عاوز اعرف مرسيدس

**MOHAMED ABD EL SHAFY** · 05-08-2008 03:08 PM

كنت عاوز اعرف من الخبراء بالمرسيدس ايه هى ارخص+انسب سيارة مرسيدس مستعملة بشرط انها تكون (ارخص+انسب+اقل سعة لترية) فى الرينج من موديلات 80 الى 95
وتكون بها الاتى :
1- زجاج كهرباء
2- تكييف
3- باور
4- مانيوال- مش مشكلة
5- قطع غيار متوفرة (ولو استيراد مش مشكلة) بس تكون مرطرطة زى مابيقولوا

انا معرفش اى نوع غير الزلموكة وسعرها بيقولا فى حدود ال 70 الف فكنت عاوز اعرف ياريت حد يرشدنى

**islamkhidr** · 26-08-2008 02:06 AM

وانا برضة عايز أعرف علشان أستفيد وبضم صوتى لصوتك

و إن شاء الله حد يرد علينا

**mohamed ibiza** · 26-08-2008 02:23 AM

الزلمكه يا باشا مش في حدود 70 الف ولا حاجة الزلمكه غليت دلوقتي بص بقي

الحاجات دي كلها تنطبق علي مرسيدس 200 اللي بيسموها التمساحة العربية دي 2000 سي سي و منتشرة جدا و قطع غيارها كتير و استيراد و جديد و كله موجود يعني و موديل 1984 و فيها كل الحاجات دي تكييف ازاز كهربا فتحة سقف مانيوال مرايات كهربا و فرش جلد و تقريبا فيها كراسي كهربا باور ستيرينج

**محمد فريد** · 26-08-2008 02:30 AM

ياريت حد يفيدنا بمعلومات أكثر ولو فى صور يبقى كتر خيره
انا بشوف المرسيدس موديل سبعينات من بره أينعم مش اد كده بس من جوه تحفه
وكمان قطع غيارها موجودة كتير جدا فى الشرقية مبهدلة الدنيا وألف واحد يشتغل فيها

**islamkhidr** · 26-08-2008 02:32 AM

المشاركة الأصلية كتبت بواسطة mohamed ibiza

الزلمكه يا باشا مش في حدود 70 الف ولا حاجة الزلمكه غليت دلوقتي بص بقي

الحاجات دي كلها تنطبق علي مرسيدس 200 اللي بيسموها التمساحة العربية دي 2000 سي سي و منتشرة جدا و قطع غيارها كتير و استيراد و جديد و كله موجود يعني و موديل 1984 و فيها كل الحاجات دي تكييف ازاز كهربا فتحة سقف مانيوال مرايات كهربا و فرش جلد و تقريبا فيها كراسي كهربا باور ستيرينج

طيب بالنسبة للموديل 1984 رأيك فيها إية ؟؟

فى واحد عارض عليا واحدة ب 60 ألف

و انا مش ليا خبرة قوى فى المرسيدس ف ياريت تقولى اعمل اية لما اجى اشوفها

إذا أكشف عليها بنفسى

**mohamed ibiza** · 26-08-2008 02:50 AM

المشاركة الأصلية كتبت بواسطة islamkhidr

طيب بالنسبة للموديل 1984 رأيك فيها إية ؟؟

فى واحد عارض عليا واحدة ب 60 ألف

و انا مش ليا خبرة قوى فى المرسيدس ف ياريت تقولى اعمل اية لما اجى اشوفها

إذا أكشف عليها بنفسى

العربية عموما جميلة جدا و ممتعة جدا جدا جدا في سواقتها ثبات و قوة علي الطريق و مرونة في الاداء و قوة و الكبح ممتاز بس 60 الف ده قليل شويتين يعني

لو عايز تكشف عليها اكشف عند احمد عبيد في المنيب هو مشهور اوي هناك و شغال مرسيدس بس و محترفين و حافظين المرسيدس من اوله لاخره و العربية دي هناك شفت منها كتيرررررررر اوي روح بيها هناك و اكشف عليها و ان شاء الله لو كويسة خدها لانها عربية جميلة جدا

**chihab18** · 02-09-2008 06:11 PM

نصيحه مني المرسيدس فعلا عربيه ممتازة صاج و عفشه وماتور ومتقولش لا في السفر وثابته علي الطريق ؛ بس بشرط تكون لسه جايه من المصنع زيرو ؛ المستعمل موجود من اول 35 الف للعربيه 200 المعدله الي حد 70 الف فعلا للمرسيدس الزلموكه موديل 1987
المشكله انك حتشري المرسيدس مستعمله لكن فيها حاجات من جوه حتكلفك كتير اوووي زي الكوبلن الكرونه عمرة الماتور الفتيس فتلاقي نفسك صرفت عليها 10 الاف جنيه وكل مرة حتلاقي نفسك صرفت حاجه بسيطه زي 100 جنيه مثلا ؛ حاجاتها غاليه جدا ممكن زار باب يوصل الي 20 جنيه المرايا الواحده 130 جنيه لكن اذا جمعت المبالغ حتلاقيك بتصرف جامد وبرضه مش حتنتهي لان قطع غيار العربيات دي مش زيرو وانما استيراد مستعمل من برة يعني انت وحظك وانت بتركب الحاجه وغالبا العربيات المستعمله دي بتحتاج لسمكرة لان حتلاقي غالبا في برومه موجوده في بطن العربيه والشنطه او في حوض الماتور ؛ لذلك ابعد عن شراء العربيات دي ؛ وشوفك واحده زيرو زي الهونداي فيرنا او تيوتا يارس او دايو احسن تربيها علي ايدك وبعد اربع سنين تبدأ تصرف عليها وفيها نفس امكانيات المرسيدس واحسن كمان واقتصاديه في البنزين
وعموما المرسيدس منتشر في الشرقيه ( ديرب نجم وابو كبير وكفر صقر وفي المنصورة منتشر في طريق اسمه ميت علي وطناح بجوار المنصورة نفسها
ومستعجلش الاسعار عماله تنزل في سوق السيارات المستعمل
والمرسيدس عموما غول بنزين الصفيحه ممكن تعمل 130 الي 150 كليو علي الطريق السريع واذا جبت جاز مشاكل الماكينه بتاعه الجاز كتير

**yyy** · 09-09-2008 01:01 AM

المرسيدس المعدل من 77ل84

فى موتورين
1-الابيض ودة من 77ل80 ..ودة كربيراتير يعنى هاتمون 80 عادى
2- الموتور الاسودمن 80ل84.. ودة فى منة كربيراتير وانجكشن
الانجكشن استهلاكة للبنزين اقل بس هاتحط 92

الموتور الابيض بيستحمل عن الابيض واسهل فى التصليح..بس مش معنى كدة ان الاسود وحش

بس لما تشترى خليك فى موديلا ت ال80 وانت طالع لان الموتور الاسود قطع غيارة اكتر وارخص لانها كتير وهى نفسها بتاع الزلموكة اللى بعدها

وخلى بالك من العربيات اللى بتبقى مشدودة زيادة عن الازم كانها لسة طالعة من المصنع لانها غالبا بتبقى نصين(حوادث يعنى)

...وبعدين العجلة فى المرسيدس باليابانى الجديد
وحتى لو جبت عربية وشدتها من كلة هاتاخد من 10-12الف بس ها ترجع زى الزيرو زقدمها 10 سنين على ما تحتاج تعمل فيها حاجة