حجزت اللانوس النهارده بس مش مقتنع بيها خالص

**khaabas** · 19-03-2013 08:33 PM

موتور اللانوس صينى هههههههههههههههههه يا جماعة لسه شهر أبريل مجاش لسه
يا باشا اللانوس عربية اعتمادية احسن من الصينى
أولا : قطع غيار متوفرة ( الاصلى موجود و المضروب موجود والاستيرد موجود ) وعلى حسب حالتك المادية ساعتها
ثانيا : قطع الغيار رخيصة
ثالثا : سهلة الصيانة أى ميكانيكى بيمد ايده فيها
رابعا : سعر اعادة البيع ممتاز
وانا افضل الفيرنا على اللانوس لان الفيرنا بالاضافة للكلام السابق موتور جبار 107 حصان عربية وحش جرى اعطالها بسيطة وميكانيكة سهلة

**S O P H O S** · 19-03-2013 08:54 PM

فعلا مينفعش تشتري عربية بكده
ومش مقتنع بيها كمان

**hazemhany** · 19-03-2013 10:34 PM

انا كنت زيك كده وكنت بفكر في شرايح اعلي بس مستعمل (سيراتو ولانسر) ..بس طبعا مش لاقي حاجة تستاهل المبالغ المطلوبة فيها ..وبعد لف ودوران 3 شهور رسيت ع اللانوس زيرو ..وده لسبب مهم اوي اني مفيش اي عربية تحت شريحة ال 110 مقنعة ليا خاصة بعد ارتفاع الأسعار ..يعني لما احب اركب واتبسط هتبقي اول عربية نضيفة افكر فيها هيا الريو واللي وصل سعر اول فئة منها الي 115 الف !! ...كل بقي اللي تحت ال 110 زي بعضه بفروق بسيطة ..فقولت بقي طالما كله زي بعضه لأ انا اجيب حاجة سعرها مرتاح زي اللانوس او الفيرنا واهي قطع غيار ببلاش وصيانة سهلة واهم ميزة اعادة بيع ممتازة يعني اخد خيرها وابيعها واجيب ساعتها حاجة ترضي طموحاتي ..لكن مدفعش دلوقتي 84 في لوجان مانيوال ولا 95 في ستب واي اللي نازلة هاف اوبشن وعلاوة ع كده اعادة بيع وحشة ...فكر في كلامي كويس هتحبها والله وهيا بعد تجربة ثلاثة ايام العربية مش وحشة كويسة وملاحظتش اي عيوب تقفيل فظيعة من اللي بيقولوا عليها ولا باب يترزع ولا الحاجات الغريبة دي ..استخير ربنا واتكل ع الله ,,,,,

**golden_web_2007** · 19-03-2013 10:39 PM

شوف يا باشا 75 الف جنية مش مبلغ بسيط ..

حضرتك تروح تسحب فلوسك عادى جداً .. و هاتلك حتة تويوتا ياريس استعمال محترم ..

هتدفع عليها بتاع 5000 تظبيط و تركب و تريح بالك ..

بدل اللانوس و العك ده ..

و لك منى كل احترام و تقدير

**blazer** · 19-03-2013 11:12 PM

انا رأى متجيبش لانوس بالسعر دا
العربيات الصينى زى ال emegrand & byd
احسن منها

او تشترى النترا او لانسر مستعملين بس اكيد هتصرف عليهم لما تشتريهم

**e_khaled_m** · 19-03-2013 11:34 PM

بص يا باشا انا معايا لانوس 2013 معايا بقالها 3 شهور عربية معايا زي الفل و مندمتش ابدا اني جبتها و حتريحك في قطع الغيار و علاج مشاكلها لأنها محفوظة و نصيحة بلاش ام 12 خالص ولا لوجان

**8Giga** · 19-03-2013 11:36 PM

انا روحت كنسلت الحجز
وحجزت اى تن لون ازرق مانول ب 76 الف
بنسبالى افضل من اللانوس
حجمها كويس مش صغيره اوى
بس عيبها انها كلها مانول
ازاز مانول و ملهاش ريموت
فاضيه يعنى
---
اللانوس كانت فل ابشن
ازاز كهربا
ريموت
ازاز لونه اسود
بس مش مستريحلها
-----------
شكرا للكل الناس الردت ونصحتنى
تحياتى للجميع