ايه الطريقه الصحيحه لنسخ اسطونه صوتيه للعربيه mp3

**hossam_elwani** · 19-03-2013 10:34 PM

ايه الطريقه الصحيحه لنسخ اسطونه صوتيه للعربيه mp3

**rotanamasoud** · 19-03-2013 11:06 PM

اهم حاجه السرعه تكون بطيئه فى النسخ ده بيحافظ على عدسه الكاسيت لانه بيخليها تشتغل على سرعه اقل عن تجربه

**hossam_elwani** · 19-03-2013 11:48 PM

المشاركة الأصلية كتبت بواسطة rotanamasoud

اهم حاجه السرعه تكون بطيئه فى النسخ ده بيحافظ على عدسه الكاسيت لانه بيخليها تشتغل على سرعه اقل عن تجربه

غريبه انا الى اعرفه ان السرعه لما تكون بطيئه ده كويس لجودة الملف الصوتى عند النسخ لكن ملوش علاقه بالقراءه مجدداً من السى دى ... ولا انا كنت فاهم غلط !!

**rotanamasoud** · 20-03-2013 12:09 AM

شوف انا كنت بنسخ اسطوانات لصحابى ودى تجاربى
لو نسخت بسرعه 52 اكس مش كل العربيات تفتحها واللى تفتحها تقطع
جربت انسخ 32 اكس الموضوع اتحسن لاكن اللى عدسته ضعيفه متقراش
جربت انسخ 8 اكس مفيش حد اشتكى حتى لو العدسه ضعيفه
السرعه جربتها على الكمبيوتر ببرنامج النيرو بيقيس سرعه القرائه والكتابه
فلاحظت ان عند النسخ بسرعه 52 تكون القراءه بنفس السرعه وهكذا

**Land_Cruiser** · 20-03-2013 12:33 AM

انسخ علي سرعه بطيئه قدر الامكان و حاول تجمع الاغاني كلها الاول و بعد كده تحرقها و تقفل ال session علشان الكاسيت يعرف يقراها بس عايز أقول لحضرتك لو عندك بلوتوث في العربيه يبقي سيبك من موضوع ال cd ده خالص : حضرتك اشتري كارت ميموري 16 جيجا مثلا و ده هتلاقيه بحوالي ١٢٥ جنيه و ممكن اصغر و ركبه في الموبايل و حط عليه كل الاغاني اللي حضرتك عايزها و بعد كده اعمل pairing مع الكاسيت و اسمع الأغاني من علي سماعات العربيه زي ال cd و لو عندك USB ممكن حتي تحط فلاشه و تريح نفسك. الفكره في الموضوع ان في انواع كتير من الكاسيت لو شغلت ال cd فتره هتلاقيها سخنت و ممكن تهنج ده غير انه لو حصلت اي حاجه اثناء التسجيل هتبوظ ال cd إنما علي فلاشه و لا علي الموبايل ملهاش اي تأثير و اسهل في وضع الأغاني عليها و أيضاً ازالتها و المساحه مفتوحة مش زي ال cd محدوده

**hossam_elwani** · 20-03-2013 12:54 AM

شكرا ليكم على المعلومات القيمه دى

بس للاسف معنديش usb

**akmm** · 20-03-2013 02:15 PM

المشاركة الأصلية كتبت بواسطة land_cruiser

انسخ علي سرعه بطيئه قدر الامكان و حاول تجمع الاغاني كلها الاول و بعد كده تحرقها و تقفل ال session علشان الكاسيت يعرف يقراها بس عايز أقول لحضرتك لو عندك بلوتوث في العربيه يبقي سيبك من موضوع ال cd ده خالص : حضرتك اشتري كارت ميموري 16 جيجا مثلا و ده هتلاقيه بحوالي ١٢٥ جنيه و ممكن اصغر و ركبه في الموبايل و حط عليه كل الاغاني اللي حضرتك عايزها و بعد كده اعمل pairing مع الكاسيت و اسمع الأغاني من علي سماعات العربيه زي ال cd و لو عندك usb ممكن حتي تحط فلاشه و تريح نفسك. الفكره في الموضوع ان في انواع كتير من الكاسيت لو شغلت ال cd فتره هتلاقيها سخنت و ممكن تهنج ده غير انه لو حصلت اي حاجه اثناء التسجيل هتبوظ ال cd إنما علي فلاشه و لا علي الموبايل ملهاش اي تأثير و اسهل في وضع الأغاني عليها و أيضاً ازالتها و المساحه مفتوحة مش زي ال cd محدوده

كلام مظبوط ... وازيد عليه لو عدد الأغانى كبير جدا يتجاوز المئات يستحسن وضع كل 150 اغنيه مثلا على ملف والملف الثانى 150 وهكذا .... علشان الكاسيت يقدر يقرأهم ....