طيب انا معايا مازدا 3 2008 و اللى قبلى كان بيحط موبيل 1 10000 انا غيرت و بحط شيل 5000 اللى هو 15w-30 , و المكتوب فى الكتالوج ان يتحط 10w-40 فهل كده فيه اى تأثير و لا تمام و لا تنصحنى بايه ؟؟؟
طيب انا معايا مازدا 3 2008 و اللى قبلى كان بيحط موبيل 1 10000 انا غيرت و بحط شيل 5000 اللى هو 15w-30 , و المكتوب فى الكتالوج ان يتحط 10w-40 فهل كده فيه اى تأثير و لا تمام و لا تنصحنى بايه ؟؟؟
الموضوع مفيد ومحتاج يتذاكر زي مذاكرة الكلية او المدرسة عشان القصة طلعت مش سهلة خالص
انا عربيتي كورولا 2002 وكنت بحط لها زيت موبيل 3000 ولقيت اني لازم انزله على 2500 او اقل عشان لزوجته بتقل .. وفي نفس الوقت انا بعمل بتاع 100 كيلو في اليوم فبالتالي ححتاج اغير زيت كل شهر
فعامل المحطة نصحني اني احط موبيل سوبر 10 الاف لما حطيته لقيته على صوت الموتور عن الاول بشكل مزعج على الاقل بالنسبالي خصوصا اني ماسمعتش صوت للموتور من ساعة ما اشتريتها .. بس خلى سحب العربية عالي عن الاول .. فمش عارفة انزله وارجع لل 3000 ولا اية
موضوع أكثر من رائع....بارك الله فيك على المعلومات القيمه جدا
تسلم ايدك وشكراً علي المعلومات دي
مجهود رائع يا باشمهندس وتسلم على المعلومات المفيده
الموضوع اكثر من رائع جزاك الله خيرا
طب انا معايه نوبيرا 2 موديل 2003 احط زيت تخليقى بالكامل و لا نص تخليقى علما بان العربية ماشى 181 الف كيلو
وايه افضل ماركة زيت
1000 thx
تسلم وموضوع مفيد جداََ
اولا:- اشكرك على اخلاصك فى اعطائك المعلومة ويعلم الله انى دعوت لك بظاهر الغيب على التوفيق لك والبركه فيما اعطاك من علم ومن مال ان شاء الله.
ثانيا:- انا معي فيرنا 2005 كاملة مانيوال 1600سي سي وليس عندي معلومات عن هذه العربية فى صيانتها حيث اننى كنت امتلك 128 - فماذا تنصحني بنوع الزيت للمكنة ولباقي العربية ؟ مع العمل ان اليوم الميكانيكي اخبرني ان المكنة خفيفة شوية رغم ان العداد عامل 76000ك فقط
ثالثا:- ياريت لو الميل بتاعك او رقم موبايلك حتى اتمكن من سؤالك فى امور كثيرة لا اعلمها عن العربية وعن صيانتها ومراعاتها وعن المكنة الخفيفة
اشكرك جدا
جزاك الله خيرا
جزاك الله كل خير
برنس وتسلم ايديك
لو عايز تعرف أكتر عن صيانة العربية... أحسن حاجة تقرا الكتالوج... وممكن تنزل كتالوج العربية من الوصلة دي:
hyundai accent owners manual 2002 pdf free ebook download from www.analogstereo.com
وبالنسبة لنوع الزيت .. فالقاعدة الذهبية الأولى بتقول ارجع لكتالوج العربية، وأنا عموما معنديش نوع زيت معين بمشي عليه... مادام مطابق للمواصفة المكتوبة في الكتالوج أو أعلى منها.. باستخدمه.
بالنسبة للمواتير الخفيفة... فده مصطلح بيتقال عادة لما يبقى فيه تآكل مابين السلندر والحلقات الحاكمة (الشنابر) اللي حوالين البساتم
فيه حلول مؤقتة... معظمها عن طريق استخدام زيوت أتقل (بيسموها زيت شنبر) عشان تبقى قابليتها للاحتراق مع البنزين أقل شوية وتحكم الخلوصات اللي اتوجدت
إنما إيه اللي خلى المكنة خفيفة مع إنها عاملة 76 ألف بس... ده ممكن يبقى له كذا سبب، منها
طريقة السواقة وكون اللي اشتريت منه العربية كان بيحب يشد بيها على طول...
أو ممكن يكون ثرموستات الكوعة مش موجود...
أو ممكن كمان يكون نوع الزيت اللي بيستخدمه خفيف .. وده بيخلي الموتور يدي تسارع أكبر بس عمره بيبقى أقصر..
...
موضوع اكثر من رائع يا هندسه
شكراااااااااا
اولا اشكرك على الرد
طيب زيت الشنبر ده نوعه اية؟ وبيتحط بدل زيت المكنة ولا مع زيت المكنه؟ ولما اشترية اطلب كثافة ولا مسافة اد اية ؟ وسعره كام؟
وبالنسبة للمكنة الخفيفة - طبعا معرفش اللى قبل منى كان بيستخدم اية من الزيوت او مشية كان ازاى ولكن اللى انا اعرفة انه كان بيستخدم بنزين 80
كما ان ما هي مواصفات المكنة الخفيفة لان فيه ميكانيكي تانى شاف المكنة وقال لا دي مش خفيفة؟
واللى بيحصل هو ان فيه بخره بيضة خفيفة جدا بتطلع من الخرطوم اللى رايح على العمة وفية ترشيح زيت كمان حوالين العمة اما باقي العربية فمفيهاش مشاكل نهائيا
بارك الله فيك بجد موضوع مفيييييييييييييييييييييد جدااااااااااااااااااااااا ااااااا واسلوب ممتاز وسهل
ربنا يجعله فى ميزان حسناتك ان شاء الله
:uuuup:
:uuuup:
:uuuup:
:hihihi:
شكرا على المعلومات موضوع مفيد فعلا
موضوعك ممتاااز
تسلم الايادي والله
موضوع ممتاز ولك الشكر والعرفان
انا بستعمل زيت موبيل ديلفاك ام اكس ثري مع علبة زيت ابرو
طبعا انا اخذت الفكرة من مواضيع بتمجد وبتشكر في هذا الخليط السحري :C_laugh[1]:
فمحتاج ايضاح اكثر عن مدي صلاحية استخدام زيت الديزل المذكور للمواتير البنزين لان الفكرة منتشرة وعايزين ايضاح اكثر
واكون شاكر مقدما
خلينا نوضح حاجة مهمة..
زي ما قلنا في المشاركة رقم 3 في أول الموضوع... زيت دلفاك فيه منه كذا فئة:
في اللزوجة:
فئة أحادي اللزوجة... يعني لزوجته مش بتتغير زي الزيت متعدد الدرجات اللزوجة... وغالبا حتلاقي مكتوب عليه SAE 40
فئة متعدد درجات اللزوجة... زي زيوت المواتير العادية بتاعتنا.. وممكن تلاقي منه درجة اللزوجة دي 20W-50
في كود الخدمة:
فئة محركات الديزل فقط... يعني كود الـAPI مكتوب عليه رمز الـ(C) فقط.. زي CI-4 أو CF مثلا ... ومفيش عليه أي كود (S).
فئة محركات الديزل/ البنزين: يعني عليه كود الـ(C) وكود الـ(S)
حسب ما أنا فاهم من موقع Mobil لزيت دلفاك MX 111... الزيت ده متعدد الدرجة ولمحركات الديزل فقط
موقع زيت موبيل دلفاك إم إكس 111
المعروف عن زيوت محركات الديزل (وزي ما شرحنا في المشاركة رقم 3) هدفها التنظيف قبل التزييت، لإن طبيعة مواتير الديزل بتطلع رواسب كربونية كتير جوه جسم الموتور، خصوصا إن الاحتراق بيتم عن طريق الضغط العالي وليس عن طريق الإشعال بالبوجيهات
الكربون بيبقى عامل طبقة على الأجزاء المتحركة فبيبقى هو في حد ذاته طبقة حماية للأجزاء المعدنية... بس استمرار تكون الرواسب أكتر من اللازم بيعمل مشاكل ولازم يتشال أول بأول
خلي بالك إن الزيت ده مخصص لمواتير سيارات النقل... يعني هيفي هيفي ديوتي
طيب... محركات البنزين مش بتطلع كل الرواسب دي... عايز تنظف إيه بالظبط؟؟؟
لو زيت دلفاك MX بس (مش MX 111) أقولك ماشي لإنه بيشتغل على محركات الديزل والبنزين
ده بالنسبة للزيت
______
بالنسبة للإضافات... فده موضوع تاني
أصلا... صعب جدا تعرف مكونات الإضافات دي إيه... والمعلومات المتوفرة على الإنترنت في الموضوع ده قليلة قوي.. وعلى فكرة شركة "أبرو" مش هي الشركة الوحيدة اللي بتعمل إضافات للزيوت
المعلومات اللي قدرت أوصلها عن الإضافات ملخصها حاجة واحدة
ما تشتريش إضافات للزيوت
لإنها ... يا إما مالهاش تأثير ... يا إما ليها تأثير مدمر
إزاي؟؟؟؟ وكل الكلام ده إيه؟؟؟
اختراع الإضافات كان له فايدة كبيرة زمان لإن تكنولوجيا الزيوت كانت متأخرة نوعا ما. والإضافات كانت فعلا بتعمل شغل... دلوقتي الزيوت بقت أحسن بكتير... أُمال إيه لزمة كود الخدمة بتاع الـAPI؟؟؟
الإضافات في السوق أحد أربع أنواع من ناحية المكونات
1- إضافات مغشوشة... ودي طبعا مش أكتر من مجرد زيت عادي ممكن يكون مضاف إليه لون أو رائحة أو أي شيء ليس له علاقة بتحسين الأداء
2- إضافات أساسها مادة الـPTFE أو المعروفة تجاريا بـ"التفلون"، ودي المادة الأساسية في أواني "تيفال" المشهورة... ودي مشكلتها الأساسية إنها ممكن تعمل حماية فعلا على الأجزاء المتحركة... بس غالبا بتعمل سدد في مجاري الزيت الضيقة وكمان ممكن تسد فلتر الزيت
3- إضافات أساسها مادة من أحد مركبات فوسفات الزنك (ديالكيلدي.ثيوفوسفات الزنك Zinc dialkyldithiophosphate)
ودي بردو ممكن تكون مفيدة جدا وبتعمل حماية للأجزاء المعدنية بالذات لو المحرك تعرض لأحمال قوية جدا... زي السباق أو جر أوزان ثقيلة مثلا
طيب ده حاجة كويسة جدا... إيه المشكلة بقى؟؟؟
المشكلة إن مركب فوسفات الزنك ده موجود دلوقتي في كل الزيوت العادية تقريبا، ولو حبيت تزود الفايدة وتحط إضافة... المركب (الزيادة) ده هيخرج مع الزيت المستهلك في السلندر ويبقى سبب رئيسي في سدد علبة البيئة بتاعة الشكمان
يعني من الآخر: الشيء اللي يزيد عن حده بينقلب ضده
4- إضافات أساسها مواد مذيبة ومنظفة: غالبا مواد زي الكيروسين والنفتالين والأسيتون... ودي مهمتها إنها تذوب الرواسب من الأجزاء المتحركة... زي فكرة زيت الديزل أساسا.
فكرة إزالة الرواسب ماهياش فكرة سيئة... إنما إضافة المواد المذيبة ممكن تكون زيادة عن الحد لإنك ما تعرفش تحط منها قد إيه... يعني حطيت كفاية ولا بزيادة؟؟؟ وزي ما قلنا.. حطيت بزيادة يبقى بتعمل تآكل زايد في المحرك.. فما بالك وانت حاطط زيت ديزل؟؟؟
بعد المعلومات اللي فوق دي... قوللي انت كده... رأيك إيه؟؟؟
من الآخر... أغلب الإضافات اللي فوق موجودة أساسا في الزيوت العادية... والإضافات دي كانت كويسة مع الزيوت القديمة من 40-50 سنة... إنما دلوقتي... كل الزيوت عليها إضافات كافية تغنيك عن أي مغامرة ما تعرفش نتايجها.
...
شكرا لردك السريع يا بشمهندس
وبعد كلامك وانا اقتنعت بيه هعمل بالمثل اللي بيقول
امشي عدل يحتار عدوك فيك .. بمعني هو من قلة زيوت البنزين لما هنجرب زيت الديزل !!
اهي تجربة ولك الشكر للافاده :cheekkiss5::cheekkiss5:
في الواقع انا لأول مرة اقرأ معلومات جميلة كدة ومتفقة مع مواقع الزيوت العالمية
يعني مثلا موقع شل كاتب ان بعد 10000 كم تبدأ تفكر في تغيير الزيت ايا كان نوعه
عموما انا بغير الزيت كل 15000 كم ممكن افكر ازود 5000 كم واشوف ايه الاخبار من حيث البخر واللزوجة :]
كلام جميل ومحترم من خبير كبير ومحترم فعلا إحنا كسبنا واحد من الخبراء الجدد فى منتدانا
موضوع منسق وغنى بالمعلومات .......:018A1D~146:
ليا سوائل اغلب المواتير بتطلب زيت SAE 15w/40 ...... واغلب الزيوت فى مصر SAE 20w/50
عربيتى موديل 95 ولكن الموتور ممتاز بفضل الله وباستخدم على طول درجة 50 وقررت انى اغير المرة الجاية لــ 40
هل هيكون تغيرر جيد للمحرك ام لة تاثير سلبى ؟؟؟
شاكر جدا جدا
انا غيرت زيت ل وولف VitalTech 5W50 تخليقى عربيتى افيو 2006 عاملة 62000 كم كانت بتستخدم زيت معدنى موبيل مع مالكها القديم لحد 55000 كم فهل الزيت دة كويس هو مواصفاتة sn
موضوع ممتاز جدا .....ربنا يباركلك
الله ينور عليك ياباشا ومعلومات رائعه
موضوع ممتاز جدا جدا وفى معلومات كتير جدا
ربنا يبارك فيك وفى موضوعاتك
موضوع أكتر من رائع
جزيت خيرا يا باشا
المشكلة هنا مش حساب الكيلومترات.... المشكلة إن عمر الجوانات والأويلسيلات في الموتور بقى كبير... والمعروف إن أي أجزاء مطاطية أو بلاستيكية عمرها الافتراضي في حدود الـ5 سنوات، وبعدها بيكون معدل التحلل والتشققات كبير، بغض النظر عن كون الأجزاء دي استخدمت أو ما استخدمتش خلال الفترة دي.
وهو ده السبب الرئيسي في كون العربيات بتفتح بقها في الصيانة بعد 5 سنين
عشان كده بنقول... لو عربيتك عدى عمرها الـ5 سنوات وما عملتش صيانة وتغيير للأجزاء المطاطية في الموتور... ما تغيرش من زيت معدني لزيت تخليقي من غير ما تتابع وتشوف التسربات اللي ممكن تحصل منه من أي مكان فيه... خصوصا إن الزيت التخليقي هيزود التشققات دي لو هي موجودة.
...
شكرا جزيلا على الموضوع الرائع ده
مش قادر اقول غير استاااااااااذ
و شكرا لمجهودك العالي.
تحياتي
السلام عليكم عربيتي بيجو 405 موديل 2003 عداد الكيلو متر 238 الف العربية معايا من الزيرو ودائما بحط زيت شل الترا 10 الاف والسؤال هنا
هل انا المفروض اغير الزيت واحط 5 الاف علشان اللزوجة اكيد هتكون اعلى والعربية ماشية كتير مع العلم ان معظم مشاويري بتكون سفر وطرق مفتوحه او بمعنى اصح ايه الزيت المناسب للموتور ....وشكرا
برنس والله
فعلا الول ما غيرت من زيت معندى لزيت تخليقى شل الترا 10000 في التوكيل في صيانة ال 55000 كم حصل ترشيح من جوان وش التاكيهات والزيت بعد 6000 كم نقص وغيرتة على 7000 بزيت وولف
عموما هجرب زيت وولف دة ولو نقص هرجع لزيت نص تخليقى او معدنى وربنا يسترها
وربنا يباركلك على المعلومات الجميلة دى
كلام رائع
الموضوع هايل جدا وربنا يجازيك خير إن شاء الله بس عندي إستفسار هام جدا وياريت الرد ضروري:
بالنسبة للموتوسيكلات الريسينج زي cbr 919 , cbr 1000 إية أحسن الزيوت اللي تنفع ليها مع العلم إن ال rpm دائما ما بيبقى عالي وبيوصل ل 10000 لفة والسرعة بتيقى عالية جدا بتوصل 300كم وتتغير على كام كيلومتر.
جزاك الله خيرا علي الجهد و المعلومات