الموضوع: هو المؤخر بقى كام دلوقتى .........!!!

بص يا عم، اللى ناوى يعتبر المؤخر مسألة رمزية علشان العرف والتقاليد ومش ناوى يفاصل هيقبل بمبلغ رمزى زى 10 آلاف جنيه، اللى يفاصل فى المؤخر او يقول لك اكتب قايمة وللا شيك يبقى يا اما الموضوع بالنسبة له بيعة وشروة، يا اما عايز يحظ تحت ضرسه علشان فى كل خناقة بنته تجرى تشتكيله يروح مطلعلك القايمة والمؤخر والشيك من تحت المخدة ويقول لك همرمطك، وبالتالى لو دخل الأمر فى فصال انفد بجلدك دا العلاج ببلاش

انا ولله الحمد متزوج بمؤخر رمزى وبدون قايمة ولا شيك والحمد لله الحياه ماشية زى الفل، فبالتالى مترضاش الدنية فى نفسك

انا حمايا راجل مشوفتش زيه

الراجل كان لا عايز يقول ادفع مهر كام ولا مؤخر كام
وانا اللى كنت بتحايل عليه انه يقولى ادفع كام

وفى الأخر برضه ماقلش وساب الموضوع لتقديرى

وبالنسبة لموضوع القائمة - كان رافض تماما وقالى
" يعنى مستأمنك على بنتى وشوية عفش هما اللى حخونك فيهم "

المشاركة الأصلية كتبت بواسطة Islam_galal

بس عند التنفيذ 80% بيغيروا كلامهم

الحمد لله
حمايا كان من ال 20 % الباقين

المشاركة الأصلية كتبت بواسطة Hossam_Hassan

الرأى ده لينا ولا لخطيبك يا نهى؟

احم احم

للى على راسه بطحة باة


بس بامانة يعني عمر ما شبكة ولا مهر ولا مؤخر ممكن يجيي اليوم اللى مشكلتنا فيه

تبقي عليهم و اللى هو هيقدر عليه انا راضية بيه بجد :)

ذهب أشعب يوما الى السوق ليشترى حمار فوقف امام تاجر الحمير قائلا له: أبغي حماراً ليس بالصّغير المحتقَر ولا بالكبير المشتهر، إذا خلا له الطريق تدفق، وإذا كثر الزّحام ترفّق، وإن أقللت علفه صبر، وإن أكثرته شكر، وإذا ركبته هام، وإن ركبه غيري نام، فقال له البائع يا عبد الله اصبر فإذا مسخ الله قاضى المدينة حماراً بعتك اياه
----------------------------------------------------------
توارد وتشبية رائع زى المثل بتاع العريس اللى عايزها حلوة وكويسة ورخيصة(بتشديد الياء) وبنت ناس بصراحة جبت الخلاصة

شكرا لردودكم جميعا , كنت عايز اقول فعلا انا مش مقتنع تماما بموضوع القايمة عفش ايه وبتاع ايه .. مهو الراجل ممكن يبهدل الزوجة ويذلها من غير الموضوع ما يوصل لطلاق

نتيجة آرائكم اعتقد ان متوسط المؤخر للطبقة المتوسطة من 10الآف الى 20الف ولو اهل العروس طلبوا اقل من كده يبقى ناس بتشترى راجل ومايهماش الفلوس ولو اهل العروس طلبوا اكثر من كده يبقى الناس دى الفلوس ممكن تلعب فى تفكيرهم وتفكيرهم مادى بحت والواحد يقلق منهم

بس برضه لو العريس قادر ومعاه يبقى فيها استثناءات