الموضوع: تجربتى مع السبع و اوتو ايجيبت

المشاركة الأصلية كتبت بواسطة mzkader

معنى أن الكومبريسور بيفصل بسرعة هو ظبط السرموستات على درجة حرارة عالية و كل لما درجة حرارة الصالون توصل للمظبوط عليها السرموستات الكومبريسور هايفصل تانى.
انا كمان عندى مشكلة مع التكيف و هى أن التكيف بالليل و فى الجو البارد زى الفل و لو السيارة وقفة فى شمس أو الجو حر بيبقى تبريده ضعيف و فى صيانة الالف كان النور قاطع و ماعملوش حاجة :(

اللي اعرفه ان العربية متصممة ان كومبروسور التكييف يفصل والعربية على السلانسيه .. ليه مش عارف .. تقريبا عشان توفير استهلاك البنزين .. وده اللي بيخلي التكييف مش قوي في الاشارات وفي الزحمة لكن في الطريق هتلاقيه كويس .

المشاركة الأصلية كتبت بواسطة hanyfarag

انا كمان عندى نفس صوت الحكه فى التيل وبيظهر الصوت فعلا الصبح علشان بيكون لسه العجل مغسول او لما بكون فى منطقه فيها تراب بس انا عندى سؤال هو كل العربيات بيكون فيها نفس الصوت اصل انا بركب عربيات اصدقاء ليا ومش بسمع الصوت ده ولا علشان التيل خامته رديئه فهو مابيصدق اى حاجه ويطلع صوت وخلاص انا مش عارف نهايه التيل ده ايه

لا يا ريس أي عربية بتتبقى لسه مغسولة أو متربة بتسمع فيها صوت الحكة دي وأحيانا بيبقى صوت صفارة .. مرة كان واحد صاحبي معاه fiat palio كان لسه غاسلها وكانت الطنابير بتصفر جامد .. سوقت عربيته ودوست فرامل جامد عشان امسح الطنابير بالتيل ..

الصوت ده بيبقى عشان في تراب حفيف على الطنبورة