خسيت بدون حرملن ولا جوع

**S O P H O S** · 16-03-2013 12:07 AM

نظام رائع ومتزن
ربنا يوفقك فيه للاخر وتوصل لهدفـك ..

**Land_Cruiser** · 16-03-2013 12:15 AM

ألف مبروك علي فقدان الوزن. علي فكره من الحاجات اللي بتساعد علي فقدان الوزن حاجات بسيطه زي شرب المياه و عدم الأكل متأخر و تقليل السكر تدريجيا في المشروبات او الاستعانه بدلا منه بالسكر الدايت و المشي ان أمكن و لو فتره قصيره و النوم بدري

**SYD** · 16-03-2013 02:00 AM

شكرا لنقل التجربة

نظام سهل فعلا

**mastr_n** · 16-03-2013 11:06 AM

انا اخر مازهقت روحت لدكتور تخسيس مش علشان انزل وزنى بس لاااااااا دة موضوع سهل

انا روحتلة علشان التثبيت بعد الرجيم وربنا يسهل الحال وأقدر اخفى كرشى هههههههههههه خلية يغور
وطبعا الرشاقة حلوة مافيش كلام وربنا يوفقك ان شاء اللة

**hany63** · 16-03-2013 02:17 PM

المشاركة الأصلية كتبت بواسطة د.محمود صلاح

تمام انا ماشي زيك تقريبا سلطة وغدا خفيف وعشا خفيف جدا وخسيت حوالي 10 كيلو في شهرين لأني خايف من العودة لزيادة الوزن تاني لو اطلقت نفسي للأكل .. كل همي اني ابني نظام اتعود عليه مش اني اخس بسرعة

اي نظام تخسيس سريع بيقلب بتخن بعد التوقف
من الاخر الاكل عامل زي الادمان عشان تخف منه لازم بالتدريج و على مده طويله و اهم حاجه ما تبقاش حاطط في مخك ان ده نظام و مسيره ينتهي
و بعد الخسسان حتى لو الاكل زاد بنسبه خفيفه و كان فيه رياضه منظمه مش هترجع تاني و ادينا داخلين على الصيف اديها سباحه تلات ايام و مشي زيهم

المشاركة الأصلية كتبت بواسطة abokoko

العرف - الكرش دليل منحنى العز -
لكن اه فى غلابه بكرش
عموما
انا كنت بهزر
ولعلمك انا بعانى من الكرش وعاملى ازمه
قبل الزواج كان الكرش بيظهر فى الشتا
ويختفى فى الصيف مع السباحة فى البحر
دلوقتى بوفى وجود الاولاد
بقي الكسل احلى من العسل
والكرش فى ازدياد يوم ورا يوم

طب ما تجرب و تبداء

المشاركة الأصلية كتبت بواسطة s o p h o s

نظام رائع ومتزن
ربنا يوفقك فيه للاخر وتوصل لهدفـك ..

تعيش ياباشا

المشاركة الأصلية كتبت بواسطة land_cruiser

ألف مبروك علي فقدان الوزن. علي فكره من الحاجات اللي بتساعد علي فقدان الوزن حاجات بسيطه زي شرب المياه و عدم الأكل متأخر و تقليل السكر تدريجيا في المشروبات او الاستعانه بدلا منه بالسكر الدايت و المشي ان أمكن و لو فتره قصيره و النوم بدري

شكرا للملحوظات القيمه

المشاركة الأصلية كتبت بواسطة syd

شكرا لنقل التجربة

نظام سهل فعلا

العفو ياباشا

المشاركة الأصلية كتبت بواسطة aboamr

انا زيك تقريبا عملت نظام معين فى الاكل تقليل النشويات مع الاكثار من السلطه والفواكه ووجبة فراخ او لحوم او سمك مع المشى والحركه والحمدلله نزلت حوالى 8 كيلو ولبست حاجات اتركنت من سنين والواحد رجع خفيف الحركه والحمدلله

الف مبروك

المشاركة الأصلية كتبت بواسطة mastr_n

انا اخر مازهقت روحت لدكتور تخسيس مش علشان انزل وزنى بس لاااااااا دة موضوع سهل

انا روحتلة علشان التثبيت بعد الرجيم وربنا يسهل الحال وأقدر اخفى كرشى هههههههههههه خلية يغور
وطبعا الرشاقة حلوة مافيش كلام وربنا يوفقك ان شاء اللة

بس ياباشا من خبرتي في مواضيع الرجيم
مبدئيا لازم تبقى عارف لما تيجي تثبت هتزيد في الاول من ٢ ل ٤ كيلو و ده عشان الجسم غير نظام فلازم تكون مخسس اكتر من المطلوب
تمارس رياضه ٥ مرات في الاسبوع اي حاجه بتحبها تنس طاوله تنس ارضي سباحه و تدخل معاها مشي يبقى لو فرضنا ان في لخبطه في نظام الاكل هتروح اوتوماتيك في الرياضه
و نظام العشا اللي انا كاتبه تمشي عليه طول العمر

**Mohab.Nabil** · 16-03-2013 02:48 PM

نصايح جميلة جدا و بالفعل نظام الرجيم دا كده مش صعب و مش عذاب و احنا فى مصر معظم عادتنا الغذائية غلط فى غلط عشان كده حتى لما تلاقى حد برة تخين او جسمه مليان بتبقى تقسيمة الجسم مختلفة عن هنا ، لأن احنا زى ما نكون بنشوف كل الغلط فى العادات الغذائية و بنعمله طبعا من غير تعمد ..

الف شكر على الموضوع يا باشا

**شريف** · 17-03-2013 10:07 AM

لازم الرياضة كمان مع النظام الغذائي

**zrzr1** · 17-03-2013 10:46 AM

انا لاحظت ان اكتر وجبه بتزود الجسم هي العشاء.. الكلام دا عند كل الناس ولا انا بس؟

**friendship7897** · 17-03-2013 02:14 PM

ما شاء الله
طريقة سهلة وفيها كل الاكل
اصل انا كنت أطبخ للأولاد ولجوزي أكل
وأعمل لنفسي أكل علشان الرجيم
حاولت أعودهم على الأكل الصحي بتقليل النشويات
لكن هيهات - دا أنا ممكن أطلق فيها
بس بالطريقة اللي حضرتك واصفها - ممكن أكل معاهم من الأصناف بتاعتهم بكمية صغيرة وأكمل بسلطة
شكراً جزيلاً لنقل تجربتك