تجربتى مع السبع و اوتو ايجيبت

**hamadakotb** · 21-03-2013 09:43 AM

فى البدايه احب اوضخ ان المقارنه البسيطه دى بين السبع و اتو ايجيبت كى يستفيد المقبلين على الشراء او خدمات الصيانة .
اولا : انا اشتريت سيارتى من السبع المعادى و طبعا كانت تجربه سيئة لان الادارة كان عندهم العربية و لم استلمها الا بعد زيادة الاسعار و ده عدم أمانة منهم
ثانيا : انا روحت مركز الصيانة 3 مرات منهم عرض نيسان المجانى و صيانى الالف و شكوى كانت فى صوت الفرامل .
و مميزاتهم فى السبع المواعيد مفيش تأخير فيها و مفيش زحمة .
اثناء زيارتى لهم سالت على صاجت التيل قالوا مش هتحتاجها و طبعا اتصلت بيهم تانى و حجزوا لى موعد لتركب الصاجه و روحت و طبعا المهندس قالى دى متعدله فى السوبر صالون يعنى مش هاحتاج اركبها قولت خلاص طالما هى اتعدلت .
امبارح كتت فى اوتو ايجيبت علشان الاوفر و قولت لهم على الصاجه و المفاجئة انهم ركبوا الصاجه ودى كانت صدمه ليا ان السبع معندهمش ضمير ( دى الخلاصه) و بيريجوا دماغهم .
و بعد ما تركبت الصوت اختفى طبعا و اداء الفرامل اتحسن كتير
العيب الوحيد فى اوتو ايجيبت التأخير بس بصراحه بتاخد خدمه محترمه .
اسف على الاطاله
لكن وجب التنبيه كى يستفيد كل من هو مقبل على الشراء او الصيانة

**zinger** · 21-03-2013 10:48 AM

فعلا من تجربتى مع المركزين أوتو أحسن بكتيييير , وفى ضمير ودقه فى الصيانه ومافيش كروته ,
السبع بالرغم من انه رايق ومش زحمه بس جوده الصيانه والخدمه تعبانه جدا

**hamadakotb** · 21-03-2013 10:57 AM

المشكلة حضرتك لما يكون الاهمال فيما يخص ارواح الناس تبقى جريمه .

**abdulmoniem** · 21-03-2013 10:59 AM

عيب أوتوإجيبت الوحيد فعلاً التأخير ..

بس مع وجود مكان مريح .. وإنترنت .. وكل وسائل الراحة .. مش مهم :)

**HaNo_ELBeh** · 21-03-2013 11:38 AM

ممكن اعرف حضرتك استلمت العربية امتى علشان فعلا انا سالت فى اوتوايجيبت وعرفت ان كل العربيات الانتاج الحديث مش محتاجه صاجه التيل
وهل كان عندك صوت حكه فى التيل الامامى والصوت ده راح

**hamadakotb** · 21-03-2013 06:41 PM

انا استلمت فى شهر يناير و العربية رقم موتورها بعد 6000 ، و بالنسبة للصوت ده فعلا كان بدا يظهر مع الفرامل بس مش بشكل مستمر ، و لما روحت و كشفوا عليها قالوا فعلا صاجةالتيل .

**HaNo_ELBeh** · 21-03-2013 07:27 PM

المشاركة الأصلية كتبت بواسطة hamadakotb

انا استلمت فى شهر يناير و العربية رقم موتورها بعد 6000 ، و بالنسبة للصوت ده فعلا كان بدا يظهر مع الفرامل بس مش بشكل مستمر ، و لما روحت و كشفوا عليها قالوا فعلا صاجةالتيل .

ياباشا انتا استلمت فى نفس ميعادى بس هما قالولى ان كل الانتاج السنه دى مش محتاج صاجه تيل انتا هتخلينى اروح اكشف عليها
يعنى ايه موتورها بعد 6000
وصاجه التيل بيحطوها فين

**hamadakotb** · 21-03-2013 08:30 PM

السبع قالوا لى نفس الكلام ده ان المشكلة كانت فى اول 1500 عربية و بعد كده المشطلة اتحلت.
انا اقصد ان رقم موتورها بعد 6000 .
بس اوتو ايجيبت ركبو الصاجه الخلفى و كتبوا ده فى الضمان و ختموه
- انا عملت انهاردة شكوى ضد السبع فى نيسان مصر .

**gomana85** · 21-03-2013 11:06 PM

المشاركة الأصلية كتبت بواسطة hanyfarag

ممكن اعرف حضرتك استلمت العربية امتى علشان فعلا انا سالت فى اوتوايجيبت وعرفت ان كل العربيات الانتاج الحديث مش محتاجه صاجه التيل
وهل كان عندك صوت حكه فى التيل الامامى والصوت ده راح

ايوه لوسمحت الصوت كان صفاره و لا حكه في التيل الامامي ، لان عندي صوت الحكه بتاع التيل الامامي

**Nashaat Rady** · 22-03-2013 12:58 AM

تجربتي مع اوتو ايجيبت سيئة حتي الآن، مشكلة في التكييف، قالولي حانكلمك عشان تيجي تاني و نبص عليها.
أسبوع ولا حس ولا خبر. غير الكذب الصريح من مهندس الاستقبال بخصوص انه شاف عربية تانية زي عربيتي و لقاها فيها نفس الشيئ مما يفيد ان سيارتي مافيهاش مشاكل و ده عادي و لما زنقته و قلتله انا عايز أشوفها قاللي اه معلش اصل الجهاز بتاعنا بايظ و انت عندك حق و حانكلمك لما نصلحه.. علي أساس ان انا هندي.... ... غير التأخير طبعاً... بس علي مين... وراهم وراهم...