فين تجارب ملاك الـ c4 الشكل الاخير !!!!

**Rotab3D** · 25-03-2013 12:02 PM

صحيح ليه مفيش ناس كاتبة تجربتها مع الـ C4 الشكل الاخير ؟!!
ان شاء الله هشترى واحدة الشهر الجاى .. اخدت القرار دة بعد عوتى بالامس من اوتو سمير ريان ... صدمت ان الالنترا الشكل الجديد بـ 165 و يدوبك فيها ABS و اتنين Air Bags و الريو الهاتش باك خليجى بـ 145 حتى الاسترا الانجوى بقت بـ 173 !!!!!
رحت راجع من عنده على عز العرب العجوزة علطول و اخدت مواصفات العربية .. ابسط حاجة هقولها فيها ABS , EBD , EBA , ESP and 6 Air Bags غير باقى الاوبشنز اللى مش موجودة غير في عربيات فوق الـ 180 و طبعا خامات الصالون اللى تضرب الكورى بالنار !!
في حاجة سألت عليها ان سعر العربية زى ما هو من ساعة ما العربية نزلت اللى هوا 168 من غير ما يتأثر بسعر الدولار لأن انا توقعت لما قالو السعر دة ان دى تكون الفئة اللى كانت نازلة بـ 148 و زادت لـ 168 مع ارتفاع الدولار .. بصراحة دى كانت ملحوظة غريبة في صالح الوكيل !
باقى المواصفات في الصورة .
اتمنى ملاك السيارة يحكوا تجربتهم مع الموديل دة .

**M7amD_7amDy** · 25-03-2013 07:07 PM

والله مش بطالة وشكلها حلو مع تحفظى على شكلها من ورا مش عاجبنى اوى أو الفوانيس بمعنى أصح

وكفاية انك راكب حاجة أوروبى وأمان عالى والسعر مش بطال مقارنة بالباقى

طب ياباشا هيا فئة واحدة ولا ايه؟ولو هما كذا فئة ايه الفرق بينهم؟

وعايزينك تكلمنا عنها شوية بما انك شوفتها على الطبيعة :))

اللينك ده فيه شوية صور ليها للى عايز يتفرج :)

http://www.netcarshow.com/citroen/2011-c4/

:))))

**A.Adel** · 25-03-2013 07:46 PM

أولا بالنسبة لتجارب الملاك :

مفيش حد معاه العربية على المنتدى

ثانيا : العربية سعرها غلي 4 الاف
كانت بـ 165 الاول

وكان فيه فئة بـ 148 بس دي بطلوا يجيبوها عشان الناس كلها بتجيب الفئة الأعلى

ثالثا : عاوز الفت نظرك لحاجة

رقم التسارع في الصورة ده مش سليم
المفروض 12.5 (أنا عارف إن ده ال brochure)

**hedro7** · 29-03-2013 02:22 AM

ايه الكماليات اللي جوا العربية ؟

**Honda_lover** · 29-03-2013 03:37 AM

اولا بعتذر للاستاذ احمد عادل علي عدم حضوري للمقابلة اللي فاتت بالرغم من تاكيدي للحضور بسبب حالة وفاه ارجو تقبل اعتذاري .
ثانيا بالنسبة للسي 4 الشكل الاخير للاسف ظهر معايا عيب رجرجة اثناء الفرامل ودي مشكلة عامة في الشكل الجديد للاسف وتم حل المشكلة بتغيير طنابير جديدة داخل الضمان طبعا وبدون اي مشاكل بصراحة ناس محترمين جدا فالتعامل عز العرب الصحراوي بالنسبة لاداء العربية انا راضي عنه بنسبة 90% ثبات ممتاز مع السرعات العالية فرامل فوق الممتازة مع السرعات العالية . يعيب السيارة بعض الاشياء اهمها :
1-العزل جيد وليس ممتاز سماع صوت الهواء والمحرك بعد سرعة 100 تقريبا.
2-التسارع بطئ شوية .
3-السرعة القصوى 203 دي اقصى سرعة وصلتلها.
4- الخامات المستخدمة في المقصورة ليست بكفاءة عالية تسمع صوت طقطقة خفيفة اثناء المطبات وده شئ معتاد من ستروين في جميع موديلاتها.
5- استهلاك البنزين جيد ولكن ليس كالموديلات السابقة ازيد شوية.
6-المفروض انها كانت تنزل باضاءة زينون نظرا لانها اعلي فئة.

**Rotab3D** · 30-03-2013 12:42 AM

من العيوب اللى حضرتك ذكرتها هل يوجد عربية اخرى احسن منها في نفس الفئة السعرية ( الميجان هاتشباك الفئة التانية بنفس السعر على كونتاكت كارز ) ؟ ام ان العيوب دى مش كبيرة قوى ... معلش انا بسأل كتير عشان انا مش خبير في السيارات ..

**Honda_lover** · 30-03-2013 02:36 AM

المشاركة الأصلية كتبت بواسطة rotab3d

من العيوب اللى حضرتك ذكرتها هل يوجد عربية اخرى احسن منها في نفس الفئة السعرية ( الميجان هاتشباك الفئة التانية بنفس السعر على كونتاكت كارز ) ؟ ام ان العيوب دى مش كبيرة قوى ... معلش انا بسأل كتير عشان انا مش خبير في السيارات ..

من وجهة نظري العيوب المذكورة لا تمثل شئ كبير بجانب المميزات اللي حضرتك هتكتسبها من السيارة

**Rotab3D** · 30-03-2013 11:03 AM

اخر سؤال و انا اسف على الاطالة ... هل يمكن مقارنة السى 4 بالتويوتا كرولا ؟ نفس السعر تقريبا .

**Rotab3D** · 30-03-2013 11:21 AM

انا بس كل قلقى من الاوروبى هو اداؤه في عز حرارة الصيف مع تشغيل التكييف ؟!! الموضوع دة عامل ايه مع حضرتك في السى 4 ؟!

-

الموضوع: فين تجارب ملاك الـ c4 الشكل الاخير !!!!

LinkBack

أدوات الموضوع

عرض

-

-

-

المواضيع المتشابهه

فين ؟ فين ؟ فين ؟ فين ؟

تسعير النترا الشكل قبل الاخير

تجارب "ملاك" الدايهاتسو مع مراكز الخدمة

ايه الفرق في الـ Soul بين الـ Lx و الـ Ex

قول انهى افضل فى الشكل : كولت الشكل القديم ولا الشكل الجديد (مرفق بالصور)

الكلمات الدلالية لهذا الموضوع

المفضلات

المفضلات

ضوابط المشاركة