حصل معايا لما غيرت من موبيل 5000 لشل تخليقى 10000 جوان وش التاكيهات بقى بيعرق زين والزيت نقص كيلو الا ربع فى 6000 كم غيرت الجوان وغيرت لزيت وولف 5w50 بقالى حوالى 3000 كم والحمد لله تمام افيو 2006 عاملة 63000 كم
حصل معايا لما غيرت من موبيل 5000 لشل تخليقى 10000 جوان وش التاكيهات بقى بيعرق زين والزيت نقص كيلو الا ربع فى 6000 كم غيرت الجوان وغيرت لزيت وولف 5w50 بقالى حوالى 3000 كم والحمد لله تمام افيو 2006 عاملة 63000 كم
بجد بجد ,, مش عارف اقولك ايه .. انت حقيقي استااااااااذ ,, معلومات رائعه ومفيده جدا , جزاك الله خير
أولا: لو الموتور قديم
يعني بقاله كام سنة شغال على الزيت المعدني بس... والخطوات دي هتتعمل قبل أول مرة هتحط فيها زيت تخليقي:
1- لازم نغير الجوانات والأويلسيلات بتاعة الموتور لإنها حتضرب بعد التشغيل بمدة قصيرة، بالذات لو الموتور بقاله أكتر من 5 سنين
2- يفضل يتعمل أويل فلش Oil Flush قبل ما نحط الزيت التخليقي عشان نشيل الرواسب القديمة
عندي هنا سؤالين ,,,,
1 : معني تغير الجوانات يعني كدا هانحل الموتور ويتفتح ولا الجوانات دي بتتغير من غير فتح الموتور ؟؟
2: الاويل فليش دا ماده بتضاف ولو كدا طريقتها استعمالها ازاي , ولا هي مجرد عمليه بجهاز مثلا ؟؟؟ شكرا ليك يا باشمهنس
الف الف شكر
مواضيع قيمه
وجزاك الله خيرا
وجعلهالله فى ميزان حسناتك
بصراحه مش عارف اقولك ايه بس بصراحه انت وفيت و كفيت و لكن عندي استفسار واحد
حضرتك قولت ان الزيوت التخليقيه بنحطها و ممكن نغيرها كل سنه مع الفلتر فممكن حضرتك توضح علما اني معايا سياره شيفورليه لانوس 2014
شكرا جزيلا
الحقيقة مش اقول إيه.
موضوع رائع وشرح سهل وواضح.
اشكر لك سعة صدرك.
جزاك الله خيرا, موضوع ممتاز
انا عندي فيرنا اوتوماتيك من 3 سنين و قاطعة 43000 و بحط زيت معدني من الأول - الموتور بحالة ممتازة - هل هناك مشكلة اذا حولت لزيت تخليقي
و شكرا........
انت رجل محترم وشكرا على المعلومات القيمه
لا... غالبا الجوانات والأويل سيلات مش بنحتاج نفتح فيها الموتور، بس أحيانا بنحتاج نفك أجزاء كتير، وفيه احتمال في بعض الأحيان نحتاج نرفع الموتور من العربية علشان نوصل لأويل سيل مستخبي
بص على الصورة دي...
http://www.aa1car.com/library/oil_leaks.jpg
غالبا الجوانات والأول سيلات اللي بتضرب هي:
1- جوان غطاء التاكيهات
2- جوان الكارتير
3- جوان غطاء التقسيمة (لو كانت على جنزير... إنما لو على سير يبقى مفيش)
4- أويلسيل الكرنك من الأمام
5- أولسيل الكرنك من الخلف.... وده هو المشكلة لإنه بيبقى مستخبي ورا الحدافة عند اسطوانة الدبرياج
بالنسبة للفلش... فده عبارة عن زيت خفيف جدا عليه بعض الإضافات لتنظيف الرواسب، والعملية بتبقى ببساطة عن طريق وضع الفلش مع أو بدال الزيت العادي وتشغيل الموتور كام دقيقة (مل التعليمات دي حتلاقيها على العبوة)...
غالبا لازم يكون الموتور متسخن كويس قبلها
في فترة التشغيل دي زيت الفلش بيشيل الرواسب، وبعدين بننزل الزيت كله ونشوف ... غالبا بيكون الموتور نضف من الرواسب اللي فيه
http://www.samarins.com/check/img/oil_caps_small.jpg http://i960.photobucket.com/albums/a...s/DSCF0719.jpg
بس نصيحة... ما تستخدموش كتير... يعني مرة كل كام سنة كفاية قوي
...
باختصار اللي حصل بعد الكلام ده اني سبت العربية للميكانيكي يعمل صيانه قام حط فيها زيت شل احادي الدرجه 50 و 2 علبه زيت شمبر ولما رجعت قال لي ان دي خلطه علشان صوت الكستبانات اللي بيظهر الصبح وبيروح وبيرجع تاني لما العربية تسخن
طبعا كنت قلقان و هنا ع المنتدى نصحوني انزل الزيت خصوصا وهو كان مخلي مستوى الزيت اعلى من العلامه ب لتر تقريبا
قولت استغل الزيت ده وان العلبه بتاعته مكتوب عليها انه للديزل برضه وانه بينظف الترسبات ومشيت عليه مشوار 200 كيلو ونزلته
وعلشان قلقي من الفلاش مش استعملت فلاش و حطيت زيت تخليقي بالكامل لزوجه 5-40 درجه خدمه sm (اعتمدت ان الزيت التخليقي من ضمن مهامه تنظيف الرواسب برضه حتى ولو الرواسب هتنزل بعد اكتر من تغييره ) و فوق الزيت ده حطيت اضافه خاصه للكستبانات حسب ما بيقولوا بتنظفها (هيدروليك لفتر) وبرضه لسه في صوت
وحاليا متابع تناقص الزيت والحمد لله مفيش لحد دلوقت (500 كيلو )
أحيك على الموضوع ده
الصراحه انت انسان رائع
ياريت تشرح لنا طريقة تقيم الزيت وفقا للمقاييس دي مع قليلا من التفصيل
الـapi و الـacea
بمعنى بنائا على ايه حصل الزيت ده على درجة SJ مثلا و SL
افادكم الله ياباشا ومتشكر جدا على المجهود الكبير ده والمعلومات القيمة دى
شكرا لمجهوداتك لاثراء المنتدى
بعد قراءة 14 صفحه بما تحتويه
اشكرك جدا علي المجهود الرائع والمعلومات الغاليه ......قليل مايعلموها
انا عندي نقص فى الزيت تقدر بأقل من نص لتر ..... رحت اشتريت لتر زيت وطلع زيت ديزل تقيل ....قلت مش مهم وحطيت منه لحد العلامه ومازودتش ..... طبعا الزيت تقيل جدا
قلت مش مشكله انا كده كده حغير زيت كمان حوالي 1500كم
انا كنت حاطط زيت الامارات تصنيعي (تخليقي) والمفروض انه يستمر 10,000كم
التسريب اللي عندي لقيته من فوق عند غطا الزيت ودايما بيسرب حواليه ومن عند خرطوم الفايص برضو من فوق
فياريت النصيحه .......... انا عكيت الدنيا لما حطيت زيت معدني ديزل علي زيت تصنيعي (تخليقي) ولا مفيش مشكله؟؟
وايه الحل
ملحوظه انا دائما كنت بحط زيت موبيل1 وغيرت لزيت شيل الترا والمره الاخيره دي قلت اما اجرب مش اكتر
العربيه اسبيرانزا 2000 سي سي مو 2010
سؤال اخير لو رجعت احط زيت شيل الترا .....اغير برضه بعد 10,000كم ولا ممكن استمر لحد 15,000كم ؟؟
شكرا للتواصل
ايه ياجماعه 5 ايام ولا حس ولارد .......... ايه زعلتو مني ولا ايه
أول حاجة أنا بعتذر عن التأخير في الرد... في الحقيقة أنا كنت عايز أرد من فترة وفعلا دخلت من الموبايل بس ما قدرتش أكمل الرد وبعدين اتشغلت
أرجو إنك تقبل اعتذاري
بالنسبة للي حضرتك حكيته... فهكلم حضرتك بصراحة ... ويا ريت ما تتضايقش
أول حاجة.... مبدأ خلط الزيوت مرفوض تماما.... لإن زي ما قلنا قبل كده الإضافات في ماركات الزيوت ممكن تكون مختلفة وتتفاعل مع بعض بشكل سيء ممكن يؤذي المحرك.. ده بفرض إنهم ليهم نفس المواصفات من ناحية اللزوجة ومستوى الخدمة
فحضرتك خلطت زيتين مختلفين في الاستخدام واللزوجة والإضافات!!!
حضرتك فعلا... عكيت الدنيا
كل اللي أقدر أقوله إن ربنا يستر وما يكونش فيه مشاكل كبيرة حصلت
من وجهة نظري يفضل إنك تعمل "فْلَش" للموتور عشان نشيل أي ترسبات ممكن تكون حصلت نتيجة الخلط ده... وتغير الفلتر طبعا.
طبعا... نقص الزيت عموما ظاهرة متعارف عليها... وعلشان نتفادى موقف زي اللي حصل معاك ده.. فأحسن شيء إنك تشتري لتر زيادة مع كل غيار زيت تخليقي وتسيبه في العربية علشان تزود زيت لو احتجت
كده حضرتك بتزود من نفس الزيت اللي شغال في العربية
متهيألي كمان لازم نعرف إيه سبب نقص الزيت .. وكمان محتاجين نعرف الزيت المتسرب من عند الغطا وخرطوم الفايظ ده قد إيه؟؟ يعني كتير ولا قليل ولا مجرد بخر بسيط.
لو تقدر تصوره لنا يكون أفضل بكتير
بردو محتاجين نعرف النقص ده حصل بعد كام كيلومتر من تغيير الزيت... (حسب ما أنا فاهم كده يبقى 8500 كلم).
أما بالنسبة للتغيير لزيت شيل هيلكس ألترا.. فأنا مش شايف أي مشاكل لإن حضرتك بتستخدم زيت تخليقي على طول.. ده بالإضافة إلى إن العربية ما عدتش الـ5 سنين
وأنا شخصيا مقتنع بإن الزيت التخليقي ممكن يقعد في العربية أكتر من 10 آلاف ولحد 20 ألف كمان.. المهم إننا نزود الزيت الناقص من نفس العبوة.
...
جزاكم الله خيرا
مفيش حاجه للاعتذار .... كلنا بنتشغل
يعني لازم اعمل فلش واغير الزيت !!!!
طيب لازم افضي الزيت الاول وبعد كده ابدأ احط زيت الفلش ؟؟؟؟ وافضل مشغله 5 دقايق مثلا وبعد كده افرغه مش كده؟
ولا احط زيت الفلش علي طول علي اللي موجود ؟؟ برجاء التوضيح
بالنسبة لتسريب الزيت ..... ده بقاله فتره معايا من التغييره الاولانيه ...... يعني من قبل 8500كم
كنت دايما بحط زيت موبيل1 وبعد كده غيرت لشيل الترا
- سؤال اخير معلش: زيت الفتيس (اوتوماتك) لازم اغيره كل 40الف كم ولا ممكن استمر عليه اكتر ؟؟؟؟ لاني كشفت عليه من كام يوم لقيته لسه لونه فاتح جدا وماتحرقش ..... بس لزوجته خفت
شكرا لمجهودك
جزاك الله خيرا
شكرا على المعلومات دى بس كنت عايز اسال على ال motor flush ده كويس للمواتير القديمة و لا ايه؟
انا لسه حاطه عندي فى العربيه امبارح ...... والحمد لله مفيش اي مشاكل والزيت لقيته اصبح نضيف جدا كأنه شفاف
ماتقلقش من "الفلش" حجتي لو الموتور قديم ...... بس حطه بحذر وما تمشيش بالعربيه , مجرد انك تحطه وتسيب الموتور داير علي السلانسيه لمدة 3-5-10 دقائق علس حسب الارشادات من كل نوع
النوع اللي جبته stp كان بيقول اشغل الموتور 15 دقيقه
بالتوفيق
بشكل عام... استخدام الأويل فلش محتاج شوية حذر ومتابعة جيدة جدا .
زي ما قلنا قبل كده... الفلش عبارة عن زيت خفيف وعليه إضافات تنظيف ومواد مذيبة علشان تتخلص من الرواسب الموجودة في الموتور، والرواسب لو كتير .. احتمال تتسبب في سدد الفلتر.. عشان كده يفضل إنك تكون مركز في أي أصوات غريبة ممكن تسمعها وانت بتستعمله، وتبطل العربية أول ما تسمع حاجة غريبة وتنزل الزيت ده كله وتغير الفلتر.
مواد التنظيف غالبا بتبقى مواد ممكن تكون معدنية وبتشتغل بما يشبه الصنفرة... عشان كده بيخلوه يشتغل فترة بسيطة في الموتور (5-10 دقايق)
المواد المذيبة كمان بتعمل إذابة للرواسب الملتصقة داخل الموتور، بس مشكلتها إنها ممكن تأثر على الجوانات والأويلسيلات اللي في الموتور فيما بعد
المشكلة دي بالذات بتظهر لأن الجوانات بتبقى اتكون عليها طبقة من الرواسب بتساعد هي كمان في منع التسرب، ولما تشيلها بيكون الجوان أو الأويلسيل الأصلي مشرخ وحالته وحشة نتيجة الاستخدام والحرارة على مدى سنين الخدمة السابقة، وغالبا مش هيكمل ويبدأ يسرب زيت، بالذات لو استخدمت زيت تخليقي
على فكرة... تسريب الزيت ممكن ما يظهرش مباشرة بعد التشغيل.
عشان كده.. ما دام الموتور قديم (أقدم من 5 سنين)... ابقى اعمل حسابك على شوية جوانات واويلسيلات هتتغير لما تستخدم الأويل فلش.
مجهود رائع .........................
شكرا على كم المعلومات المفيدة
ما هي افضل ماركات الزيوت عالميا وموثوق فيها وخاصة بعد سمعة المويل السيئة بعد تعبئة فى مصر سمعت ان فالفولين ولوكى مولي لا يعلى عليهم اكن قولت اسال اهل الخبرة ما ترتيب افضل زيوت فى العالم وارجو الرد والاهتمام
انا كنت بستخدم على طول ريت موبيل وان , وواحد اقترح عليا زيت جديد اوروبى ورخيص لسه جديد فى السوق والشركة اللى بتستورده شركة محترمة , قلت نجرب
الزيت بيخلى سحب العربية افضل والتسخين فى الصبح بيبقى الزيت خفيف معاه مبيرعش العربية ,
المهم ان الميه فى القربة بتنقص وزودتها مرتين كل 3 او 4 اسابيع والزيت مغيره مكملش شهرين ونص لسه , وكله تمام ومفيش تسريب وده اللى محيرنى
فالحل الأخير انى انزل الزيت واحط موبيل وان تانى واجرب واشوف الزيت بيسخن العربية وبيبخر الميه ولا لا
فياريت اى حد عنده فكره بالموضوع ده يفيدنى ضرورى عشان ابقى عارف قبل متفتح فى حاجة تانية , وانا متابع الميه وبزودها لو طلب الأمر
:help2::help2:
والله انا استفد.... واريد من حضرتك موضوع الموتوسيكلات...انا عندى بجاج ... وعاوز استفيد
السلام عليكم ورحمة الله
اخونا العزيز واضح ان فيه لبس بسيط اسمحلي اوضحلك
اولا: لازم حضرتك تحط زيت من نفس مواصفات الزيت الموصي عليه لموتورك ..... حتلاقيه مكتوب فى الكاتالوج
نوع المنتج مايفرقش فى حاجه , انا بتكلم علي درجة اللزوجه الموصي بها
ثانيا: المياه وتسريبها او نقصانها ليست لها علاقه بنوع الزيت المستخدم ..... مجرد صدف ليس اكثر
ثالثا: لابد من غسل دورة التبريد جيدا ثم وضع ماء معالج اخضر/ احمر بدون اضافة ماء عادي نهائي
مبدأيا زيت موبل1 درجة لزوجته هي : 5w-50 ومستوي الخدمه هو sm/cf .....ياريت تقارنه بالزيت الجديد
حتلاقي الكلام ده مكتوب علي العلبه من الخلف
منتظرين ردك بعد المعاينه
بالتوفيق ان شاء الله
ما الفرق بين :
Acea : A 3
و
acea: A 5
بمعنى هل يجوز استخدام زيت مواصفته acea : A 3 فى عربيه مكتوب فى الكتالوج بتاعها مواصفة الزيت يكون acea: A 5
وشكرا
الحقيقة إن مفيش فرق يذكر بين ماركات الزيوت على مستوى العالم
طبعا الكلام ده ناس كتير مش هتصدقه!!!
فعلا... الفرق يكاد لا يذكر... بس إمتى الكلام ده يبقى مظبوط؟؟؟
بس في حالة واحدة .. إنك تقارن الزيوت اللي ليها نفس المواصفات...
بمعنى.. إنك تقارن زيتين ليهم نفس اللزوجة ونفس مستوى الخدمة.. وكمان يفضل يكونوا من نفس الفئة (معدني أو تخليقي).
أي مقارنة غير كده مالهاش معنى!!!!
وبالتالي... انت ممكن تسمع من ناس إن الزيت الفلاني كويس... وتسمع من ناس تانية كلام وحش على نفس الزيت
طيب ليه كده؟؟؟
باختصار... الغلطة في اختيار الزيت المناسب للموتور... لإن غالبا الشخص اللي بييقول كلام وحش كان الزيت غير مناسب لعربيته.
يعني العيب فينا احنا... مش في الزيت
عشان كده بنقول .. إن القاعدة الذهبية لاختيارك للزيت المناسب هي إنك ترجع لكتالوج العربية وتشوف بيقولك إيه... ونمشي زي ما بيقول الكتاب.
شركات الزيوت العالمية مش هتضحي بسمعتها وتكتب معلومات غلط على عبواتها ... ده غير إن عليها رقابة من الهيئات العالمية للزيوت.
هتيجي عندك مشكلة تانية...
أحيانا... ممكن نلاقي زيوت مغشوشة في السوق... إزاي ما نقعش في الفخ ده؟؟؟
أهم حاجة إنك تشتري ماركات معروفة ومن أماكن موثوقة وناس عندها ضمير... في رأيي هو ده الضمان الوحيد.
أي كلام تاني أنا باعتبره شغل تسويق... لا أكثر.
عموما... الماركات المشهورة في العالم هي :
موبيل http://www.servideloccidente.com/ima...Mobil_logo.png
شيل http://www.hutchins.co.uk/wp-content...3/11/shell.png
توتال http://www.brandsoftheworld.com/site...6085/brand.gif
كاسترول http://www.colinegan.eu/images/logo_castrol.gif
فالفولين http://2.bp.blogspot.com/-L7ejrPq6sK...ogo-Design.jpg
بي بي (BP) http://www.blogcdn.com/green.autoblo.../bp-logo-1.jpg
كالتكس http://www.lexusofblackburn.com.au/s...altex-logo.jpg
إلف http://www.autocollant-tuning.com/58...-motor-oil.jpg
فكس http://www.bmmotorfactors.ie/images/...s_oil_logo.jpg
ريبسول http://vector.me/files/images/4/2/42...il_preview.png
جلف http://speedtechauto.com/wp-content/.../gulf_logo.gif
الشركات دي شغالة بقالها عشرات السنين في أمريكا وأوروبا
صدقني... مفيش ما بينها فروق تستاهل.
...
مجهود اكتر من رائع تسلم ايديك
بالنسبة لزيوت محركات الموتوسيكلات... فالموضوع يعتمد على حاجة أساسية... اللي هي:
موتور الموتسيكل دورة احتراق ثنائية الأشواط ولا دورة احتراق رباعية الأشواط؟؟؟؟
الدورة رباعية الأشواط هي المستخدمة في 99.9% من مواتير العربيات، وبدأت تنتشر في الموتوسيكلات الحديثة.
في الحالة دي ... فاختيارك للزيت اللي هتستخدمه هيتم بنفس طريقة اختيار زيوت العربيات زي ما شرحنا في الموضوع الأساسي
بس أتوقع إن المتوسيكل بتاعك موتوره ثنائي الأشواط لإن الدورة الثنائية الأشواط هي اللي منتشرة في معظم الموتوسيكلات الاقتصادية أو الرخيصة نوعا ما.
http://www.mercuryracing.com/blog/wp...oke-looper.gif
الدورة ثنائية الأشواط فيها خاصية إن الزيت بيشكل جزء من الوقود اللي بيتحرق.. لأن خليط الوقود والهوا بيدخل عن طريق صندوق الكرنك (البلوك) اللي هو أساسا مكان التزييت.
وبالتالي الخواص بتاعته مختلفة عن الخواص المعروفة في زيوت المحركات المعروفة
الزيوت بتاعة المواتير ثنائية الأشواط ممكن تكون أساسها بترولي أو نباتي أو تخليقي أو نصف تخليقي.
أهم حاجة في موضوع الزيوت دي إنها ملهاش درجات... مجرد إنك تتأكد إنه زيت مخصص للمحركات ثنائية الأشواط
بصراحة... أنا معرفش الزيوت دي متوفرة بسهولة في مصر ولا لأ.. وما أعرفش معلومات عن أسعارها طبعا بحكم إني ما اتعاملتش معاها قبل كده.
يمكن لو رجعت لقسم الدراجات النارية ممكن تلاقي زملاء أكثر خبرة يفيدوك أكثر.
...
تصنيف الـacea معقد شوية عن تصنيف الـapi... ومفيهوش تصنيفات متقادمة (أو غير مستخدمة).
وفيها 4 تصنيفات لحد دلوقتي:
الفئة a: لسيارات الركوب بمحركات البنزين
الفئة b: لسيارات الركوب بمحركات ديزل
الفئة c: لسيارات الركوب بمحركات عليها محفز بيئي (علبة البيئة)
الفئة e: الشاحنات وسيارات النقل والخدمة الشاقة.
[S] بشكل عام... اللي يميز الـA5 عن الـA3 .. إن الـA5 يستخدم في درجات الحرارة المرتفعة، إنما الـA3 يعتبر زيت لكافة الأغراض[/S]
بشكل عام... اللي يميز الـA5 عن الـA3.. إن الـA3 يعتبر زيت مناسب لكافة الأغراض.. طويل العمر ومناسب للاستخدامات اللي فيها تحميل شديد على الموتور... إنما الـA5 فيه خاصية التوفير في الوقود بالإضافة إلى كافة مزايا الـA3.
من وجهة نظري الالتزام بموصفات الكتالوج هي أسلم شيء..
لو عايز تفاصيل أكتر عن تصنيف الـACEA.. ادخل على الرابط ده
http://www.acea.be/uploads/publicati..._Sequences.pdf
...
تقرير أكثر من رائع جزاك الله كل الخير
اسمح لي ابدي اعجابي بقلمك وتميزك واسلوبك الراقي وتالقك