جزاك الله خيرا موضوع ممتاز جدا
جزاك الله خيرا موضوع ممتاز جدا
شكل حضرتك فاهم فى الزيوت فعايز أستشيرك فى نوع الزيت المناسب لسيارتى
تاعربية ماتركس 2007 ماشية 45000 كيلو
كنت بحط فيها زيت شل اللى بيتغير كل 3000 كيلو و كان 20w50
و أنا بعمل صيانة ال 40000 ألف حطوا فى التوكيل زيت شل و قالوا تغيروا بعد 5000 كيلو بس أنا ملاحظ من ساعتها ان العربية صوتها عالى و استهلاك البنزين زاد
زيت ال 3000 كنت ساعات بسيبه فى العربية 5000 كيلو و كان بيعدى عليه أكتر من 6 شهور فى الموتور
و سؤالى لحضرتك
أيه أكتر زيت مناسب للعربية
كنت بفكر فى موبيل 1 0w 30
أو كاسترول ايدج 10w40
ايه نصيحتك لية للحفاظ على الموتور بحالةجيدة
اسف للاطالةو شكرا
شكل حضرتك فاهم فى الزيوت فعايز أستشيرك فى نوع الزيت المناسب لسيارتى
تاعربية ماتركس 2007 ماشية 45000 كيلو
كنت بحط فيها زيت شل اللى بيتغير كل 3000 كيلو و كان 20w50
و أنا بعمل صيانة ال 40000 ألف حطوا فى التوكيل زيت شل و قالوا تغيروا بعد 5000 كيلو بس أنا ملاحظ من ساعتها ان العربية صوتها عالى و استهلاك البنزين زاد
زيت ال 3000 كنت ساعات بسيبه فى العربية 5000 كيلو و كان بيعدى عليه أكتر من 6 شهور فى الموتور
و سؤالى لحضرتك
أيه أكتر زيت مناسب للعربية
كنت بفكر فى موبيل 1 0w 30
أو كاسترول ايدج 10w40
ايه نصيحتك لية للحفاظ على الموتور بحالةجيدة
اسف للاطالةو شكرا
أخي العزيز..
نوع الزيت المناسب لسيارة حضرتك هو الموصى عليه في الكتالوج..
ارجع لصفحة الزيوت في الكتالوج واعرف إيه المطلوب بالظبط وطبق عليه القواعد اللي مكتوبة في الموضوع
في الحقيقة... مواصفات الزيت حسب ما هي مكتوبة في الكتالوج ممكن تنطبق على زيوت كتير في السوق.. وكل اللي حضرتك هتعمله إنك تتأكد إن الزيت اللي هتشتريه يكون محقق المطلوب في الكتالوج
أولوياتك هي اللي بتحدد أنهي زيت هتختار
يعني لو عايز أقصى حماية وأقل انشغال بمواعيد الصيانة.. أكيد هنروح على الزيت التخليقي... بس تكلفة الغيار الواحد أعلى..
إنما لو عايز توفير في الفلوس (للغيار الواحد) بس مستعد تنشغل أكتر بالصيانة.. تقدر تروح على الزيت المعدني.
في الآخر.. أولوياتك هي اللي بتحكم على اختيارتك... بشرط إنها تكون تمشي مع الموجود في الكتالوج
وعلشان ما أبقاش مقصر معاك.. ياريت تصورلنا صفحة الزيت في الكتالوج ونقارنها مع الزيوت المقترحة.. ونشوف إيه الأنسب.
...
السلام عليكم ورحمة الله وبركاته
موضوع جميل وشرح وافي وشكرا على مشاركة المعلومات القيمة في المنتدى
الله يكرمك و يباركلك هذا الموضوع رئع و ارجو ان الموضوع الجديد يكون عن دورة التبريد فى المحرك و اخر عن زيت الفتيس و درجاتة و كيفية استعمالة و الانواع المختلفة . شكرا جزيلا
السلام عليكم ورحمه الله وبركاته اخر الفاضل
بعد التحية
الموضوع هايل الصراحه وفهمت منه حاجات كتير بس لى سؤال بعد اذنك
انا عربيتى قديمة بولونيز موديل 1987 ولسه عامل عمرة لانها كانت بتاكل زيت ومش عارف اعود العربية على نوع اه من الزيوت لما اتكلم مع بتاع الزيت اللى بغير عنده بيقول زيت شل التقيل والميكانيكى بيقولى حط زيت موبيل 7500 او التعاون الاخضر وطبعا مفيش كتالوج عندى علان اعرف اطبق المقال فياريت تقولى على نوع زيت يحافظ على السيارة و يكون فى المعقول
ولك منى الف تحية
خلينا ناخد الموضوع بالراحة ونشوف..
حضرتك بتقول العربية موديل 1987... يعني الكتالوج لا يمكن يكون طالب مواصفة API أعلى من SH
معتقدش إن فيه في السوق دلوقتي زيت أقل من SH
بمعنى آخر... أي زيت في السوق يمشي معاك.
يبقى فاضل بس موضوع اللزوجة...
طبعا.. اللي لازم تلتزم بيه إنك تحط زيت "متعدد اللزوجة".. وفي رأيي ممكن تختار درجة لزوجة من دول:
20w-50
15w-40
15w-50
10w-40
كل اللزوجات دي تمشي معاك بدون مشاكل إن شاء الله... لإن دي اللزوجات اللي كانت موجودة في وقت تصميم العربية.
أهم حاجة ما تحطش زيت أحادي اللزوجة .. بمعنى إنك تلاقي مكتوب عليه درجة لزوجة واحدة بس
زي SAE 40 مثلا.. أو SAE 35
...
السلام عليكم ورحمه الله
اولا جزاك الله خيرا لسرعة الرد
ثانيا انا ان شاء الله حاعتمد على زيت درجة اللزوجة 20w-50 اعتقد انه انسب لى واعتقد انه بمواصفات SJ وانا على فكرة لقيت على المواقع الكتالوج وكان مكتوب فيه عن الزيت ودى صورة الصفحه
http://nileup.com/up/uploads/nilemotors_14146574111.jpg
وسواء اخترت موبيل 7500 او التعاون او غيره فاعتقد انهم زى بعض مادامت نسبة اللزوجه 20w-50 فاختار اى واحد مش فارقه
كلامى صح كده
والف شكر مرة ثانية
كلامك صح :)
بس من وجهة نظري يفضل إنك تلتزم أكتر بالكتالوج..
طبعا مفيش في مصر لزوجة 20w-40 (ما شفتهاش بصراحة).. بس متهيألي ممكن تلاقي 15w-40 بسهولة أكتر.. واللزوجة دي أفضل بالذات لما تيجي تشغل العربية في الصباح.
ولو ما لقيتش يبقى اشتري 20w-50
وزي ما توقعت... كود الـAPI المطلوب للعربية عندك هو SD على الأقل.. يعني فعلا ممكن تحط أي زيت في السوق.
وربنا يباركلك في عربيتك :)
شكرا يا باشا على الافادة .... حقيقي موضوع رائع جدا تسلم ايدك عليه
حاجة جميلة....قشطة
تم تعديل المشاركة الأولى والمشاركة الرابعة لتوضيح بعض الفروق بين أنواع الزيوت التخليقية.
...
ده موضوع شيق جدا و مهم جدا
و بجد اشكرك على حسن اخيتار الموضوع و سهول توضيح المعلومة
ممكن تساعدنى اكثر و تقول لما اطبق كل متطلبات الزيت السابقة
ممكن اختار زيت ايه لسيارة بيجو 406 لسنه 2004
هل يختلف شركات البترول فى نوعية الزيت (mobil , totaly , shell )
لو كل شركة من دول عندها زيت بنفس المواصفات... فأي زيت منهم ينفع.. ولا بتفرق ما بين الشركات حاجة.
فعليا... مفيش فروق محسوسة في الأداء بين شركات الزيوت... المهم نختار صح.
بالنسبة لعربية حضرتك... خلينا نعرف إيه المطلوب في الكتالوج الأول وبعدين نشوف أنهي زيت في السوق يمشي معانا.
ومهم جدا نتأكد إن الزيت مطابق للمواصفات الأوروبية للزيوت وكمان متطلبات بيجو-سيتروين (لو كان الكتالوج طالب كده).
...
طالما حضرتك بتقول إن مش بتفرق بين الشركات
ليه دائما بلاحظ إن شيل أنعم وأهدأ من توتال في صوت الموتور ... وكمان أفضل بكثير في السحب من توتال
وليه بلاحظ لما بحط موبيل .. إني حاطط مياه بشوية صابون ... سحب ضعيف وصوت عالي جدا وحرارة على طول مرتفعة عن المعدل الطبيعي
مع ملاحظة إن لما بعمل مقارنة بينهم بيكون غالبا على نفس العربية ونفس المشاوير والظروف تقريبا
وطبعا كلهم توتال كوارتز وموبيل 1 وشيل ألترا ... وكلهم نفس اللزوجة وكود خدمة واحد sn حاليا آخر واحد جربت عليه
أعتقد إن أكيد في فرق بينهم على الأقل في موضوع السحب والحرارة بالنسبة لموبيل وشيل ... وموضوع السحب وصوت الموتور بالنسبة لتوتال وموبيل
المفروض ان مفيش فرق
الفرق عندنا هنا بيظهر اعتقد لاختلاف جوده التصنيع او درجه غش المنتجات
بلد ذي الامارات او السعوديه الفروق ديه مش محسوسه عشان جوده الزيوت واحده تقريبا
خلي بالك ان مش معني ان زيت لزوجته مثلا 5w-40 يبقه كده تخليقي
شيل الجديد طريقه تصنيعه مختلفه عن الباقيين في مصر خصوصا اللترا عشان تكنولوجيا تقطيف الغاز الجديده المستخدمه فيه
تحياتي ليك
تسلم ايدك على المعلومات الهايلة دى
بس الغريب إن توتال كوارتز التخليقي المفروض حسب ما هو مكتوب علي العلبة مصنع ومعبأ في فرنسا
أنا ما جرتش شسل الجديد لسة .. بإذن الله المرة الجاية
المشكلة إن اللزوجة اللى زي 5w-40 دي مش هانلاقي منها غير تخليقي في مصر ... كل المعدني اللى موجود لزوجته بتكون غير مطابقة
جزاك الله على خيرا على الرد
الاختلافات اللي حضرتك ملاحظها مؤكد ليها سبب
الشيء المؤكد بالنسبالي إن الزيوت دي مش زي بعض زي ما حضرتك متخيل..
بشيء من التدقيق في البيانات المكتوبة على الزيت ومقارنتها بالمطلوب في الكتالوج هتقدر تعرف ليه بعض الزيوت بتشتغل كويس في عربيتك في حين إن بعض الزيوت التانية اللي شكلها كويس بردو مش بتأدي زي ما أنا متوقع..
وخليني آخد مثال واقعي من متطلبات كتالوج عربيتي ومقارنته مع الزيوت اللي حضرتك بتتكلم عليها (موبيل 1 وشيل هيليكس ألترا وتوتال كوارتز).
كتالوج عربيتي (سيراتو 2014) طالب الآتي:
اللزوجة:
5w-30
أو 5w-40
أو 10w-30
أو 15w-40
أو 20w-50
والمفضل فيهم هو 5w-30
http://nileup.com/up/watermark.php?s...717202.jpg&p=c
أكواد الخدمة:
* كود الـAPI: يفضل SMعلى الأقل.. وفي حالات الضرورة أو عدم توفر درجة SM فيمكن استخدام زيت بدرجة SL
* كود الـILSAC: يفضل GF-4 على الأقل (يكافئ API SM)
* كود الـACEA: يفضل A5 على الأقل
http://nileup.com/up/watermark.php?s...717191.jpg&p=c
تعالى بقى نشوف الزيوت اللي ينطبق عليها الكلام ده
طبعا الاختيار باللزوجة سهل وكلنا عارفينه.. بس المهم دلوقتي أكواد الخدمة
نبدأ بـموبيل 1 :
الموجود في السوق المصري (حسب المكتوب على موقع Mobil 1™ Egypt | Synthetic Motor Oils) هو التالي:
Mobil 1 New Life™ 0W-40
0W-40 Oil | Mobil 1 New Life™ 0W-40
Mobil 1™ ESP 5W-30
Mobil 1™ ESP Formula 5W-30 | Mobil 1™
Mobil 1™ Peak Life 5W-50
5W-50 Oil | Mobil 1 Peak Life 5W-50
مبدئيا... هنشوف مواصفات الـMobil 1™ ESP 5W-30 علشان التانيين لزوجتهم ما تنفعنيش
وأكواد الخدمة فيه:
ACEA C2, C3
API (Meets Engine Test Requirements) SM / SN
JASO DL-1
AAE (STO 003) Group B6
ده غير إنه واخد اعتمادات من كل شركات السيارات اللي عايزه اعتمادات.. BMW ومرسيدس وفولزفاجن وبورش وكرايسلر وبيجو سيتروين ولادا!!!
على عيني... بس الكلام ده ولا يهمني ما دام مش مطلوب في الكتالوج.
كده كود الـAPI بس هو اللي مناسب... كود الـACEA فيه كلام..
على فكرة.. مع إن كود الـC في الـACEA يعتبر أعلى من الـA5.. بس فعليا مش قادر أحكم إذا كان ينفع يشتغل ولا لأ..
وما دام الموضوع فيه شك يبقى أستبعده.
يبقى كده موبيل بره..
نشوف شيل
بصراحة بما إني مش موجود في مصر .. فأنا مش قادر أعرف أنهي نوع بالضبط من هيليكس ألترا اللي بيتباع في السوق... لو تقدر تساعدني وتصورلنا ظهر العلبة علشان هي اللي فيها المفيد.
المهم..
أنا دخلت على موقع شيل وشفت زيت Shell Helix Ultra SN 5W-30
Shell Helix Ultra SN 5W-30 - Shell Global
أكواد الخدمة بتاعته:
API SN
ILSAC GF-5
ACEA A5/B5
اعتمادات الشركات : Chrysler 6395; GM 6094M, 4718M; Ford WSS M2C946-A, M2C929-A; Honda HTO-06
حسب متطلبات كتالوج عربيتي... ده زيت مناسب جدا
فيه أنواع تانية كتير في موقع شيل... 90% منهم ما ينفعش معايا... بسبب كود الـACEA
نيجي بقى لتوتال
توتال بقى حدوتها كبيرة
عندها مثلا مجموعة من الزيوت إسمها كوارتز 9000.. كلهم تخليقيين..
بس أنهي فيهم اللي يجمع المواصفات اللي فوق؟؟؟
من وسط 18 زيت (كلهم اسمهم كوارتز 9000)... مفيش غير واحد بس هو اللي ينفع علشان متصنف فيه كودين الـAPI والـACEA... وماشيين مع المتطلبات.
الباقيين كلهم فيهم كود من الاتنين.
نزل البروشور بتاعهم من هنا علشان تتأكد..
Total Quartz 9000 engine oil |Total Lubricants
طيب.. يبقى اللي ينفع يشتغل معايا من الزيوت دي هو:
Shell Helix Ultra SN 5W-30
أو
TOTAL QUARTZ 9000 ENERGY HKS G-310
ما ينفعش أقول "شيل ألترا" مثلا وأسكت.... بقية إسمه التجاري هو اللي هيخلينا نعرف ندور ونجيب مواصفاته الصحيحة.. أو نشوف المواصفات المكتوبة على العلبة بالتفصيل.
بناء على الرغي الكتير اللي فوق ده.... الزيت اللي أقدر أستخدمه وأنا مطمن 100% هو بس اللي يحقق كل المتطلبات... مش واحد منها بس.
على فكرة... الكلام ده أنا طبقته فعلا .. وقارنت كل أنواع الزيوت اللي كانت قدامي وأنا بشتري هنا في جدة..
كان قدامي موبيل 1 وشيل ألترا وكاسترول ماجنيتك وتوتال كوارتز وحتى زيوت تويوتا ومتسوبيشي..
تخيل... الوحيد اللي غطى متطلبات الكتالوج هو بترومين A-1..
http://nileup.com/up/watermark.php?s...574761.jpg&p=c
وشغال معايا زي الفل وبدون أدنى مشاكل.. لإني مختار صح.
أنا مش بعمله دعاية... إنما بقوللك إنك لازم تبص كويس في مواصفات الزيت قبل ما تشتريه.. علشان تختار صح
عندي طلب أخير من حضرتك.... وبجد علشان ننهي الجدل اللي طالع على اختلاف أداء الزيوت...
ياريت تصورلنا علب الزيوت التلاتة اللي حضرتك استخدمتهم... علشان تبقى المقارنة عملية... وكمان تصورلنا صفحة الكتالوج اللي فيها مواصفة الزيت المطلوب.
ساعتها بس نقدر نعرف أنهي زيت تستخدمه منهم.
...
الزيوت التخليقية اللي أساسها معدني - أو اللي بيصنفوها في مجموعة 3 في الـAPI - كلها لزوجتها خفيفة.. لإنها معمولة بأسلوب كسر السلسلة الهيدروجينية Hydro-Cracking.
إنما لو الزيت تخليقي من زيوت غير معدنية ... وبالذات لو زيت الأساس بتاعها PAO.. ممكن بسهولة جدا تلاقي منها لزوجة 20w-50.. و 20w-60 كمان
الوصلات اللي تحت دي لشركة زيوت استرالية.. وواضح من منتجاتها إنها شركة قوية.
RACING 20 20W-60 (100% PAO ESTER)
http://www.penriteoil.com.au/tech_pd...ngine_Oils.pdf
...
في الأول كنت باستعمل الزيت ده في السوزوكي ألتو ... بس اللى اشتراها خد معاها الكتالوج بتاعها طبعا ومش فاكر المواصفات اللى كانت فيه إيه
Shell Helix Ultra 5W-40 - Shell Global
وبعد كدة بقيت باستعمل الشيل اللى حضرتك حطيت اللينك بتاعه الـ 5w-30 ... والاثنين كانوا زي بعض في الأداء بالنسبة لي ما حستش بفرق تقريبا ...
حاليا في السوزوكي سويفت وفي البروتون بيرسونا .. أنا جربت توتال اللى التوكيل بيحطه ... مرة واحدة فقط اللى هي أول صيانة ... وللأسف برضه ما عنديش علبهم ومش قادر أفتكر أنهي واحد من اللى على موقعهم
---------------------
كتالوج السويفت بيقول إن أفضل اختيار لاستهلاك الوقود هو ... SAE 5W-30 ... API SG,SH,SJ,SL AND SM
طبعا في بعد كدة
10W-30
10W-40
15W-40
20W-40
مش مكتوب أي بيانات أخرى في الموضوع ده
http://i856.photobucket.com/albums/a...RUMS/SWIFT.jpg
---------------------
كتالوج البيرسونا ... الأفضل حسب الكتالوج ... SAE 20W-50 ... API SJ
اللزوجات الأخرى المتاحة ... 20W-40 ...
15W-40 ... 15W-50
10W-40 ... 10W-50
10W-30
5W-40 ... 5W-50
5W-30
5W-20
وبرضه مافيش أي مواصفات أخرى متاحة غير كدة
http://i856.photobucket.com/albums/a...MS/PERSONA.jpg
يعني كود الـ ACEA .... والـ ILSAC ... مش مذكورين في الكتالوج نهائيا ... دورت عليهم في كل الصفحات الممكنة مافيش ليهم أي ذكر ... أنا شايف برضه الأكواد دي مش موجودة في صورة الكتالوج بتاع حضرتك المرفوعة ... حضرتك بتعرفها منين
ممتاز... كده بقى نتكلم عملي..
بالنسبة للسوزوكي سويفت:
يفترض إن أي زيت من اللي حضرتك استخدمتهم يكون كويس... حتى لو ظهر قدامك إن صوته عالي شوية زي الموبيل 1 مثلا..
بس كود الـACEA غالبا بيبقى موجود في الزيوت اللي في السوق..
طيب أفرق ازاي؟؟
باختصار...
لو لقيت الزيت عليه كود A1 يبقى الزيت ده موفر في البنزين.. بس محتاج يتغير بسرعة
لو لقيت كود A3 .. يبقى الزيت ده بتاع خدمة شاقة وممكن يخدم مسافات طويلة في الموتور... بس مش موفر.
لو لقيت كود A5 .. يبقى الزيت ده موفر في البنزين وبتاع خدمة شاقة .. يعني كإنه A1+A3
كود الـC يعتبر هو نفسه الـA5 بس معمول للعربيات اللي فيها علبة البيئة .. وفيه اختلافات من ناحية بعض المكونات تخليه أحيانا مش مناسب في كل العربيات.
المشكلة الكبيرة في أكواد الـACEA إن مفيش كود أحسن من التاني... لإن كل كود له استخدام.. وهما منزلين تحذير إن الاستخدام الخاطئ ممكن يسبب مشاكل مع بعض المواتير.
المهم.. في رأيي.. لما تيجي تشتري زيت للسويفت.. اتأكد إن كوده A3 أو A5
ولو مش موجود عليه كود للـACEA يكون أحسن.
نيجي للبرسونا
واضح إن اللزوجة المنخفضة ما تنفعش في الموتور ده... حتى لو تخليقي !!!!
خلي بالك... مش كل الزيوت الموجودة في الرسمة تنفع تشتغل... الزيوت اللي فوق 40 مئوية بس هي المناسبة
يعني 15W-40 ... 15W-50 10W-40 ... 10W-50
وممكن تروح على 10w-30 لو انت ساكن على السواحل الشمالية زي اسكندرية أو بورسعيد أو مطروح.
لو قدرت تجيب زيوت تخليقية لزوجتها عالية كده.. كان بها..
ما قدرتش.. خليك في شبه التخليقي
بالنسبة للأكواد...
نفس الكلام اللي قلناه في السويفت هيمشي هنا... بس أعتقد إن كود الـA5 ممكن يسبب مشاكل (مش متأكد بصراحة)
الأءمن إنك تخليك في كود A3.
ولو مفيش كود للـACEA يكون أحسن بردو.
بالنسبة لعربيتي.. أنا عرفت إن العربية محتاجة كود للـACEA من الصورة دي:
http://nileup.com/up/watermark.php?s...717191.jpg&p=c
...
جزاك الله خيرا وبارك فيك وزادك علما ونفع بك
تم تحديث المشاركة الأولى بإضافة معلومات هامة عن كود الـacea
...
السلام عليكم
عندي استفسار بالنسبة لكود الacea
في الكورولا مثلا بتلاقي مكتوب في الكتالوج اللزوجه وتصنيف الAPI فقط
ولما تيجي تشوف موبيل 1 مثلا تلاقي فيه تصنيف للAPI و acea
من ناحية API الزيت مطابق لكن acea اعرف منين انو مطابق وميعملش مشاكل وهوا مش مديني عنو معلومات في الكتالوج
تاني حاجه يعني ايه علبة البيئة ؟
بالنسبة للسؤال عن كيفية الاختيار في حالة عدم وجود توصية بكود الـACEA في الكتالوج.. ممكن حضرتك ترجع للمشاركة رقم 347... فيها شرح أعتقد إنه وافي..
ولو فيه أي حاجة غامضة أنا تحت أمرك.
أما بالنسبة لعلبة البيئة... فده المصطلح الدارج لما يسمى بـ"المحول الحفاز" أو Catalytic Converter
وده عبارة عن علبة من علب الشكمان بتتحط بعد شجرة الفرن .. وفي أغلب العربيات دلوقتي بقت هي العلبة الأول في الشكمان.
http://s.hswstatic.com/gif/catalytic...r-location.jpg
مهمة المحول الحفاز إنه يقلل من الغازات الضارة اللي بتخرج مع العادم عن طريق إنه يتفاعل معاها وينتج غازات غير مضرة أو - في أسوأ الأحوال - ضررها أقل.
http://i148.photobucket.com/albums/s9/avi530/avi2.gif
http://repairpal.com/images/managed/...r_06.18.11.png
العلبة دي جواها مادة كيميائية حفازة بتتفاعل مع الغازات زي ما قلنا..
http://toyotamotorhome.org/forums/up..._58_123213.jpg
بس المشكلة إن العادم أحيانا بيكون فيه مواد ممكن تتفاعل بطريقة غلط وتوقف عمل المواد دي .. و أحيانا بتسد بعض المسام وتقلل من قدرة الموتور
http://www.rx8club.com/attachments/s...-insidecat.jpg
زيت الموتور (أو نواتج احتراقه) ممكن يكون أحد المواد دي .. لإن الزيت بيستهلك مع البنزين لإن دي طبيعى تشغيل الموتور (راجع المشاركة رقم 2)
الـACEA بقى عملت مواصفات لفئة من الزيوت اللي ما بتتفاعلش مع المحول الحفاز أو تقلل من كفاءته.. لإن موضوع البيئة ده مهم جدا في أوروبا.. ومخالفته عليه غرامات كبيرة لصاحب العربية.
طبعا.. مش كل العربيات فيها محول حفاز... ومش كلها بتطلع نفس كمية الغازات المضرة... بالإضافة إلى إن ممكن جدا استخدام زيت كود الـACEA بتاعه C ممكن يسبب مشاكل للموتور اللي بينصح بكود الـA أو مش بينصح بأي كود تبع الـACEA من أساسه.
...
جزاك الله خيرا
ارجوا توضيح الزيت المعدنى زى ايه والتخليقى زى ايه ... من فضلك.
انا راجعت المشاركة 347
لكن انا قلة المعلومات الموجوده في الكتالوج مش مدية فرصة للاختيار بناءا على تصنيف acea
ومش عارف ازاي تويوتا متنزلش حاجه زي كده في الكتالوج طالما هيا مهمه و بقت موجوده على كل الزيوت الى شفتها
تاني حاجه عربيتك اكيد فيها علبة بيئة ليه التصنيف عندك a5 مش المفروض بالc5
وشكرا على المعلومات الى قبل كده وعلى المعلومات الخاصة بعلبة البيئة وعلى الاهتمام
أنا معايا ليون 2014 1.2L ومكتوب في الكاتالوج VW 504 / 00 و VW 507 / 00, و الي فهمتو إنه 5W30, و سيات أو فولكس عموما بترجح زيت Castrol, و للأسف مفيش Castrol غير 5W-40.
يا ترى أجيب Castrol 5W-40 ولا Valvoline 5W-30.
ياريت تفيدوني عشان محتار جدا ولازم أشتري الزيت في أسرع وقت.
شكرا.
ولا ده ولا ده..
ما دام ما عليهومش مواصفة VW يبقى ما ينفعوش... ومش أي مواصفة لـVW
لازم تبقى VW 504/00 أو VW 507/00
ما تحطش موضوع الماركات ده في دماغك.. مش معنى إن الكتالوج يوصي بماركة معينة يبقى هي المفضلة...
أي ماركة زيت تكون عندها نوع يلبي مواصفات الكتالوج استخدمها وانت مريح بالك إن شاء الله
أنا عملتلك سيرش صغير على النت..
والزيوت اللي تنفع معاك هي أي واحدة من دول:
Mobil 1™ ESP 5W-30
Mobil 1™ ESP Formula 5W-30 | Mobil 1™
أو
Wolver UltraTec Longlife III 5W-30
Wolver UltraTec Longlife III 5W-30 - Katalog :: WolverLab GmbH - Your tribology expert!
أو
Wolver UltraTec Longlife 5W-30
Wolver UltraTec Longlife 5W-30 - Katalog :: WolverLab GmbH - Your tribology expert!
أو
WOLF MULTIGRADE LONGLIFE III 5W30
Wolf Oil Corporation: blending technology with service - Products - Product
أو
Quartz INEO Long Life 5W30
Total-EngineOils | Quartz INEO Long Life 5W30
أو
Liqui Molly Top Tec 4200 5W-30
LIQUI MOLY - Motor Oils, Additives, Car Care - Products - Top Tec 4200 5W-30
أو
BIZOL Technology 5W-30 507
BIZOL_Catalog_EN_03-09-14
ودي قائمة بأسامي الزيوت المعتمدة لمواصفة VW 504/507 كلها على مستوى العالم.
Volkswagen Oil Standard 504.00 / 507.00 Approved Oils | my-gti.com
شوف المتاح من دول في مصر.. أي حاجة منهم هتنفعك... في رأيي المتاح غالبا هيكون إما موبيل أو وولفر.
وربنا يوفقك
...
هو الكتالوج فعلا ما قالش حاجة... إنما أحيانا ممكن يديلك حاجات تدلك..
زي إيه؟؟
لو قاللك مثلا إن الزيت يكون موفر في الطاقة Energy Saving... يبقى تروح على طول على كود الـA5
لو ما قالش.. يبقى كود الـA3 هيكون كافي
وفي جميع الأحوال... لو لقيت زيت مش مكتوب عليه كود الـACEA.. أكيد هيكون أفضل لعربيتك.
بالنسبة لعربيتي... فعلا فيها علبة البيئة... بس الكتالوج قايل A5 (أو أعلى)...
يجوز فيه اختلاف في المواد الموجودة في علبة البيئة تخلي الصانع ما يلزمكش بـكود الـC
وعلشان أكون صريح معاك... أنا لسه مش قادر أجزم إن الـC1 أو C2 أو C3 ينفعوا ولا لأ...
ولحد ما أعرف... هفضل ملتزم بالـA5
...
ياباشا ألف شكر على المعلومات وردك السريع, ربنا يخليك. بس انت مش شايف إن لزوجة ال 5w-30 قلقية شوية لحماية الماتور على المدى الطويل بالنسبة لطقوس الجو في مصر؟ طبعا بإعتبار إنهم حاطين 5w-30 عشان مناسب أكتر لظروف الجو في أوروبا. ولا أخليني بردو ماشي مع الكاتالوج(5w-30)؟
شكرا!