الموضوع: حجزت اللانوس النهارده بس مش مقتنع بيها خالص

المشاركة الأصلية كتبت بواسطة 8Giga

بالنسبه للــ اى تن فى تقريبا غلت 6 تلاف جنيه من ساعة العربيات كلها مغليت
يعنى مبلغ مش كبير اوى زى الساندريو ال وصلت لــ 86 الف !! يعنى غليه 14 الف جنيه
والعربيه من جوه حجمها كويس
قعدتها مريحه الشنطه مش صغيره اوى
انا بس ال مضايقتنى منها انها فاضيه يعنى ازاز عادى و مفيهاش سنتر ومعهاش ريموت ولا حتى فيها انذار
هبقى اركبهم بعدين فى التوكيل :( بس مش عارف هيكلفو كام
بالنسبه اللانوس
اه هى اكبر شويه
الشنطه اكبر كتير
وسعرها اقل 500 جنيه من ال اى تن
وفيها ابشن زياده
يعنى ازاز كهربا
وسنتر
وريموت
بس
مش شبابى وبقت منتشره كــ تاكس عندنا فى اسكندريه
يعنى كأنى جبت لادا موديل حديث مع احترامى للجميع ملاك العربيه
بس هى كعربيه كويسه مش وحشه
تعتبر هى دلوقت افضل عربيه عائليه بالسعر ده
ده بالنسبه لغلو الاسعار
وتقريبا الاى تن هتكون برده افضل عربيه بالسعر ده فى الهتشباك
لان البيكانتو سعرها عدى ال 80 الف جنيه :(
الساندريو ب 86 الف
كله مانول :(
يعنى اللانوس و اى تن
افضل عربيات فى الجديد تحت ال80 الف او فى حدود 75 الف
ده بالنسبه لغلو الاسعار
حتى كمان مغلوش بفرق كبير عن سعرهم الاصلى
بيخليك تشترى وانت مستريح نفسيا
يعنى العربيه غلت 5 ست تلاف جنيه
مبلغ معقول بالنسبه للعربيات ال زادت ب 12 14 الف
-------
طولت عليكم :)
الف شكر للكل الناس الا ردوا
وتحياتى للجميع

ليه هي الفيرنا بقت بكام دلوقتي مش ب 77500 علي ما اعتقد
مافكرتش فيها ليه

انا بحب i10
بس مشكلته بالنسبالي انها 1100cc
لو كانت 1300 كانت هتبقي من الاخر العربية علي فكرة كويسة جدا مش ضيئة و بحب الصالون بتاعها و الفتيس الي بتاع مقرباص التيوتا ( في التابلوه ) و تقفيلها احسن من الانوس و الفيرنا
طبعاااااا

بص ياباشا لو اللانوس مش عاجباك الغي الحجز ماشي بس مش تسيب لانوس وتروح للــ i10 ياراجل!!
الفرق كبير بين اللانوس والــ i10..على الأقل اللانوس 1500 سي سي وفول اوبشن وأرخص..لكن الــ i10 1100 سي سي وفاضية واغلى بــ 500 جنيه من اللانوس.
انا رأيي بلاش تستعجل روح اسحب فلوسك وفكر على رواقة كدا ممكن تشوف لك ياريس او سيراتو استعمال نضيف.

المشاركة الأصلية كتبت بواسطة 8Giga

حضرتك بالنسبه للمستعمل بقالى ست شهور تقريبا بدور على حاجه مستعمله نضيفه
:(
بالنسبه للجديد كل يوم العربيات بتغلى
وال اى تن عربيه كويسه مش وحشه وبعدين ال 1100 سى سى متوقع انهم هيكون من ضمن الاسباب ال هتخليها تغلى تانى لان البنزين لو غلى هيفرق طبعا
بالنسبه للكماليات
تقريبا لو عملتها على حسابى مش هتكلفنى كتير ( مش عارف بس لسه هسأل)
بالنسبه بلاش الاستعجال ... العربيات غلت تقريبا 3 تلاف جنيه فى الاسبوع الاخير :(
يعنى لو استنيت شويه مش هعرف اجيب حاجه جديده بالفلوس ال معايا
-----
انا معاك اللانوس اكبر , واوسع , كماليات اكتر بس مقنتعتش بيها :(
يعنى انا يوم محجزتها قولت اهو اعمل ايه يعنى مفيش حاجه تانيه بالفلوس ال معايا
روحت وحاولت احب العربيه بس مجتش معايا سكه
----
روحت نفس اليوم بليل كنسلت الحجز
واتفرجت على اى تن
العربيه كشكل من بره .. فهى صغيره وشبابى
من جوه .. حجمها مناسب لى .. الكنبه ورا تشيل 3 عادى وانا اعد قدام مستريح
بالنسبه للشنطه .. الشنطه تشيل شنطين سفر
---
كل ال مضايقنى فيها انها فعلا فاضيه :(
مفيهاش غير تكيف وكاسيت سى دى
بس قولت العربيه مطبق عليها مواصفات السوق المصرى يعنى ( قطع غيار رخيصه / سوقها شغال/ توكيل كويس) وده الاهم فى العربيه فى مصر
قولت بالنسبه للكماليات لو جبت الحاجه من بره وروحت عملتها فى التوكيل مش هيكلفونى كتير
اتعلم السواقه الاول :) ( بعرف اسوق بس مش عارف فى الزحمه والطرق عندنا هعمل ايه :b4_048: )

--------
وايه رايكو فى ال اى تن كعربيه هتشباك شبابى ب 76
تقريبا مفيش حاجه تانيه فى نفس الفئه دى كده
وبعدين برده من ضمن الاسباب ال قولت احجز ال اى تن انها تقريبا مغلتش كتير زى باقى العربيا
تقريبا غلت 5 -6 تلاف جنيه
انما عندك عربيه زى الرينو سانديرو غلت 14 الف جنيه
يعنى العربيه تمنها دلوقت 86 الف جنيه للمانول
وكيا بيكانتو برده بقت بحاجه وتمنين
:((((
بس اهوه الحمدالله
وتحياتى للجميع
والف شكر للكل الناس الردت وال هترد
تحياتى

طب ومشوفتش i10 كاملة ليه؟ وهي اه 1100 سي سي موفرة في البنزين بس هتلاقيها ضعيفة جدا في السحب ومع التكييف..وفرق التوفير بين الــ 1100 والــ 1500 مش كبير اوي وكدا كدا انت ليك دعم..

وعموما طالما انت عاجباك ومقتنع بيها يبقى على البركة وألف مبروك مقدما :)

لوجان أو سانديرو انا عارف انها غليت بس صدقنى مش هتندم