امكانية تبديل عدادات الصني العادية

**the_air_devil** · 26-03-2013 03:21 PM

المشاركة الأصلية كتبت بواسطة m.nabeeh

متأكد من معلومه الربورت ده اللي بيركب العدادات وأشمعنا العدادات بالذات
في ناس معانا هنا راحو وشافو المصنع وقالوا ان التجميع يدوي بإستثناء بعض المراحل

ماهو انا كنت من الناس اللي راحوا المصنع حضرتك , الروبوت بيركب قطع الأبواب سوا عن طريق اللحام وبيدخل التابلوه جوة العربية , دول الحاجتين اللي بيتعملوا هناك بروبوت ...والباقي يدوي

**youssef_u** · 26-03-2013 04:16 PM

عدادات السوبر صالون تقريبا مش مخصصة ليها بس و بتركب في كذا عربيه لان لما الشمس بتيجي عالعدادات بيبان مؤشرات كتيره غير متفعله زي 4wd و علامة رجل دايسه فرامل و حجات تانية كتير مش بتنور خالص

**the_air_devil** · 26-03-2013 04:20 PM

المشاركة الأصلية كتبت بواسطة youssef_u

عدادات السوبر صالون تقريبا مش مخصصة ليها بس و بتركب في كذا عربيه لان لما الشمس بتيجي عالعدادات بيبان مؤشرات كتيره غير متفعله زي 4wd و علامة رجل دايسه فرامل و حجات تانية كتير مش بتنور خالص

معاك حق وملاحظة جميلة ماشاء الله

العداد بيستعمل في القشقاي تقريباً , أما علامة رجل دايسة فرامل دي فهاتنور في حالة لو انت حاولت تدور العربية وكنت ناقل الفيتيس الأوتوماتك على أي نقلة غير الـ p

**Ahmed.Ali** · 26-03-2013 04:42 PM

المشاركة الأصلية كتبت بواسطة the_air_devil

عداد النيو صني حتة واحدة مع التابلوه

تاني حاجة بيركب جوة العربية عن طريق روبوت مش يدوي

تالت حاجة ان قراءة عداد الكيلومتر بتكون متسجلة على كومبيوتر العربية , مش على شاشة العداد, وحتى لو عملت ريسيت لكومبيوتر العربية هاتفضل القراءة موجودة , ودي مالهاش علاقة إطلاقاً بان العداد راكب ولا لأ من أصله

رابع حاجة, ان مؤشر الحرارة اليومين دول مابقاش بنفس أهمية زمان لأن العربية بتبدأ تشغل مراوحها فعلياً بعد حرارة 95 , اللي لو كانت أي عربية قديمة وصلت للحرارة دي كانت هاتسيح ! ...خصوصاً ان مية الرادياتير هي عبارة عن سائل مبرد مش مجرد مية من الحنفية زي زمان , بالفعل حاجة مش طيبة ان نيسان ماتنزلش مقياس حرارة في العربية بس دي مش كارثة ولا حاجة .... انما الفرق فعلاً في شكل العداد لأنه أنيق جداً في السوبرصالون وبدائي في الصني العادية ....

مبدايا مش معني ان Dashboard بتركب بروبوت ان كله قطعه واحده بس مش مستحيله بس موضوع العداد و الكيلومترات دا انا شوفته بعني في عربيه اوبترا الـDashboard كان فيها عيب و اتغير كاملا و العدادات اتصفرت

**youssef_u** · 26-03-2013 05:20 PM

المشاركة الأصلية كتبت بواسطة the_air_devil

معاك حق وملاحظة جميلة ماشاء الله

العداد بيستعمل في القشقاي تقريباً , أما علامة رجل دايسة فرامل دي فهاتنور في حالة لو انت حاولت تدور العربية وكنت ناقل الفيتيس الأوتوماتك على أي نقلة غير الـ p

جربت ادورها و هي عالD و عملت كل حاجة عشان تنور مفيش