الموضوع: أقوي صيانات للماتريكس بالصور و التفاصيل (صيانة 80 ألف)

مبروك على الصيانة,وشكرا على التقرير وياريت حضرتك تقولنا على مكان اللي حضرتك عملت فيه الصيانة

المشاركة الأصلية كتبت بواسطة yhyakotb

تقرير اكتر من رائع غصب عنى لازم ارد واشكرك ويباركلك فى العربية يارب

الشكر لحضرتك علي مرورك و كلامك الجميل

المشاركة الأصلية كتبت بواسطة samir elshahawy

تخيل ده أول تقرير صيانة متكامل أشوفه عن الماتريكس في المنتدي و فعلا الموضوع ده كنت في اشد الاحتياج له لستكمال موضوعات الفهرس الخاص بالماتريكس

بجد مش عارف أشكرك أزاي و حقيقي مبادرة جيدة و موضوع فوق الممتاز

http://www.nilemotors.net/nile/303480-a.html

ده بعض ما عند حضراتكم يا باشمهندس
و الشكر لحضرتك علي التنظيم و التنسيق و مجهودك مع قسم هيونداي
و ربنا يقدرنا و نفيد باللي نقدر عليه

المشاركة الأصلية كتبت بواسطة s o p h o s

الف مبروك الصيانة ..

الله يبارك في حضرتك

المشاركة الأصلية كتبت بواسطة kefo_honda

مبروك على الصيانة,وشكرا على التقرير وياريت حضرتك تقولنا على مكان اللي حضرتك عملت فيه الصيانة

الله يبارك في حضرتك و لا شكر علي واجب
و مكان الصيانه هو موجود بالفعل في موضوع مراكز الصيانه بقسم هيونداي اللي كان بدعوة من المهندس سمير
و المركز أسمه العالميه بشارع المطبعه -الهرم

المشاركة الأصلية كتبت بواسطة hossam_elwani

تقرير رائع جدااااااا

مشكور عليه

ده عايز طولت بال بجد وواحد بيحب عربيته وبيفهم كويس فيها

فيه ناس والله العربيه بتعدى 100 الف ولا بيعمل حاجه من دول دايس بنزين وخلاص

وده الفرق بين الركيب الى بجد والى بيمسك طاره وخلاص

تحياتى على التقرير الرائع ده


بس ليا سؤالين

الاول هو الفتيس فعلا نزل الزيت الى جواه كله ولا نصه بس لانى اعرف انه بياخد اكتر من 4 لتر وكمان بين الكلتشات بيبقى فيه زبت راكد غير الى بينزل فى الكارتيره؟؟

الثانى البوجيهات الاصليه الى انت جبتها من التوكيل جبتها بالرقم مخصوص للموتور ده ولا كده اجتهادى ؟؟

ولو كنت جبتها مخصوص للموتور ده بالرقم هل بيتم ضبطهم بالفيلر ولا بيركبو على طول ؟؟

تحياتى ومتابع الردود

بالنسبة لطولة البال الحمد لله نفسي طويل في أي حاجه تخص العربيه و يوم ما أكون عايز أروح عن نفسي بطلع علي الحرفيين أو أعمل شغل في العربيه حتي و لو غسلة بسيطه
و فعلا اللي بتعمله بإيدك بتنساه و بتبقي مطمأن

بالنسبه لزيت الفتيس طبعا الزيت منزلش كله الزيت كله في الماتريكس (6.3ليتر) فبالتالي فيه حوالي(2.3ليتر) في الفتيس
تنزيل الزيت بالكامل فيه مخاطرة و ليه طريقتين
الأولي هي النفخ مع التدوير و فتح الكارتير يعني بتضغط بالهوا من فتحة التزويد و تدور و تقلب غيارات (طبعا ده جنان ) لكن أنا شوفته في فيديو أجنبي بيغير زيت للإلنترا
و الطريقة التانيه و هي تزويد زيت و الكارتير مفتوح لغاية ما الزيت ينزل نضيف و دي هاتهدر زيت فوق الكميه اللي محتاجها بحوالي 4 ليتر و دي اللي قالهالي المهندس محمد فضالي و أنا بجيب منه الزيت و حسيت من كلامه إنه بلاش ننزل الزيت كله و مفيش داعي للمخاطره


أما البوجيهات فهي برقم القطعه اللي موجود في جدول صيانة العربيه عند الموزع يعني مبيطلعش بوجيهات إلنترا لماتريكس و العكس دا حتي الإلنترا مختلفه بين الـ2008-2010
فبالتالي هي دي البوجيهات نفس الفابريكه بالمدي الحراري بظبط الثغره و خلافه و طبعا مبتظبطش بالفيلر بتركب علي طول (بوجيهات ممتازه علي فكره )

و متقلقش علي طالما فيه نص أنا ما بعتمدش علي الإجتهاد :)

المشاركة الأصلية كتبت بواسطة mahmoud_afifi

تقرير هايل بسم الله ماشاء الله.
الواحد محتاج يعمل الشغل ده عند باشمهندس هاني. فاضل 10الاف كيلو واعمل اخت الصيانه دي (صيانة ال120 الف).

عندي بقى كام استفسار.
1- زيت ليكوي مولي للموتور بيقعد كام كيلو لأن سعره مغري قوي بصراحه.
2- فلتر التكييف هو أخو الاصلي بس بفرق السعر ؟

يبقي حظك حلو أنا في خلال أيام هاعمل الـ80 ألف لللإلنترا و هاوافيكم بالتقرير الأمتن من ده و هاتكون صيانه قويه (مع إنها مش محتاجه الحمد لله)

الزيت اللي أنا أستخدمته للماتريكس ده معدني لأن صيانتها كانت في التوكيل و العربيه ماشيه علي المعدني و بيشتغل حسب ظروف القياده لكن في المتوسط 5000 كم و هو زيت ممتاز مجربه أكثر من 10 مرات في عربيات مختلفه و تجربة كامله لغاية ما بينزل
أنصحك بالنصف تخليقي بيقعد متوسط 7000 كم و سعره كان 195 قبل الغلاء

أما فلتر التكيف فهو الأصلي و هو من الحاجات اللي باجبها من بره التوكيل لسببين
الأول سعره مبالغ فيه في التوكيل بحوالي 200 جنيه
الثاني مبيفرقش من بره إذا كان متخزن أو مركون طالما أصلي (مبيتأثرش بالركنه)