الموضوع: القواعد الذهبية لاختيار زيت العربية.... موسوعة مبسطة لأساسيات زيوت المحركات

المشاركة الأصلية كتبت بواسطة Astra Lover

استفسار مهم بعد اذنك
هل فى مشكلة لو غيرت من (hx5(15w-40 الى (hx7(10w-40 العربية موديل 2005وماشية حوالى 91 الف كيلو يعنى فى حالتى ديه حغير جونات واويل سيل ولا لأ؟

لما دخلت على موقع شل في النت ... واضح طبعا إن الـHelix HX7 مواصفاته أعلى

من وجهة نظري .. اللزوجة هنا مش مشكلتنا .. المشكلة في التغيير من معدني إلى تخليقي


أنا رأيي إن الموتور هيجتاج تغير جوانات وأويل سيلات


مع إن العربية ممكن تكون ما مشيتش كتير... بس المشكلة هنا إن الأجزاء المطاطية بشكل عام عمرها الافتراضي حوالي 5 سنين في المتوسط، وبالتالي أتوقع تحصل مشاكل لو التغيير حصل قبل ما نغير الجوانات والأويل سيلات

لو عايز معلومات أدق عن الزيتين... ادخل على الوصلات دي:
ده لينك زيت شيل Helix HX7

وده لينك زيت شيل Helix HX5



...

المشاركة الأصلية كتبت بواسطة astra lover

الف شكر على اهتمامك بس اعتقد ان hx7 نصف تخليقى مش تخليقى 100% مثل الالترا فهل ممكن تمشى من غير تغير الجوانات والأويل سيلات عشان حوار الصراحة مع العلم انى لسه مغير جوان وش السلندر من فترة مش كبيرة مكملش سنة.
ومتشكر جدا على الموضوع الجميل واهتمامك.

الجوانات والأويل سيلات اللي قصدي عليها هي اللي ليها تلامس مباشر مع الزيت

مثلا:

جوان الكارتير
جوانات الطبب أو الأورنجات
أويل سيل طلمبة الزيت
أويل سيل الكرنك
جوان غطا التاكيهات

إنما جوان وش السلندر مش داخل معانا

وآسف إذا كنت عملت لخبطة لحضرتك

...