الموضوع: هوا استهلاك البنزين فى السى 4 عالى أوى كده ؟؟؟؟

المشاركة الأصلية كتبت بواسطة hamaka

يا باشا تسلم لنا تعبينك معانا :) ، هى الفكرة انى مش بنزل كتير عشان عندى امتحانات ماجستير اليومين دول ، فا عايز لما أنزل أعدى على بتاع الكاوتش أظبط الحوار على طول ، مش هينفع أستنى لما أرجع و أقولك هنا على المكتوب و تقوللى و أرجع أنزل تانى ، دا غير انى بلاقى ركنة بالعافية...

لا تعب ولا حاجة :)
كنت تقولي إنك مش فاضي

ظبط على 33 قدام و 30 ورا

كل ال c4 بتلعب في ال range ده
34 أو 33 قدام و 29-31 ورا

ازيكم يا رجالة :) ، طبعاً أنا بعتذر انى اتأخرت فى الfeedback بخصوص موال البنزين ده ، أنا بس كنت مستنى أمشى مسافة محترمة بعد تجربة نصائحكم و الواحد كان مرمى فى البيت عشان النيلة الامتحانات و أجلوها فى الاخر :@@@،المهم...طبعاً أول حاجة عملتها زى ما بشمهندس أحمد عادل قال عملت Reset لل ECU قبل ماطلع بالعربية خالص ، فعلاً لاحظت انها كانت مسجلة متوسط استهلاك عالى جداً و بتحرق بنزين على أساسه ، بعد كده طلعت على أقرب بتاع كاوتش و عملته قدام 33 ورا على 30 و مشيت على الكلام ده 205 كيلو بالظبط ، نصهم فى طريق مفتوح بدون تكييف و النص التانى فى زحمة و تكييف شغال ( رابع درجة على درجة حرارة 15-16) ، الشرطة فى العداد و أنا ماشى من غير تكييف قعدت 40 كيلو (كانت بتفضل 20-25 كيلو) و الشرطة و أنا ماشى بالتكييف بالوضع اللى قولته ده قعدت 30 - 33 كيلو (و طبعاً مكنتش جربت على النظام القديم أفتح التكييف عشان مانتحرش) ، بعد ال 205 دول دخلت نفس البنزينة و فولت لاخر التانك ، خدت 25 لتر ، ايه رأيكم فى الاستهلاك كده ؟؟ أعتقد كده اتظبت شوية ولا ايه ؟؟