الحمد لله اتنصب عليه عند واحد بتاع كاوتش

**أحمد جودة** · 29-06-2013 02:08 PM

قل الحمد لله وقدر الله ما شاء فعل

ولازم كلنا ناخد الحيطة والحذر من الناس اللى نفيش لا دين ولا ضمير عندها

والله كان هيحصل معايا كدة فى مرة كنت بزود الكاوتش وفضلت واقف على ايد الراجل لحد مزهقتو لما خلص تزويد 4 فرد بديلو 2 جنية كان هيضربني قالي 5 جنية يا بيه المهم اديته 5 جنية ومشيت من عندو كاني بجري من حرامي واكتشفت انه سرق غطاء البلف علشان معرفش يعمل عليا شغل

الحمد لله

**Abo-Yousef** · 08-07-2013 03:44 PM

هوا عمل ايه بالظبط انا مش فاهم ... يعنى هوا اللى خرمهالك 12 خرم ؟؟؟ ازاى هيه تيوبلس ولا شمبر

**amz2011** · 10-07-2013 05:25 PM

المشاركة الأصلية كتبت بواسطة houba85

انت مش اول واحد على فكرة

انا فهمتهم من اول مرة وللاسف بابا كان هو اللي سايق وعشان راجل طيب وعايش برة ماصدقنيش لما قولتله دول بيعملوا كذا و كذا وفي النهاية دفع 120 جنيه في 12 خرم كنت على اخري منه.. هو واحد ابن حرام يقف عند اشارة البحر الاعظم اللي بتدخلك يمين على كوبري العمرانية وكل ما اعدي من هناك ويقوللي العجلة نايمة اشتمه واطلع اجري .. ازاي محدش قادر عليهم ؟؟ انا لو اعرف عزوة ورجالة تخدم كنا عملنا معاهم السليمة هما محتاجين بشر كتير يتكاتروا عليهم يدغدغوهم مادام هما بلطجية بيتحاموا في بعض ويعرفوا يلموا بعض

بشوفه الواد داه ودايما اشتمه و اجرى برده بس هما بداءو يحسو انهم اتكشفو

**houba85** · 11-07-2013 02:55 AM

المشاركة الأصلية كتبت بواسطة sam4ever2010

هوا عمل ايه بالظبط انا مش فاهم ... يعنى هوا اللى خرمهالك 12 خرم ؟؟؟ ازاى هيه تيوبلس ولا شمبر

ياباشا هو معاه زي خشبة فيها مسامير رفيعة وانت مش واخد بالك بيدقها لما بيقوللك هات العجل عليا .. فمسافة ماتروح لعربيتك تكسر العجل يمين عليه يكون دقها جوة الكاوتش .. 12 خرم في الكاوتش والعربية لسة مستلمينها جديد وكانت تاني طلعة بيها وطالعة بعيد عن الدائري والاصلاحات اللي عليه !!

**ahmedhilmy** · 11-07-2013 02:58 AM

المشاركة الأصلية كتبت بواسطة sam4ever2010

هوا عمل ايه بالظبط انا مش فاهم ... يعنى هوا اللى خرمهالك 12 خرم ؟؟؟ ازاى هيه تيوبلس ولا شمبر

العجله كانت تيوبلس و متهيالي انه هوا اللي خرمها و في ناس بتقول انه بيرشوا عليها ميه نار فبتخلي فراقيع الهوا دي تظهر

**Abo-Yousef** · 11-07-2013 10:11 AM

المشاركة الأصلية كتبت بواسطة ahmedhilmy

العجله كانت تيوبلس و متهيالي انه هوا اللي خرمها و في ناس بتقول انه بيرشوا عليها ميه نار فبتخلي فراقيع الهوا دي تظهر

مش هنقول غير حسبى الله ونعم الوكيل

**mody112** · 11-07-2013 11:11 AM

حسبى الله ونعم الوكيل
متهيالى معظم بتوع الكاوتش اللى بيكونو فى بنزينات بيعملوا كده ( والله اعلم )
انا اعرف ان الايجار فى البنزينات بيكون عالى جدا جدا فهو يقلك طب انا هجيب منين يقوم يضطر ( من وجهة نظره ) انه يعمل كده .
هو بيكون معاه زى مفك كده وفى اخره سن رفيع جدا جدا وصلب بيخرم بيه على طول من غير ماتحس وخصوصا لو انت زى حالاتى من النوع اللى مش بينزل من العربية وهو بيزود .
انا كمان حصل معايا الموقف ده بس فى بنزينة موبيل اللى فى باب اللوق وقالى 8 اخرام وانا زى الباشا عملتهم ( كنت لسه اول مرة اشترى عربية وعايش فى دور الفرفرة وانه مش هيضحك عليه ).
لكن حصلت مرة تانية قدامى بس انا كنت بغسل عربيتى فى البنزينة ودخلت عربية شيروكى حديثة وقال لبتاع الكاوتش زود هواء فى الاربع عجلات قام الحمار بتاع الكاوتش عمله اخرام فى الاربع عجلات قام العربية نزل منها حوالى 3 افراد من اللى هما بتوع كمال الاجسام دول وهوب قام لاطش الواد حتة قلم ( طراخ ) شكله كان كده كان فاهم الاعيبهم كويس وطبعا شتيمة وقلة ادب لغاية ما جيه مدير المحطة وجابلو طقم كاوتش جديد على حسابه والا كانو دغدغو له البنزينة باللى فيها ( للاسف محدش بياخد حقه دلوقتى الا بقلة الادب ) .من ساعتها وانا عرفت ان بتوع الكاوتش اللى فى البنزينات معظمهم مبيقيش ربنا .

**Abo-Yousef** · 11-07-2013 11:31 AM

بيفكرنى بفيلم كركر

الموضوع: الحمد لله اتنصب عليه عند واحد بتاع كاوتش

LinkBack

أدوات الموضوع

عرض

-

-

-

-

-

-

المواضيع المتشابهه

عايز ينصب اتنصب عليه ههههه

لو اتنصب عليك احكلنا اتنصب عليك ازاى وناخد من تجربتك عبرة وعظة تفيد المجتمع كلة

انا تقريبا اتنصب عليه جامد اوى

ساعدووووووووني انا حاسس اني اتنصب عليه وعايز نصيحه اهل الخبره

لكل من تكالبت عليه الهموم وضاقت عليه الدنيا وغلب عليه التشاؤم

الكلمات الدلالية لهذا الموضوع

المفضلات

المفضلات

ضوابط المشاركة