الموضوع: بوابة التكييف السخن والبارد فى اللانسر

صباح الخير يا جماعة انا كان عندى عيب فى اللانسر انى اجى الف مفتاح السخن والبارد الاقى فيه زى سوسته تخليه يرد تانى ووجدت الوير اللى ماسك مفتاح السخن والبارد وموصل من الناحية التانية بالبوابة المسئولة عن التحويل بين السخن والبارد لاقيت الوير فيه كسر يجعله لا يعمل ونزلت اشتريت الوير من التوكيل فى شارع عبد الخالق ثروت وجبته بـ 45 جنيه بالضريبة ولما روحت علشان اركبه كانت المفاجئة
البوابة المسئولة عن تحويل التكييف سخن وبارد تقيلة جدا وده اللى اى الى كسر الوير القديم فضلت ازيت فيها وانضف خفت سنه ولكن ما زالت تقيلة على الوير وكانت هتكسر الوير الجديد
ولما دورت على النت شوية لاقيت ان تقل البوابة ده منتشر كثير فى العربيات اللانسر
وعلشان هنحل الموضوع ده بيتهيألى ان التلاجة لازم تتفك ومن توابعها فك التبلوه وانا مرعوب من كده

فهل فيه تجربة لحد فى الموضوع ده وحلها من غير فك التابلوه والتلاجة وعند مين وعمل ايه

ايه يا جماعة محدش عارف اى حاجة وحتى مفيش دعوة حلوة من اى حد بتسيير الحال او التوفيق