يعني أفهم من كلاملك ان ممنوع السير في الحارة الشمال ....... إلا للتخطي ؟
أفهم قصد حضرتك و هاوضح اللي اعرفه لاحقا
عرض للطباعة
أنا اللى أعرفه - فـ الخليج وفـ الطرق النظيفة فـ مصر: الحارة الشمال الأخيرة دى للتخطى! :B4_048:
- يعنى لما يكون الطريق متعدد السرعات/الحارات.. حارة أمان وحارة خدمات (إسعاف-شرطة)، وسرعات بقى variable للمركبات:
بييجى عـ الحارة قبل الأخيرة -من عـ الشمال- ويحط السرعة قبل القصوى للطريق؛ say مثلا 100 والأخيرة Overtaking؟؟!!!
(طبعا فيه لافتات منفصلة بتقولك 120)!
أنا شوفت فـ بلجيكا -وفـ ألمانيا.. (مكتوب inhalen بعد أقصى سرعة) مفهمتش معناه أيـــــــــــه الصراحة؟؟!!
(بس من وجهة نظر أى Enthusiastic-Driver: هيفهم ان لو عايز تكسر السرعة القانونية -أو تجرى جرى غرز.. يبقى تاخد الحارة أقصى الشمال)!! lol :glasses12::glasses12:
ههههههههههههههههههههههههه ه
وشوفت بردو لافتات مكتوب عليها سرعات مختلفة Day/Night (بالليل limit السرعة أقل)!
وأحيانا (لو منطقة سكنية) بيكتبوا المواعيد بالتفصيل: يقولك 8:00am مثلا school-day السرعة بتنزل بردو؟!!
>>> انت أيه رأيك يا توت بيك؟؟ tutankhamoun انت اللى تعرف أكيد؟!!
بس بقى ماتفكرنيش!! :))
عشان من كام يوم.. قابلت واحد تيييييييييييييييييييت؟!!
السواقين ولاد الـprohibited مخلوش للسواقين الـspirited حاجة ياكبير؟؟!!! :shine[1]:
- واد cis بأوبل فكترا A 2.0 و معدل العربية بأفورة كده -عارف العيال دى؟! ستيكرات skulls وفاميه super-dark وعلبة شكمان بفتحتين صرف (صوت عـ الفاضى) ووو...etc
ششششششششيت يعنى من الآخر!!
وأنا ماشى فـ أمان الله -على طريق السويس- من م.نصر هأطلع الدائرى.. وده جاى من ورايا غرز يمين فـ شمال من عـ الرصيف! هههههههههههه
وعدى غار -- بمنتهى الغتاتة عـ الناس (يلزق فـ ظهرهم ويقلب نور وسارينة تيييييييييت)!! وأنا شايفه لحد مابعد قدااااااااام..
صاحبى اللى مستأذن من الشغل ورايح أقابله.. كهربنى: قاللى ياتلحقنى يا ماتلحقنيش؟؟!!! :beeangel:
يابن الإيـــــــــــه؟؟ شديت طبعا (من 80-90-110 لـ 140-150-160)..
حصلت الـSh*t ده (ومش فـ دماغى والله، ولا بشد معاه -- ولا أى حاجة)، لقيته معلق فـ غرزة.. ولازق فـ اللى قدامه عشان يعدى! ركبت وراه بمسافة safe أوى،
والطريق فتح يامعلم -بعد كوبرى الجيش
أنا خدت يمين >> ومكمل حرق عـ الـ4th لحد الـ150-160 تقريبا -- وإبتديت هـ أفرق عنه لسه..
(وهو حارق عـ الرابع -عربيته مانيوال 5-غيار.. لما جاب آخره نقل 5th والصوت العلبة هدى)..
لقيت الطلعة بتاعتى قربت خفيت رجلى -- والطريق بيضيق قبل طلعة الدائرى فـ الحته دى (السويس قبل المدرسة البريطانى بشوية)...
بدأت أهدى: لقيت ده جاى صاروخ!! وبيزنق عليا جااااااااااامد جدا وهيلبسنى فـ الرصيف؟؟؟!!!!!!
كبست فرامل وبعدت عنه -يمين ورجعت لورا- لقيت هأركب الرصيف- كان هو غار فـ داهية كام متر قدام.. جيت كاسر شمال تانى.. لميتها فـ 3-4 مرات طبعا؟!!
(مانا نازل من 150 تقريبا وفرامل lock مع حركة عنيفة للدركسيون >> oversteer)!
أيــــــــــــــه الغل ده ياعم؟؟ هار أسود؟!! هو فيه كده!! :T_thum1[1]:
>> تقريبا هو إتحرق لما كان فاشك نفسه وهيفرتك موتوره عـ الـ4th.. ومش عارف يطلع: وأنا مكمل 4th ولسه عندى 5th و 6th؟!! :B4_048:
- عارف لو كنت أصلا بشد معاه؟؟ المصيبة انها أصلا مكانتش شداية -غير مقصودة والله!!
وحتى لو كنت بشد معاه (وده محصلش).. بردو يلبسنى كده؟؟!
ماحنا ياما كنا بنشد مع عربيات أعلى أوأقل: والناس فـ الآخر تيجى جنب بعض friendly من غير أذى.. وتحية وكلاكسات! :beeangel:
حتى فـ الشداية نفسها -- الواحد يحافظ على زميله، مايقفلش عليه غرزة.. ينبهه لو فيه خطر -إشارات وكده؟!! ده الناس الطبيعية مش الـsick؟!!
بس زعلت أوى أوى :crying2: (قعدت ساعتين-3 متنكد من اللى حصل ومش مصدق)؟!!
أصل أنا مكنتش متوقع بصراحة -لأنى عمرى ماعمل كده مع حد.. أنا أصلا حصلى ذهول من المفاءجة ورد فعل العيل المريض ده!! لحاجة مش مقصودة!
آدى ياعم الشباب المصريين اللى بيشدوا وبيغرزوا عـ الطرق! ششششششششيت السنيــــــــــن!!
ربنا يسترها isALLAH
عادي يا دكترة !! ؟ ده الطبيعي بس انت برضوا غلطان لانك بتتجاوز من اليمين !! ؟ وكمان على سرعة عالية وفي واحد حارق جمبك !! ؟ وحارتك بتضيق !! ؟؟؟
بس هو فيه بعض الناس كدة في مصر بيبقى كل هوايتها انها تلبس الناس !! ؟ ماتفهمش ليه !! ؟؟؟؟
اعرف ناس متخصصة في كدة وتلاقيه بيقولها بكل فخر انا اللى بيشد معايا لازم البسه وتلاقيه بيحكي عن بطولاته ولبس كام واحد !! ؟ طب ليه يابن الحلال !! ؟؟
وخصوصا اللى راكبين فيرنا ماتفهمش ليه بيضايقوا لما حد يعلم عليهم !! ؟ اكن حاسين انها اقوى عربية في الكون مثلا وماينفعش يتعلم عليها !! ؟ :T_thum1[1]:
مايعرفوش انها اكتر عربية Pull shit ومايتجريش بيها اصلا :01964E~163:
فاكر مرة كنت بشد مع سيفيك وماتفهمش طول الشداية وهو عايز يلبسني !! ؟ جيه قدامي وخلاني لازق في ضهره <<< طبعا لاني متوقع حركة مش تمام من شب مش تمام فرملت وسبت مسافة سيكا بيني وبينه خصوصا لانه مفيم الضهر فانت مش كاشف اللى قدامه
مرة واحدة هووووب يحدف اقصى اليمين قطم !!! ؟ مع ان شماله ويمينه فاضيين طبعا هو حدف لقيت انا في وشي تاكسي ماشي براحة جدا بتاع 30/40 !! واحنا كنا كاسرين ال 130/140
سنة فرامل وخدتها وراه عادي وكنت عايز اجي جمبه واقوله الحركة دي Noob وقدمت اوي يا مان عيب عليك !! ؟؟
في اوروبا و في انجلترا على وجهة الخصوص.
مفيش حاجة أسمها الحارة دي معمولة للتخطي فقط .
إنما التخطي لا يجوز من الحارة البطيئة .
طيب نضرب مثال ,
لو أفترضنا اننا ماشي على طريق مكون من أربع حارات .
و أنا ماشي على الحارة اليمين القصوى و عايز اتخطى !
طيب تفتكر هاروح أقصى اليسار ....... و بعدين أرجع تاني لليمين ؟
طبعا كلا مش منطقي ...... makes no sense
اللي أتعلمته هناك
أن التخطي لا يجوز إلا من الحارة السريعة التي تلي حارتك .
و بالتالي القيادة على أي حارة هو قانوني ....... و هناك الطريق كله (بحاراته ببابا غانوجه ..... سرعة واحدة )
يعني أنا مفيش و لا بني آدم هناك ...... عملي تخطي أو رعشلي بالنور أصلا .
علشان سبب بسيط .......... السرعة القانونية غير مسموح أصلا بكسرها ...... و مفيش حاجة أسمها (قانونا أن حارة أسرع من حارة )
و لكن العرف و المتعارف عليه أن الحارة اليسرى (أو أقصى اليمين في أنجلترا علشان هما عكسنا و هناك اليمين هو السريع ) هي دي الحارة السريعة قوي (لغاية الحد القانوني للسرعة ) و التي تليها اللي عايز يمشي أقل في حدود المعقول ...... يعني مينفعش الطريق يبقى 50 ميل ....... و سيادتك ماشي 25 ميل - س !!
خلاصة الكلام .
أي حارة يجوز القيادة عليها (طالما ملتزم بسرعة الطريق الرسمية - اللي الرادارات متبرمجة عليها )
لأن الرادار متبرمج على سرعة واحد للطريق بدون الآخذ في الأعتبار أي حارة تسير عليها .
===
السرعة القصوى بتتغير حسب ظروف الطريق (فيه هناك شاشات بتبين التغير ده )
يعني لو فيه تلج ..... أو مطر جامد ......... أو شبورة قوية ...... سرعة الطريق بتقل قوي .
و كل ده علشان الحوادث و تقليلها و الحفاظ على المواطنين و حياتهم .
ألمانيا عندهم بعض الطرق المفتوحة ..... مفيهاش تحديد للسرعة ..... و بقول بعض الطرق و مش كل الطرق .
بالنسبة لأنجلترا .
السرعة المسموح بها :
داخل المدن ........ من 30 إلى 40 ميل في الساعة و أحيانا 25 ميل في مناطق المدارس .
الطرق شبيهة الدائري ....... 50 ميل - س (80 كم - س ) و أحيانا في بعض المناطق البعيدة عن السكان تزيد السرعة إلى 90 كم - س و هناك علامات محددة تشير لذلك .
الطرق الحرة ....... 110 كم - س و دي عدد الحارات فيها بيكون 3 حارات ...... و حارة للطوارئ ممنوع منعا باتا السير عليها إلى للمركبات الشرطة و الأسعاف و المطافئ ...... أو لو سيادتك عطلت .
- زمن الشد و الغرز الجميل انتهى يا جدعان فين أيام لما كانت الناس بتتخيط بنفس راضيه لكن دلوقتي يبقى عايز يقلبك بالعربيه :10_9_133:
انا مش عارف في اوروبا بس انا الي اعرفه في السعوديه ان من حقك تمشي بالسرعه الي تعجبك في اول حارتين انما اخر حارتين ماتقربلهمش او لو هتلتزم بالسرعه الي هي 120 يبقى الحاره قبل الاخيره انما الحاره الشمال خالص دي للسرعات الاعلى. والغريب ان عمرنا ماسمعنا عن حوادث بسبب السرعه !! (الكلام ده قبل تطبيق نظام ساهر)
كل الحوادث الي بتحصل في السعوديه بسبب رعونه وبسبب التفحيط او الdrifting. انما افتكاسة ان السرعه هي السبب ماسمعتهاش غير في مصر :T_thum1[1]:
لأ الحاره الشمال مش للتخطي لكل الحارات انما للحاره الي جنبها. يعني حضرتك فاهم صح ان عشان تتخطي يبقى تتخطي من الحاره الي جنبها لأن السرعه المحدده ليها اكبر وهكذا.
انما في السعوديه عشان مش كل شوية هيتخطي واحد وهو ماشي على 180 فبيثبت على الحاره الشمال ولو حد ماشي اسرع منه بيقلبله يقوم داخل الحاره الي يمينه ولما الأسرع منه يعدي بيرجع تاني.
حتى لو الكلام ده غلط ومش موجود في أصول القياده بس هو ده الي ماشي هناك ومابيحصلش حوادث نهائي وماحدش اعصابه بتتحرق زي هنا !
وعلى فكره هناك في حاره مخصصه للطوارئ اسعاف وشرطه بالاضافه ان كل واحد ملتزم بحارته ولو في اسعاف عاوزه تعدي من وسط الحارات بيتم بسهوله جدا.
يارييييييييييييت نبقى زي السعوديه :(((((
رداً علي د/ مصطفي فورميلاتور مع الشاب الفيكتراhttp://www.nilemotors.net/Nile/30158...post3874454295
تحياتي