اعادة صياغة تقرير صيانة الالف مع العرض لـn16 فى اتو ايجيبت

**asyl84** · 30-03-2013 08:54 PM

بسم الله الرحمن الرحيم

الاعتذار واجب عن اسلوبى الساخر فى الموضوع القديم وعن اى مضايقة سببتها لاى شخص فى اتو ايجيبت او عضو فى المنتدى واتمنى انكم تقدروا تاثير تعب اليوم عليا ومحاولة نسيان عدم رضائى عن ماتم فى السيارة
نبداء تانى بسم الله :-
حجزت صيانة الالف فى اتو ايجيبت يوم الخميس 28/3/2013 الساعة 10 صباحا وعشان دى اول مرة توهت جامد واتو ايجيبت كلمونى فاكرينى لغيت الميعاد وقلتلهم انى تاية فى السكة ووصفولى ووصلت الحمد لله الساعة 11 بالظبط .
كمية الناس هناك كتير جدااا خدت رقمى واستنيت المهم استقبلتنى مهندسة الساعة 12.30 بعد الترحيب بيا وتقديم الرخصة والضمان قلت ملاحظاتى وكانت كالاتى :-
1- تقل مع سماع صوت فى الدركسيون وعلقت على كدة انة لما كان بيحصل كدة معايا فى عربيتى القديمة معناة ان زيت الباور فضى .
2- رعشة فى العربية بعد سرعة 80
3- سويتش الباب بيعلق
4- حزام الامان مش بيرجع لوحدة على طول يعنى لازم اظبطة بايدى كدة عشان يدخل مكانة وممكن ازقة ساعات .
5- عند ضغط الفرملة واثناء التكيف ماهو شغال الار بى ام يكاد يوصل للصفر وبحس ان العربية هتبطل لكن مابيحصلش.
6- صوت الكلاكس بيعلى ويوطى لما اضغط علية مستمر لمدة 10 ثوانى او اقل كمان (يعنى لما حد يرمى عليك وتضطر تزمر كتير الكلاكس بيعلى ويوطى )
7- عفشة العربية ناشفة
8- استهلاك البنزين عالى جدااا بتعمل 150 بالعافية او بوهم نفسى انها بتعمل 150
9-نتشة الفتيس
فى حاجات المهندسة ردت عليا فيها وقتى زى نتشة الفتيس ودة طبيعى قلتلها انى قريت ادوس فرملة واجيب n وارفع هاند بريك وبعدين اجيب P بس الترتيب الى مش عارف اظبطة اوى يعنى (كما قرائت فى المنتدى هنا ) المهم ردها عليا ان دة طبيعى ولازم يحصل فقلت اوك ابقى اسئل حد هنا واحدة واحدة تانى او لما اقابلكم ان شاء الله قريبا
وردت كمان على ان العفشة ناشفة ان كل نيسان عفشتها كدة وسئلتنى بتقارنها باية قلت نقول النترا قالتلى ماتقارنش بينها وبين الكورى قلت اوك ..وردت عليا فى نقطة الدركسيون انهم كدة كدة بيشوفوا كل السوائل ومن ضمنها زيت الباور قلتلها ماشى ..وبنزين العربية لا يتم تحديدة فى وسط البلد لكن على سرعة 60 الى 90 فى طريق طوالى والعربية دى بتعمل من 200 الى 220 فى الصفيحة ....ولما قلت عن حزام الامان قلتلى نشوفوا برة بقى وطلعنا فعلا بصت على العربية وقلتلها الحزام قالتلى هما هيشوفوا جوة مع زرار السويتش طلبت منها غسيل السيارة قالتى معتقدتش هيبقى فى وقت انت عربيتك هتخلص 5.30 والمغسلة هتقفل 5 قلتلها اتمنى نلحق قالتلى لو خرجت بدرى هنغسلها ...............وجة وقت الانتظار .....اول تحرك للعبية كان 1.30 يمكن او 2 شوفتها دخلت الورشة وسيبتها بقى وعيشت انا حياتى ......الساعة 3.20 دقيقة لقيت عربيتى واقفة برة وعلى الشاشة مكتوب فى اتظار الغسيل سيبتها وصليت ورجعت على 4.30 وهى واقفة مكانها دخلت للمهندسة افهم العربية واقفة لية قالتلى هسلمهالك لحظة واحدة .........مرحلة الاستلام......
احنا يافندم غيرنا الزيت والفلتر مجاناا وبالنسبة للمشاكل الى حضرتك ذكرتها
1- تقل مع سماع صوت فى الدركسيون وعلقت على كدة انة لما كان بيحصل كدة معايا فى عربيتى القديمة معناة ان زيت الباور فضى .احنا راجعنا على كل السوائل والدركسيون تمام ........انا سئلت الناس قالولى كل العربيات بتعمل الصوت دة لانك بتتغط على علبة الدركسيون والباور فقلت اوك
2- رعشة فى العربية بعد سرعة 80 قالتلى تم ترصيص العجل وان شاء الله المشكلة هتنتهى معاك ..وفعلا الحمد لله العربية بقت زى الفل
3- سويتش الباب بيعلق ..قالتلى انة ملقناش عيب وتم تنضيفة يمكن تتحل المشكلة ..انا قلت علق معايا مرة فسيبك منة مش مهم اوى عادى يعنى
4- حزام الامان مش بيرجع لوحدة على طول يعنى لازم اظبطة بايدى كدة عشان يدخل مكانة وممكن ازقة ساعات . معلقتش علية اصلا وانا نسيت لانى كنت كاتبة فى الورقة بتاعتى لكن لما استلمت استلمت من الورقى الى هى كاتباها وهى مكتبتش دة فى الورقة بتاعة ام رالشغل بتاعتهم
5- عند ضغط الفرملة واثناء التكيف ماهو شغال الار بى ام يكاد يوصل للصفر وبحس ان العربية هتبطل لكن مابيحصلش. قالتلى احنا موصلناش للمشكلة دى بس عموما حطينا العربية على جهاز مش فاكر اية واتاكدنا من ظبطها وعدنا علية... فقلت ماشى
6- صوت الكلاكس بيعلى ويوطى لما اضغط علية مستمر لمدة 10 ثوانى او اقل كمان (يعنى لما حد يرمى عليك وتضطر تزمر كتير الكلاكس بيعلى ويوطى ) كان رد المهندسة ان جربو الكلاكس ولقوة شغال وانا رديت وقلت انا كنت سامعهم وهما بيجربوة وكنت عايز اقولهم يطولو شوية فى الدوسة هما بيدوسو دوسة صغيرة وهى بتبان فى الضغطة الطويلة فالمهندسة بصيطلى كدة الى هو عايز اية طيب تحب نرجعها انا قلت خلاص مش مشكلة المرة الجية
(7- عفشة العربية ناشفة
8- استهلاك البنزين عالى جدااا بتعمل 150 بالعافية او بوهم نفسى انها بتعمل 150
9-نتشة الفتيس ) تم الرد عليهم سابقا ان دة حال العربية عموما
خدت كبونات الخصم والضمان وباركتلى على العربية واديتنى اذن خروج وشكرتهم على حسن المعاملة ...لقيت العربية واقفة برة مكانها من 3.20 لحد 4.45 لما طلعت وخدتها لقيت فى شحم برة العربية كدة فقلت عادى هطلع على بنزينة اغسلها ركبت العربية لقيت الدرج مفتوح بتاع الطابلوة حطيت الضمان لقيت ايدى بتخبط فى حاجة جوة بصيت لقيت حاجة مدلدلة كدة قفلت باب العربية عليا وانا مخنؤ لقيت المكان دة مفرق بين المسند او دراع الباب والباب نفسة وكانت قشاية قطمت ضهر البعير دخلت قلت للمهندسة لحظة من فضلك قالتلى تحت امرك وخرجت معايا قلتلها على درج الطابلوة قالتلى عادى يافندم وقفلت باب جوة مكان الفلتر وقفلت الدرج وسئلتها الدرج بقى ناعم لية كدة كان اتقل من كدة قالتلى دة طبيعى لما نضف بس بقى افضل وقصة الباب حضرتك اتفضل ارتاح جوة وندهت حد خد العربية دخلها كنت فتحت الكابوت ولقيت زيت جوة طلبت انهم يمسحوة عشان البوية المهم خدها ودخل جوة ..لسة المهندسة بتقعد عربيتى رجعت تانى وانا ادمها وحد بيقولها حاجة وهو بيبصلى اتنرفزت ويعنى اية الكلام دة كنت سمعت ان فى حد مش عايز يشتغل فيها او قال هى كدة المهم طلعت وقفت برة وجبت منديل عشان العربية اكيد محدش مسحلها حاجة المهندسة قالتلى انا لسة مسلمتكش على فكرة قلتلها همسح بس الزيت بس لقيتة اتمسح لقيت المهندسة رجعت من الورشة وبتكلم حد جنب العربية وبعد مناقشات بينهم 5دقايق كدة جت بتقولى ان العربيات كلها كدة حتى بص العربية دى وفتحتلى عربية قلتلها بصى انا متاكد ان عربيتى مدخلتش كدة قالتلى محدش اصلا جة جنبها والا فكها قلتلها امال السويتش بتاع الكهربا نضف ازاى قالتلى لاء احنااااااااااااااا مفكنهوش قلتلها ياباشمهندسة هتمسكونى من هنا همسكم من هنا اتفتح ونضف يبقى الى قفل قفل غلط ماتفتحش يبقى نضفوا واقفلو المكان صح قالتلى هى مش مين يمسك مين على العموم ماشى بس حضرتك هتقعد معانا لـ 5.30 قلتلها اوك ودخلت لحد الساعة 5.20 محدش جة جنب العربية المهندسة خرجت لقيتنى انا والعربية واقفين جنب بعض ندهت حد وقالتلة دخلها جوة لو سمحت العربية دخلت وخرجت 5.30 احسن من الاول مش زى الاول اوى بس تمام الى جابها قالى بص كدة ياباشا لانى كنت واقف برة قالى كدة اخرها مافيش بعد كدة قلتلة مفتاحها فيها قالى اة دخلت للمهندسة قلتلها شكراااا انا هاخد العربية وامشى فين الرخصة لو سمحتى قالتلى مبروك على العربية الرخصة يافندم فى الدرج الى فوق الكاسيت خدت العربية ومشيت.
امبارح وانا ماشى بيها وقلت اجرب واشوف حسيت ان العربية بقت مش زى الاول يعنى كنت لما بجرى واسيب رجلى من البنزين الاربى ام بيهدى وهى على سرعتها دلوقتى لاء بحسها بتقفش فى نفسها شوية قلت ما علينا يمكن اكون لسة مش متعود او طبيعى او هسئلكم يعنى اشوف القصة اية واحدة واحدة ...قلت اجرب التكيف يمكن يكون اتحل الصراحة ملقتش العيب دة لكن لقيت حاجة تانية الشرطة بتاعة الصفر فى فوقها شرطة المؤشربتاع الار بى ام عليها وعند دخول التكيف بتنزل بين الصفر والشرطة الى فوقها دى ولما بدوس فرامل اثناء التكيف ما بيشتغل بحس ان العربية بتجيب الـn بمعنى الفرملة بتنزل اكتر انت عارف احساس الفرملة فى الـn مختلف عن احساسها فى الـd و الاربى ام بيعلى وبيوصل شرطتين كاملين اكنة على الـn اول ما بسيب رجلى من الفرملة بسمع صوت العربية اكنها جابت d بيبقى ليها صوت كدة معروف بسمعة والاربى ام بيوطى تانى عشان العربية هتمشى طبعا هى بتقعد ثانيتين كدة مابتتحركش لانها لسة بتنقل لوحدها من n الى d مش فاهمها يعنى تحسها اتلغبطت وبكدة تم بحمد الله صيانة الالف واختفاء مشاكل وثبات مشاكل وظهور مشاكل

**mona_881** · 30-03-2013 10:03 PM

كل اللي حضرتك قلته ده في صيانة الألف!!!
بجد ربنا معاك ويارب العربية تتظبط وتنبسط منها

**asyl84** · 30-03-2013 10:35 PM

المشاركة الأصلية كتبت بواسطة micho_881

كل اللي حضرتك قلته ده في صيانة الألف!!!
بجد ربنا معاك ويارب العربية تتظبط وتنبسط منها

سيبك من كل دة على فكرة كلها مشاكل تتحل بسهولة بس عايزة حد يقف جنبها لكن صدقنى لو رجع بيا الزمن هجيبها بردو كفاية انى راكب عربية ودى معناها كبير على فكرة مش معناها انى مركبتش عربيات قبل كدة لكن اقصد العربيات الى ركبتها كانت على الرخصة بس لكن دى عربية تتمتع بيها ومشاكلها تتحل وربنا يكرم

**Bishoy.Girgis** · 31-03-2013 12:30 AM

الله ينور يا لؤي .. تقرير تمام التمام و من هنا اقدر اقولك علي شوية حاجات :

1- طبعا انت عارف ان في عرض الايام ديه فطبعا مش هيتحل كل مشاكلك في المرة ديه طبعا ً لكن لما يتصلوا بيك .. قول لهم ان في مشاكل متحلتش و اكيد هيخلوك تروح تاني .

2- اهم حاجه انك لما تحجز ميعاد في التوكيل .. لازم لازم تروح في الميعاد اللي حاجز فيه او قبله بشوية و لو لاحظت و انت بتحجز هتلاقيهم سألوك سؤال بيقول .. هل في مشاكل في العربية غير الصيانة .. فده بيسألوه عشان يدوا وقت لحل المشاكل في العربية ..

3- لما تروح التوكيل لازم تعمل نسختين من الورقة اللي فيها مشاكلك .. نسخة تبقي معاك و نسخة تتلزق علي زجاج العربية من الداخل بحيث يشوفها المهندسين و العمال بالورشة .. و نفعت الطريقة دي معايا كتير

4- لازم تعمل حسابك ان العمال بالورش بياخدوا استراحة من الساعة 1 الي الساعة 2 فعشان كده بيبقي في نظام معين ماشي بيه التوكيل و طبعا انت شوفت الضغط الرهيب هناك طبعا عشان العرض :)

-----------------------------------------------------------

بالنسبة بقي للمشاكل و الشغل في العربية عشان انا عندي نفس الموديل :

1- تقل مع سماع صوت فى الدركسيون وعلقت على كدة انة لما كان بيحصل كدة معايا فى عربيتى القديمة معناة ان زيت الباور فضى .

بص هو الدركسيون بتاع العربية تقيل شوية لكن لو بتسمع صوت و انت بتلف الدركسيون علي الاخر (فسسسسس) ده طبيعي علشان الضغط علي الباور

2- رعشة فى العربية بعد سرعة 80

طبعا الترصيص بيحل المشكلة ديه

3- سويتش الباب بيعلق

عايز شوية تنظيف

4- حزام الامان مش بيرجع لوحدة على طول يعنى لازم اظبطة بايدى كدة عشان يدخل مكانة وممكن ازقة ساعات .

فعلا الموضوع ده رخم شوية في الموديل ده بالذات لكن لما بيتظبط صح بتروح المشكلة

5- عند ضغط الفرملة واثناء التكيف ماهو شغال الار بى ام يكاد يوصل للصفر وبحس ان العربية هتبطل لكن مابيحصلش.

بص ممكن تكون ضفيرة الكهربا لكن اعراضها بتبقي اقوي من كده شوية .. المهم تتابع الموضوع ده و هي و انت ماشي بالعربية ممكن تلاقي ارتفاع مفاجئ في الار بي ام لو حصل تبقي ضفيرة وش

6- صوت الكلاكس بيعلى ويوطى لما اضغط علية مستمر لمدة 10 ثوانى او اقل كمان (يعنى لما حد يرمى عليك وتضطر تزمر كتير الكلاكس بيعلى ويوطى )

علي فكرة الموضوع ده عادي جدا جدا في كل العربيات و هي انك تلاقي و انت في زفة فرح مثلا و بتكلكس كتير تلاقي صوت الكلاكس يغير و ده عادي

7- عفشة العربية ناشفة

فعلا العفشة ناشفة انما احب اطمنك جدا انك كل ما بتمشي بالعربية اكتر هتلاقي العفشة هتنعم عن الاول يعني لما تعمل بالعربية مثلا 25000 كيلو هتلاقي العفشة نعمت و بقت احسن كتير

8- استهلاك البنزين عالى جدااا بتعمل 150 بالعافية او بوهم نفسى انها بتعمل 150

بص الاستهلاك ده لو جوه البلد يبقي طبيعي جدا خصوصا لو انت بتمشي كتير بين سرعة 10 و 60 كيلو / الساعة .. خلي بالك عربيتك اوتوماتيك و 1600 سي سي و غير كده تكنولوجية الموتور عاليه و قدام ده استهلاك عالي نسبيا في البنزين انما خارج البلد و تكييف تعمل بالعربية حوالي 240 كيلو في الصفيحة

9-نتشة الفتيس

--- لو هنتكلم عند الركنة لازم الاول تشد فرامل اليد و بعدين تجيب العربية علي الباركينج

--- لو هنتكلم علي النتشة العادية و انت ماشي بالعربية فممكن تعمل ريسيت لكمبيوتر العربية و ان شاء الله النتشة ديه هتروح انما لو عملت كيك داون و حرق فممكن النتشة ترجع تاني و علي فكرة الريسيت مش هيضيع النتشة لكن هيقللها بنسبة كبيرة جدا

اللينك :
http://www.nilemotors.net/Nile/284640-a.html

اتمني اكون ساعدتك في معرفة حلول للمشاكل و الف الف مبروك علي العربية الجميلة ديه و الف مبروك علي الصيانة و عقبال صيانة الـ 100000 كيلو ان شاء الله

**hatem_swaf** · 31-03-2013 12:32 AM

المشاركة الأصلية كتبت بواسطة asyl84

سيبك من كل دة على فكرة كلها مشاكل تتحل بسهولة بس عايزة حد يقف جنبها لكن صدقنى لو رجع بيا الزمن هجيبها بردو كفاية انى راكب عربية ودى معناها كبير على فكرة مش معناها انى مركبتش عربيات قبل كدة لكن اقصد العربيات الى ركبتها كانت على الرخصة بس لكن دى عربية تتمتع بيها ومشاكلها تتحل وربنا يكرم

انا بصراحه كنت بفكر اجيب صنى سوبر صالون بس بعد كلامك ده قلقت اووى وكمان سانع مشكله الفرامل وانا مش ثابته بعد 140 ك وكمان قلقت من توكيل نيسان يعنى ممكن اصرف النظر عن التيد السيدان اللى هى الاختيار التانى و ممكن اروح للاختيار التالت وهو لانسر بومه
ايه رأي حضرتك ؟

**asyl84** · 31-03-2013 02:26 PM

المشاركة الأصلية كتبت بواسطة hatem_swaf

انا بصراحه كنت بفكر اجيب صنى سوبر صالون بس بعد كلامك ده قلقت اووى وكمان سانع مشكله الفرامل وانا مش ثابته بعد 140 ك وكمان قلقت من توكيل نيسان يعنى ممكن اصرف النظر عن التيد السيدان اللى هى الاختيار التانى و ممكن اروح للاختيار التالت وهو لانسر بومه
ايه رأي حضرتك ؟

انا هقولك رائى الشخصى فى العربية وبامانة ...عربيتى صنى 2013 الشكل القديم وانا بقف قدامها بحس انى فعلا امتلكت والمللك لله جوهرة ولو فى ندم فندمى انى ماجبتهاش من سنتين فاتو لان العربية قيمة تساوى امكانيات ويمكن مقارنتها بالقيمة تكون اكتر يعنى امكانياتها احسن من سعرها طبعا دة فى السوق المصرى مالناش دعوة بالعالم الى برة دول ....التوكيل اعتقد انة ممتاز ومراكز الخدمة وهما اتو ايجيبت والسبع ومودرن مجربتهومش كلهم انا جربت اتو ايجيبت بس ومكنتش مبسوط بالصيانة ودة بسبب ضغط الشغل الكتير بسبب العرض و انا لما روحت ملقتش مكان لعربيتى اركنها يعنى ركنت بالعافية فى المكان المخصص للسيارات فضغط الشغل دة خلانى استنى ومتسرعش فى انى ابنى رائى دلوقتى لكن لما هروح تانى ليهم ان شاء الله اوعدك اقولك النتيجة اية ومتنساش ان لسة عندى مركزين كمان مجربتهومش ..بس انا مازلت مقفلتش من العربية اطلاقااااااا بالعكس انا حاببها جدااااا ومريحانى حتى الان وبالنسبة لاتو ايجيبت فلسة تقييمى ليهم لان رائى دلوقتى هيكون غير منصف ...بالنسبة انت محتار بين العربيات او الاختيارات يبقى الاستخارة افضل حل ليك ..بس ابعد عن لانسر 1300 معجبتنيش مع التكييف .....وهقولك على حاجة كمان مخليانى هادى مع مشاكل عربيتى البسيطة ان شاء الله الى مهدينى جملة فى بيان الثورة 1952 قالها السادات لقد تولى امرنا رجالا نثق فى قدراتهم الناس هنا كدة

المشاركة الأصلية كتبت بواسطة bishoy.girgis

الله ينور يا لؤي .. تقرير تمام التمام و من هنا اقدر اقولك علي شوية حاجات :

1- طبعا انت عارف ان في عرض الايام ديه فطبعا مش هيتحل كل مشاكلك في المرة ديه طبعا ً لكن لما يتصلوا بيك .. قول لهم ان في مشاكل متحلتش و اكيد هيخلوك تروح تاني .

2- اهم حاجه انك لما تحجز ميعاد في التوكيل .. لازم لازم تروح في الميعاد اللي حاجز فيه او قبله بشوية و لو لاحظت و انت بتحجز هتلاقيهم سألوك سؤال بيقول .. هل في مشاكل في العربية غير الصيانة .. فده بيسألوه عشان يدوا وقت لحل المشاكل في العربية ..

3- لما تروح التوكيل لازم تعمل نسختين من الورقة اللي فيها مشاكلك .. نسخة تبقي معاك و نسخة تتلزق علي زجاج العربية من الداخل بحيث يشوفها المهندسين و العمال بالورشة .. و نفعت الطريقة دي معايا كتير

4- لازم تعمل حسابك ان العمال بالورش بياخدوا استراحة من الساعة 1 الي الساعة 2 فعشان كده بيبقي في نظام معين ماشي بيه التوكيل و طبعا انت شوفت الضغط الرهيب هناك طبعا عشان العرض :)

-----------------------------------------------------------

بالنسبة بقي للمشاكل و الشغل في العربية عشان انا عندي نفس الموديل :

1- تقل مع سماع صوت فى الدركسيون وعلقت على كدة انة لما كان بيحصل كدة معايا فى عربيتى القديمة معناة ان زيت الباور فضى .

بص هو الدركسيون بتاع العربية تقيل شوية لكن لو بتسمع صوت و انت بتلف الدركسيون علي الاخر (فسسسسس) ده طبيعي علشان الضغط علي الباور

2- رعشة فى العربية بعد سرعة 80

طبعا الترصيص بيحل المشكلة ديه

3- سويتش الباب بيعلق

عايز شوية تنظيف

4- حزام الامان مش بيرجع لوحدة على طول يعنى لازم اظبطة بايدى كدة عشان يدخل مكانة وممكن ازقة ساعات .

فعلا الموضوع ده رخم شوية في الموديل ده بالذات لكن لما بيتظبط صح بتروح المشكلة

5- عند ضغط الفرملة واثناء التكيف ماهو شغال الار بى ام يكاد يوصل للصفر وبحس ان العربية هتبطل لكن مابيحصلش.

بص ممكن تكون ضفيرة الكهربا لكن اعراضها بتبقي اقوي من كده شوية .. المهم تتابع الموضوع ده و هي و انت ماشي بالعربية ممكن تلاقي ارتفاع مفاجئ في الار بي ام لو حصل تبقي ضفيرة وش

6- صوت الكلاكس بيعلى ويوطى لما اضغط علية مستمر لمدة 10 ثوانى او اقل كمان (يعنى لما حد يرمى عليك وتضطر تزمر كتير الكلاكس بيعلى ويوطى )

علي فكرة الموضوع ده عادي جدا جدا في كل العربيات و هي انك تلاقي و انت في زفة فرح مثلا و بتكلكس كتير تلاقي صوت الكلاكس يغير و ده عادي

7- عفشة العربية ناشفة

فعلا العفشة ناشفة انما احب اطمنك جدا انك كل ما بتمشي بالعربية اكتر هتلاقي العفشة هتنعم عن الاول يعني لما تعمل بالعربية مثلا 25000 كيلو هتلاقي العفشة نعمت و بقت احسن كتير

8- استهلاك البنزين عالى جدااا بتعمل 150 بالعافية او بوهم نفسى انها بتعمل 150

بص الاستهلاك ده لو جوه البلد يبقي طبيعي جدا خصوصا لو انت بتمشي كتير بين سرعة 10 و 60 كيلو / الساعة .. خلي بالك عربيتك اوتوماتيك و 1600 سي سي و غير كده تكنولوجية الموتور عاليه و قدام ده استهلاك عالي نسبيا في البنزين انما خارج البلد و تكييف تعمل بالعربية حوالي 240 كيلو في الصفيحة

9-نتشة الفتيس

--- لو هنتكلم عند الركنة لازم الاول تشد فرامل اليد و بعدين تجيب العربية علي الباركينج

--- لو هنتكلم علي النتشة العادية و انت ماشي بالعربية فممكن تعمل ريسيت لكمبيوتر العربية و ان شاء الله النتشة ديه هتروح انما لو عملت كيك داون و حرق فممكن النتشة ترجع تاني و علي فكرة الريسيت مش هيضيع النتشة لكن هيقللها بنسبة كبيرة جدا

اللينك :
http://www.nilemotors.net/nile/284640-a.html

اتمني اكون ساعدتك في معرفة حلول للمشاكل و الف الف مبروك علي العربية الجميلة ديه و الف مبروك علي الصيانة و عقبال صيانة الـ 100000 كيلو ان شاء الله

الله يبارك فيك ياباشا وربنا يخليكوا وتفيدو الناس كمان وكمان ..انا هشوف كدة واروحلهم تانى بس عايز اجربها اكتر عشان ابقى رايح فاهم المشاكل بالظبط لان الحزام والكلام الفاضى دة مابقاش مهم زى مشكلة التكييف وقفشتها لما بسيب رجلى من البنزين وعلى العموم ربنا يكرم ويحلوها ان شاء الله

**asyl84** · 31-03-2013 02:31 PM

المشاركة الأصلية كتبت بواسطة hatem_swaf

انا بصراحه كنت بفكر اجيب صنى سوبر صالون بس بعد كلامك ده قلقت اووى وكمان سانع مشكله الفرامل وانا مش ثابته بعد 140 ك وكمان قلقت من توكيل نيسان يعنى ممكن اصرف النظر عن التيد السيدان اللى هى الاختيار التانى و ممكن اروح للاختيار التالت وهو لانسر بومه
ايه رأي حضرتك ؟

انا هقولك رائى الشخصى فى العربية وبامانة ...عربيتى صنى 2013 الشكل القديم وانا بقف قدامها بحس انى فعلا امتلكت والمللك لله جوهرة ولو فى ندم فندمى انى ماجبتهاش من سنتين فاتو لان العربية قيمة تساوى امكانيات ويمكن مقارنتها بالقيمة تكون اكتر يعنى امكانياتها احسن من سعرها طبعا دة فى السوق المصرى مالناش دعوة بالعالم الى برة دول ....التوكيل اعتقد انة ممتاز ومراكز الخدمة وهما اتو ايجيبت والسبع ومودرن مجربتهومش كلهم انا جربت اتو ايجيبت بس ومكنتش مبسوط بالصيانة ودة بسبب ضغط الشغل الكتير بسبب العرض و انا لما روحت ملقتش مكان لعربيتى اركنها يعنى ركنت بالعافية فى المكان المخصص للسيارات فضغط الشغل دة خلانى استنى ومتسرعش فى انى ابنى رائى دلوقتى لكن لما هروح تانى ليهم ان شاء الله اوعدك اقولك النتيجة اية ومتنساش ان لسة عندى مركزين كمان مجربتهومش ..بس انا مازلت مقفلتش من العربية اطلاقااااااا بالعكس انا حاببها جدااااا ومريحانى حتى الان وبالنسبة لاتو ايجيبت فلسة تقييمى ليهم لان رائى دلوقتى هيكون غير منصف ...بالنسبة انت محتار بين العربيات او الاختيارات يبقى الاستخارة افضل حل ليك ..بس ابعد عن لانسر 1300 معجبتنيش مع التكييف .....وهقولك على حاجة كمان مخليانى هادى مع مشاكل عربيتى البسيطة ان شاء الله الى مهدينى جملة فى بيان الثورة 1952 قالها السادات لقد تولى امرنا رجالا نثق فى قدراتهم الناس هنا كدة

المشاركة الأصلية كتبت بواسطة bishoy.girgis

الله ينور يا لؤي .. تقرير تمام التمام و من هنا اقدر اقولك علي شوية حاجات :

1- طبعا انت عارف ان في عرض الايام ديه فطبعا مش هيتحل كل مشاكلك في المرة ديه طبعا ً لكن لما يتصلوا بيك .. قول لهم ان في مشاكل متحلتش و اكيد هيخلوك تروح تاني .

2- اهم حاجه انك لما تحجز ميعاد في التوكيل .. لازم لازم تروح في الميعاد اللي حاجز فيه او قبله بشوية و لو لاحظت و انت بتحجز هتلاقيهم سألوك سؤال بيقول .. هل في مشاكل في العربية غير الصيانة .. فده بيسألوه عشان يدوا وقت لحل المشاكل في العربية ..

3- لما تروح التوكيل لازم تعمل نسختين من الورقة اللي فيها مشاكلك .. نسخة تبقي معاك و نسخة تتلزق علي زجاج العربية من الداخل بحيث يشوفها المهندسين و العمال بالورشة .. و نفعت الطريقة دي معايا كتير

4- لازم تعمل حسابك ان العمال بالورش بياخدوا استراحة من الساعة 1 الي الساعة 2 فعشان كده بيبقي في نظام معين ماشي بيه التوكيل و طبعا انت شوفت الضغط الرهيب هناك طبعا عشان العرض :)

-----------------------------------------------------------

بالنسبة بقي للمشاكل و الشغل في العربية عشان انا عندي نفس الموديل :

1- تقل مع سماع صوت فى الدركسيون وعلقت على كدة انة لما كان بيحصل كدة معايا فى عربيتى القديمة معناة ان زيت الباور فضى .

بص هو الدركسيون بتاع العربية تقيل شوية لكن لو بتسمع صوت و انت بتلف الدركسيون علي الاخر (فسسسسس) ده طبيعي علشان الضغط علي الباور

2- رعشة فى العربية بعد سرعة 80

طبعا الترصيص بيحل المشكلة ديه

3- سويتش الباب بيعلق

عايز شوية تنظيف

4- حزام الامان مش بيرجع لوحدة على طول يعنى لازم اظبطة بايدى كدة عشان يدخل مكانة وممكن ازقة ساعات .

فعلا الموضوع ده رخم شوية في الموديل ده بالذات لكن لما بيتظبط صح بتروح المشكلة

5- عند ضغط الفرملة واثناء التكيف ماهو شغال الار بى ام يكاد يوصل للصفر وبحس ان العربية هتبطل لكن مابيحصلش.

بص ممكن تكون ضفيرة الكهربا لكن اعراضها بتبقي اقوي من كده شوية .. المهم تتابع الموضوع ده و هي و انت ماشي بالعربية ممكن تلاقي ارتفاع مفاجئ في الار بي ام لو حصل تبقي ضفيرة وش

6- صوت الكلاكس بيعلى ويوطى لما اضغط علية مستمر لمدة 10 ثوانى او اقل كمان (يعنى لما حد يرمى عليك وتضطر تزمر كتير الكلاكس بيعلى ويوطى )

علي فكرة الموضوع ده عادي جدا جدا في كل العربيات و هي انك تلاقي و انت في زفة فرح مثلا و بتكلكس كتير تلاقي صوت الكلاكس يغير و ده عادي

7- عفشة العربية ناشفة

فعلا العفشة ناشفة انما احب اطمنك جدا انك كل ما بتمشي بالعربية اكتر هتلاقي العفشة هتنعم عن الاول يعني لما تعمل بالعربية مثلا 25000 كيلو هتلاقي العفشة نعمت و بقت احسن كتير

8- استهلاك البنزين عالى جدااا بتعمل 150 بالعافية او بوهم نفسى انها بتعمل 150

بص الاستهلاك ده لو جوه البلد يبقي طبيعي جدا خصوصا لو انت بتمشي كتير بين سرعة 10 و 60 كيلو / الساعة .. خلي بالك عربيتك اوتوماتيك و 1600 سي سي و غير كده تكنولوجية الموتور عاليه و قدام ده استهلاك عالي نسبيا في البنزين انما خارج البلد و تكييف تعمل بالعربية حوالي 240 كيلو في الصفيحة

9-نتشة الفتيس

--- لو هنتكلم عند الركنة لازم الاول تشد فرامل اليد و بعدين تجيب العربية علي الباركينج

--- لو هنتكلم علي النتشة العادية و انت ماشي بالعربية فممكن تعمل ريسيت لكمبيوتر العربية و ان شاء الله النتشة ديه هتروح انما لو عملت كيك داون و حرق فممكن النتشة ترجع تاني و علي فكرة الريسيت مش هيضيع النتشة لكن هيقللها بنسبة كبيرة جدا

اللينك :
http://www.nilemotors.net/nile/284640-a.html

اتمني اكون ساعدتك في معرفة حلول للمشاكل و الف الف مبروك علي العربية الجميلة ديه و الف مبروك علي الصيانة و عقبال صيانة الـ 100000 كيلو ان شاء الله

الله يبارك فيك ياباشا وربنا يخليكوا وتفيدو الناس كمان وكمان ..انا هشوف كدة واروحلهم تانى بس عايز اجربها اكتر عشان ابقى رايح فاهم المشاكل بالظبط لان الحزام والكلام الفاضى دة مابقاش مهم زى مشكلة التكييف وقفشتها لما بسيب رجلى من البنزين وربنا يكرم وتتحل