الموضوع: معرفش اى حاجة عن النوبيرا

المشاركة الأصلية كتبت بواسطة el deeb

الفيكترا طبعا حتى لو صرفت عليها شويه بس معاك عربيه على 160 كم/س تعمل غرزه ولا تفرمل مافيهاش كلمه صاجها تقيل وقطعه الغيار لو اتغيرت جديده انساها ماتفكرش فيها خالص بس اهم حاجه فيها دوره التبريد تكون نظيفه مافيهاش صداء علشان ماتسخنش وممكن تنظفها انت بس بجد الاوبل الماني دي عربيه روعه تسارع وثبات وشكل وراحه وواسعه لا وجه للمقارنه طبعا بس اكشف على العربيه بالكمبيوتر علشان تعرف حالها بظبط وربنا يكرمك إن شاء الله

ارجو ان اكون قد افدتك

الدايو لا تقل عن الاوبل فى حاجة لانها تصميم جى ام بالكامل و تصنيع دايو

و ثابته ل 200 و غرز على 160 و 180

بس الاوبل صناعه احسن طبعا مع فارق اسعار قطع الغيار بين الاتنين الى تخلى الدايو العاديه تتفوق على الاوبل العاديه

لكن لو الاوبل 100% و مفيهاش حاجة غلط ماتور و فتيس و عفشه يبقى اوبل طبعا

النوبيرا اخر موديل فيها 2009 ومفيش فرق فى كماليات العربيه بالنسبه لنفس الشكل ( نوبيرا 2 ) بس تقريبا الكورى اخره 2003 لكن بعد كده التقفيل مصرى الفتيس الأوتو ناس كتير بتقول مش كويس فعلا

بلاش الكريستاله عربية قديمة وموديل قديم ومفيش اي اوبشن لو حتى اي لمسة فيها طبعا مع احترامي للعربية وكل الناس اللي معاهم كريستاله بس رأي الشخصي حرام احط فيها شلن (دي عربية تجار )

اما النوبيرا بصراحة زي الفل ولعند 160 والله العظيم ثبات فائق جدا جدا انا عربيتي 2001 مانيوال اما بخصوص الاوتو منها كل ما عليك تجرب الفتيس كويس لو سليم اوك لو غير كدا يتغير بس فتيس الاوتو جميل جدا جدا وناعم بس الموضوع انك تتابع الزيت بتاعه كل اسبوع تبص عليه وخلاص على كدا (العيب بتاعه هو الميكانيكية بتوع مصر كلهم بيفتوا ف أي حوار وخلاص بس العيب يبقى ف صاحب العربية او ميكانيكي غبي)

أما الفيكترا طبعا تحفة وكان نفسي أجيبها بس غلو أسعار قطع غيرها وعدم توافرها وخصوصا اني من الزقازيق بس هي الافضل وخصوما زي ما قال الرجالة لازم تكون عربية نضيفة ف كل حاجة موتور - عفشة - فتيس - طابلوه وفرش

بالتوفيق أرجو ان اكون قدمت ليك افادة

المشاركة الأصلية كتبت بواسطة hoda_100

النوبيرا اخر موديل فيها 2009 ومفيش فرق فى كماليات العربيه بالنسبه لنفس الشكل ( نوبيرا 2 ) بس تقريبا الكورى اخره 2003 لكن بعد كده التقفيل مصرى الفتيس الأوتو ناس كتير بتقول مش كويس فعلا

النوبيرا بتتجمع مصرى من 2002 و اخر موديل ليها 2008

الفرق الوحيد بين الموديلات القديمه و الجديده هو الكاسيت السى دى بدل الشرايط و الباقى زى بعض

الفتيس الاوتو كله على بعضه ب 1200 و لو اهتميت بتغيير الزيت فى مواعيده هيعيش معاك