكيل أو تشتريه من النت.
العضو الكريم borio1704
لى سؤال فيما يختص بزيت الفتيس ..
المواصفه فى الكتالوج هى دكسرون 3 .. الفتيس اتوماتيك و به ستيب ترونك .. عدد النقلات 4 نقلات فقط .. سبرانزا 620
هذه المواصفه تنطبق على موبيل ATF 320 .. هو دكسرون 3g
1 - ايهما افضل فى الماركات الاتيه بصفه عامه لزيت الفتيس غير ما ذكرته فوق
لوكى مولى
فوكس Fochs
فالفولين
شل
2- و ماهى الماركه الاضافيه التى تفضلها لانى لا اعلم ماركات زيت الفتيس
3- ايهما افضل التصنيعى ام النصف تصنيعى
4- حسب ما قرأت اعلى شيئ فى ديكسرون 3 هو 3H .. ثم يوجد بعد ذلك مباشره ديكسرون 6 .. و لا يوجد شيئ اسمه دكسرون 4 او 5 ؟؟
هل يمكن استعمال دكسرون 6 ( لونه ابيض ) .. ام ان المسموح فقط هو دكسرون 3 ( لونه احمر )
و حسب ما قرأت ايضا انه للماركه الواحده يوجد 10 او 12 نوع زيت اتوماتيك .. يختلف طبقا لعدد نقلات الفتيس او نوع السياره او طريقه عمل الفتيس ( CVT مثلا )
احترت فى اختيار الماركه المناسبه التى تعتبر احسن الزيوت للفتيس .. و ايهما افضل التصنيعى ام النصف تصنيعى !!
كل عام و انت بخير