العربية اللي حلتي باظت

**gomangy** · 27-03-2013 11:58 AM

السلام عليكم اخواني في المنتدي
العربية تويوتا كورلا 2004 اوتو كنت لسه مغيرلها زيت ليكومولي 10 w40 ومظبط الدنيا
كنت من يوم الخميس طلعت مشوار بالعربيه لحد الزقازيق وطلعت منها علي اسكندرية والحمد لله بدون اي مشاكل الي ان وصلت كفر الدوار وفجأه الحراره عليت عندي ببص علي القربه لقيتها ناقصه رحت مكملها بميار ايه سي دلكو كانت معايا في العربيه واخدت تقريبا نص الجركن وكملت مشي عادي والحراره نزلت ووصلت اسكندريه وريحت وتاني يوم الصبح زودت العربيه مياه قبل ما ادور وشيكت عالزيت كله تمام وقضيت يوم الجمعه عادي بدون اي مشاكل في العربيه
يوما السبت الصبح بتحرك في طريقي من اكتوبر النخيل الي بلدي سوهاج ومع الاسف بعد ما اطمنت علي حال العربيه قبل ما اوصل العامرية والاقي العربيه عمال تترعش زي ما تكون متلته ودخان بيضا خارجه بكمية كبيرة جدا انا رحت راكن ومكلم ميكانيكي قلي خلي حد يشوفها فرحت لميكانيكي قالي ده جوان وش سلندر
المهم خير الحمد لله معملتهاش معايا بره البلد مع مراعاه انها ما سخنتش وانا ماشي المهم رحت لواحد معرفه في السيوف في اسكندريه والحمد لله استلمت العربيه الساعه 2.30 صباحا
اعتمدت علي الله ومسكت السكه للقاهره بسرعه 80 90 لحد ما وصلت القاهره واخدت الدائري عشان امسك الاوتو استراد ومنه للكريمات وريحت عن وطنيه حلوان حوالي ساعتين وبصيت علي الميه والزيت كله تمام وكملت طريقي لحد ما وصلت اسيوط بنفس السرعه وريحت حوالي ساعتين تاني
المشكله بقي جيت ابص عالميه بعد ما بردت الاقي الميه ناقصة واخدت مني زجاجه ونص وفوجئت بنفس العيب تاني العربيه بتترعش ودخان ابيض كثيف ومياه من الشكمان
اتصلت بالميكانيكي قالي في مشكلة تانيه في وش السلندر
فياريت من الاخوه اعضاء نايل موتورز تشوروا عليا بايه
لان انا قررت اني مش هغير وش بس لا انا هغير شورت بلوك كامل
واسف علي الاطاله

**AhMeD MeTwAlY** · 27-03-2013 12:40 PM

هو كدا وش السلندر مفيش نقاش
الي ركب الوش المفروض يركبه صح لو راكب بينفس او لقدر الله الوش عايز روح المخرطه والي عملك الوش الاولاني مش وداها للمخرطه عشان يمشيك بسرعه هيضرب تاني لانها بتخلي الوش ينفس
المهم
العربيه دلؤقتي تروح لواحد بيفهم ولو قالك هنقشط الوش في المخرطه
وحاول تسأل علي فارغه فاضيه بدل ما تخرط لان انا شخصيا مش بحب الخرط
الكلام دا بالنسبه للعربيات الي اتعملت معاها قبل كدا معرفش الكرولا 04 ظروفها ايه بالنسبه للكلام دا

**mhf_77** · 27-03-2013 02:14 PM

لو كنت ركبت الوش القديم من غير مايتمسح عند خراط يبقى هو السبب لانه اكيد مقفع وهيسرب تانى لازم كنت تمسحه الاول فى مخرطه وتركبله جوان اصلى وبلاش جوانات عموله ولو الوش مقفع جامد وهيمسح كتير يبقى تجيب وش استيراد وبرضه جوان اصلى وبلاش الميكانيكى يستسهل وممكن يفتكسلك ويقولك نركب جوانين فوق بعض بدل ما نمسح والكلام الفاضى ده خليه يشتغل الصح وش ممسوح وجوان اصلى او وش استيراد وبرضه جوان اصلى وبعد ماتخدها هتمشى بيها براحه يومين وترجعله يحرقلك عليهم تانى متنساش

**gomangy** · 27-03-2013 02:25 PM

مشكور لكل اللي شاركني برأيه
هو مسح الوش عند خراط
وحط جوان اصلي انا اللي مشتريه وما ذلك حصل اللي حصل

**المنسي** · 27-03-2013 02:51 PM

بعد تركيب جوان والوش كمان اتخرط يبقي هات شورت بلوك وريح نفسك واللى حصل معاك سببه ان العربية بعد تغيير الجوان لازم تاخد فترة 500 كيلو من غير حرق على الموتور وبعدين يحرق على وش السلندر تانى بس انا متاكد انك ممكن تكون فى لحظات قرصت على العربية وارجع واقول ... قدر الله ماشاء فعل والحمد لله انها عطلت منك فى مكان قدرت تتصرف فيه