الموضوع: تقرير فحص التوكيل للميجان 2006 - هل العربية كويسة و اشترى ولا سيئة ؟؟

نصيحة اصرف نظر عنها تماما
و اوعى تسترخص العربية
العربية هتبهدلك لو اشتريتها و مش هتعرف تلمها و هتضطر تبيعها بخسارة
اشترى ميجان متصانة و متحافظ عليها بحيث ان حصل فيها حاجات بسيطة ممكن تتلم زى شغل فى العفشة او حتى كويلات
لكن كونترولات و ايرباجات و حادثة خفيفة !!
السؤال انا ايه اللى يجبرنى ؟؟

اولا بجد انا بشكركم جدا جدا جدا على اهتمامكم بالرد - بصراحة لولاكم كان زمانى اتدبست.

بس استفسار كبس الماتور احكم عليه اذا كويس ولا لأه ازاى ؟
لانى سمعت ان اقل كبس 6.98 للبستم الواحد و لو اقل من كده الماتور يفوت ؟ فمعنى لو كانت عربية فيها بستمين كبسهم 7 او 8 يبقى كويس ولا وحش ؟؟؟؟

معلش هو في الحالات اللي زي دي بتبقي متفق مع صاحب العربية انو مثلا يدفع نص فلوس الكشف بما انه طلع كداب ولا بتبقي ايه الدنيا ؟

طب بالنسبة لكبس الماتور - اعرف منين اذا كان الماتور كبسه كويس ولا لأه ؟؟؟
يعنى 7 بار ده كبس كويس للبستم ولا ماتور تعبان ؟؟؟

المشاركة الأصلية كتبت بواسطة ahmed a.maksoud

مفيش حد مهما بلغت درجة معرفته بالعربيات ممكن يديك تقرير مفصل عن العربية لأنه ببساطة ممكن ميكونش عارف.

الموضوع ده بيبقى بالإتفاق............و أنا لو مكان البايع....عاوز تكشف فى الجن الأزرق معنديش مشكلة........بس تقولي أدفع النص هقولك لأ.......مع أنى متأكد من عربيتي.....بس التوكيل لازم يطلع القطط الفطسانة.

طب معلش ازاى الكلام ده الراجل قالوه فيها 3 حساسات و لما راح كشف لاقى فيها بلاوى يبقى يلبس ليه فى الفلوس كلها ماهو لو كان البائع صريح معاه من البداية كان وفر المشوار والفلوس ومرحش اصلا من البداية ولو كان البائع مش عارف الكلام ده اقلها يدفع نص الفلوس عشان لما يجى يبعها تانى يقول للمشترى الجديد على اللى فيها من الاول
حرام الراجل يدفع فلوس الكشف كلها وفى الاخر ماخدش العربية