الموضوع: هو انا و حبيت ابيع الفوانيس الخلفية الاصلية بتاعة الصني 2011 تجيب كام

المشاركة الأصلية كتبت بواسطة ahmed.tv

والله فعلا لو اخدتهم من حسين يبقوا لقطة .. واحسنلك واضمن من الاستيراد اللى بره او اللى مش اصلى

اما بخصوص الدلايات ممكن تجبهم من شارع دمشق اعتقد سعرهم من 70 جنيه الى 100 جنيه
بس انا معرفش سعر التوكيل شامل الرش ولالا لو كانوا بيترشوا

وبعدين خالى بالك .. التوكيل بيجيب اكسسورات صينى فعلا بس صينى درجات ..
انا عن نفسى اشتريت نواكل اوكر للتيدا ب220 جنيه .. من 3 سنين .. وبحالتهم
ولو كنت جبتهم من التوفيقية كنت ممكن اوفر النص .. بس حيعيشوا قد ايه

فهو عرض وطلب .. عايز اهو موجود .. مش عايز .. ممكن تجيب من بره .. بس زى ما قولتلك مع اختلاف الدرجات

نيجى بقا للزينون

لو الزينون اللى عندهم ماركة " اوسروم " هو غالى .. انا سالت عليه فى معرض فورميلا اللى فاتت وكانت شركة اوسروم بنفسها عرضاه ب850 جنيه من غير تركيب .. وعلى فكرة الشركة نفسها شركة اوسروم مش بتبيع الا فى المعرض بس .. ولو عايز الزينون بتجيبه من وكلائها اللى اكيد بيحطوا هامش ربح

وفى المحلات والوكلاء الموزعين المعتمدين بره ممكن تلاقيه ب1000 جنيه او 1100 على ما اتذكر

لكن فى التوكيل
اغلى عشان حاجات تانية مثل ..
الضمان .. فا الفكرة مش ضمان بس على الزينون .. ضمان على اى حاجة ممكن الزينون يتسبب فيها لقدر الله فى عمل مشكلة فى كهربة العربية .. وقتها هما يتحملوا على طول التغير حتى لو كانت ضفيرة

فانت بالفلوس الزيادة تشترى ضمان .. وبتركب حاجة مظبوطة .. بدل ما تركبها بره التوكيل .. وتلف حوالين نفسك عشان ضمان الزينون .. لو عرفت تغيره

ووارد لو الزينون اتركب خارج التوكيل وعند كهربائى مش شاطر ممكن خرب حاجة عندك .. ساعتها حتكون خرجت من الضمان الكهرباء فى العربية .. ودور بقا على حقك .. اللى حتكون ضيعته

فعشان كدا .. بيع الزينون وتركيبه غالى للاسباب دى .. وبصراحة انا لو عربيتى فى الضمان ومحتاج اركب زينون .. حركبه جوة التوكيل

ولو عايز خصم لتركيب الزينون وقت ما تنوى ابقا قولى

تحياتى ليك وبالتوفيق

شكرا ليك جدااا يا استاذ احمد فعلا التوكيل غالى عشان الضمان وانا مقدر دة جدااا ...الدلايات انا اشتريت طقم كدة وخلاص من التوفقية معقول ..الزينون مكنش ليا كان لصديق ليا معايا انا عن نفسى مبركبش حاجة فى العربية مش فبريقة حتى لو جاتلى هدية وفوقها الف جنية كمان بحس ان الفبريقة هى افضل حاجة ..انا عايز اقولك ان فى راجل بتاع اكسسوار طلبت منة شكل الابل (اى فون ستيكر) بس بشرط تكون نفس لون العربية عشان ماتبانش اوى رغم انى معجب بيها جداا ونفسى اركبها بس مابحبش اركب حاجة مش موجودة اصلا الراجل لما قلتلة كدة جاب فرخ لون العربية وقطعها على استيكر ابل لون ابيض ولزق وعمل حركات عشان تطلع لون العربية وقالى دى هدية منى ليك عشان انت مابتحبش تركب حاجة فى عربيتك ووالله العظيم ما انا واخد فلوس وصمم على كدة ( انا برمى كلام عشان اخد الفوانيس هدية ....بهزر اكيد.)..دى عادتى لو اى اكسسوار كان مفيد للعربية كانوا نزلوه فيها ولو مركبوهاش يبقى محدش هيعرف يركبها زيهم ابدااا ...
تحياتى ليك وشكر على المساعدات الى قدمتها ليا وللقسم بالكامل ولنيسان بوجة عام