الموضوع: حد عاوز حاجة من مرسيدس

المشاركة الأصلية كتبت بواسطة kemo0o

السلام عليكم

انا حبيت أسأل لو حد عاوز حاجة من مرسيدس وخاصة عن ال E-Class أو ال GLK موديلات 2010 عشان انا متواجد في المصنع الان والحمد لله

فلو حد عنده استفسار يتفضل وان شاء الله هحاول يوميا الدخول واجابة الطلبات

شكرا على عرضك للمساعده. عندى كام سؤال خاص بال C-Class لو ينفع
فى صوت زنه جايه من وسط الطابلوه او ناحيه الركب الأمامى و هو صوت زى حاجه شغاله. الصوت ده واطى جدا و تسمعه وفى مكان هادى ( انا بسمعه فى الجراج) والصوت ده بيحصل لما تفتح باب العربيه و تقعد جواها بدون متشغل حاجه او تحط المفتاح خالص. ايه هو الصوت ده وجاى منين؟

انا عايز اعرف حاجه واحده مين الة اكد ان موتور الكروز هو هو موتور الاوبترا ايه الدليل؟؟؟؟؟؟

وهل ده على مزاج الوكيل ولا الشركة المصنعة؟

فى اخبار عن الجديد فى الc-class و ايه اللى هينزلوه زى الزينون و الAPS و ال panorama
و الجديد فى الe-class نزلوا ال250 و لا لسه
و الجديد فى ال s-class نزلوا الfacelift و لا لسه

و يا ترى المصنع ماشى ازاى فى ظل الازمة المالبة

دى اسئلة عامة يعنى انا مش عايز حاجة بتسلى بس لو فاضى و كدا ابقى شوف و قولنا

شكرا

المشاركة الأصلية كتبت بواسطة kemo0o

E300 AvantRide

قصدك E300 Avantgarde

ياترى سألتلى عل موضوع الصوت اللى قلتلك عليه؟
و شكرا مقدماُ

بالنسبة لل C-Class فالمصنع حاليا مش شغال فيها لان ماعليهاش طلب كتير وعندهم ستوك منها وكمان لان خط الانتاج بتاع ال C هو هو نفسه بتاع ال E وطبعا هما دلوقتي شغالين في ال E فمفيش انتاج لل C

بالنسبة لل E فبينتجوا العربية 2 Category وهما
E300 AvantRide
E300 Elegance
ولسه ما نزلوش اي حاجة أقل من كده في المواتير

ال S لا يوجد فيها اي تغيير

المصنع شغال زي الفل وبينتج تقريبا 6-8 عربيات E وحوالي 4-5 عربيات GLK

بالنسبة للc
انهم يبقى عندهم مخزون دا بسبب الازمة المالية لان قبل الازمة كان عندهم حجوزات بالشهور و بيدفع فيها over price حوالى 30 الف جنيه مش اقل من كدا

اما بالنسبة للE-class فالعدد دا كويس جداااا خصوصا بعد الازمة المالية + ال13000 جنيه ضريبة الترخيص سنويا و الفكرة اللى اعرفها من مرسيدس انهم عندهم stock مواتير c-280 و E-280 القديمة بعد الضريبة و الازمة كان بيعهم صعب فاشتروا مواتير 2000cc بتاعت الc-200 و الe-200 و نزلوها فى الE-200 القديمة و باعوها ب460 علشان معلهاش ضريبة 2% , فكدا خلصوا من الشاسيهات القديمة بتاعت الe-200 و قاموا حطوا مواتير الc-280 و الe-280 فى الE-class الجديدة و هو نفس الموتور اللى بينتج 230 حصان و نزلوا منها فئتين بعد ما يخلصوا الاتنين نفس الموتور سموها E-300 , بعد ما يخلصوا من المواتير اللى عندهم و يحققوا مكسب من الe-300 خصوصا ان سعرها مبالغ فى جدا هينزلوا الE-250 و دى 1800cc فمعليهاش اى ضريبة و الموتور قريب فى القوة (205 حصان) يعنى مش فرق كبير.

بالنسبة للs-class نفس الكلام أزمة + 20 الف ترخيص سنوى = stock و علشان كدا عملوا تقسيط و حاجات لتصفية موديل 2009 و مفروض ينزلوا بعدها الfacelift بس اعتقد هيكونوا حذرين و هياخدوا وقت.

أنتاج الs-class لسه شغال فى المصنع؟
على فكرة 6-8 E-class دا كويس جدااا و 4-5 glk دا معقول اوى و خصوصا انهم 1-داخل الضريبة , 2-الازمة , 3- فى رايى الشخصى شكل العربيتين وحش اوى , الglk بصراحة متستحقش فى رايى 300 الف حتى مش 458 و الE الجديدة انا شفتها معجبتنيش خالص على الطبيعة بس طبعا e-class جديدة و مرسيدس الناس بتحبها اووووى فى مصر و بتجيبها على الاسم و طبعا الشكل ممكن يعجب ناس بس انا مش منهم