اصدق انهي معمل تحليل

**AHAHاHOAA** · 02-04-2013 08:23 PM

بس ياغالي ده اسمه نصب مش سر مهنه بس انا عرفت دلواتي ليه لما حد بيسافر بره ومعاه تحاليل من مصر بيرموها في الزباله وبيعدوله كل التحاليل من الاول تاني واظن حضرتك فاكر فضيحه معمل البرج لما شخص لواحد ان عند السرطان ولما سافر بره اكتشف ان معندوش حاجه والمحكمه حكمتله بتعويض 30 الف

**aboomar22** · 02-04-2013 09:07 PM

المشاركة الأصلية كتبت بواسطة محمد يوسف

طب سؤال لحضرتك .. مادمنا استبعدنا المختبر يبقى أيهما أفضل ألفا لاب ولا كايرولاب ؟ وهل تحليل المصل واللقاح لصورة الدم أفضل من المعامل الخاصة؟

الفا لاب طبعا -- اما عن صورة الدم فى الشخص العادى مش هيفرق المكان كتير لان الدم بيتعد بجهاز اتوماتيك اسمه ال sysmex انما لاقدر الله فى حالات المصابة بامراض الدم دى بتتوقف على خبرة الشخص اللى بيفحص العينات فبيكون المكان مهم جدا --الفا معمل متميز لاهتمام الدكتور عادل طلعت بالمكان مثلة مثل الفا سكان ومستشفى الصفا

**aboomar22** · 02-04-2013 09:20 PM

المشاركة الأصلية كتبت بواسطة AHAHاHOAA

بس ياغالي ده اسمه نصب مش سر مهنه بس انا عرفت دلواتي ليه لما حد بيسافر بره ومعاه تحاليل من مصر بيرموها في الزباله وبيعدوله كل التحاليل من الاول تاني واظن حضرتك فاكر فضيحه معمل البرج لما شخص لواحد ان عند السرطان ولما سافر بره اكتشف ان معندوش حاجه والمحكمه حكمتله بتعويض 30 الف

لا مش نصب ولا حاجة بس هو الموضوع ان الاجهزة اللى بتعمل التحاليل دى fully automated واسعار غاليا جدا من 600 الف وتصل الى اكثر من مليون جنية دا الجهاز الواحد تخيل بقى لو انت محتاج جهاز كيمياء وجهازين مناعة وهرمون وجهاز pcr دا غير باقى الاجهزة --مين عنده القدرة الا المعامل الكبيرة على امتلاك هذه الاجهزة ثانيا فيه تحاليل مبتتعملش اصلا فى مصر وبتتبعت اسبانيا او فرنسا او امريكا تتعمل لانها بتكون قليلة واجهزتها غاليا جدا فاقتصاديا تعملها بر ه احسن لانها ممكن تجيلك كمعمل مرة كل كام شهر وفيه تحاليل المعادلة الحسابية بتكون مملوكة لمراكز بحثية يعنى زى تحليل الفايبرو تيست دا بديل لاخذ عينة من الكبد لبيان نسبة التليف هى عينة دم وبتعمل عليها خمس تحاليل وبتبعت النتائج لمركز فى الخارج عنده المعادلة اللى بتحسب عن طريق النتائج دى حالة الكبد ---اقولك بقى موضوع عينة البرج ده ممكن تكون حصلت ازاى المفروض ان الاجهزة بتنقل النتائج للكمبيوتر اتوماتيك والكونكشن حصل فيه مشكلة فبينقلوا النتائج مانيوال مثلا النتيجة 7.7 اتكتبت 77 وطبعا الخطا مشترك من اللى راجع العينة

**محمد يوسف** · 02-04-2013 11:56 PM

المشاركة الأصلية كتبت بواسطة aboomar22

الفا لاب طبعا -- اما عن صورة الدم فى الشخص العادى مش هيفرق المكان كتير لان الدم بيتعد بجهاز اتوماتيك اسمه ال sysmex انما لاقدر الله فى حالات المصابة بامراض الدم دى بتتوقف على خبرة الشخص اللى بيفحص العينات فبيكون المكان مهم جدا --الفا معمل متميز لاهتمام الدكتور عادل طلعت بالمكان مثلة مثل الفا سكان ومستشفى الصفا

هو حضرتك فى ألفا؟

**aboomar22** · 03-04-2013 12:27 AM

Alfa Labs

http://www.alfalaboratory.com/branches.asp

**Egyzizo** · 03-04-2013 03:58 AM

معمل المختبر كويس

واللى حصل معاك مش معناه انه معمل وحش
خصوصاً انه لم يجزم بأنك مصاب بالفيروس
والموقف ده كان ممكن يحصل بالعكس ،
يعنى معمل تانى يطلع لك النتيجة ايجابى ضعيف ، والمختبر يطلعها لك سلبى.

بالنسبة لمعمل ألفا، فلا يخلو من الخطأ أيضاً
أعطى تقرير بنتيجة خاطئة لاحدى دلالات الأورام لمريض ، ولما شك طبيبه المعالج فى النتيجة طلب من المريض اعادتها ، الذى قام بذلك مرتين فى معملين مختلفين غير ألفا لاب وأثبتا خطأ نتيجة ألفا لاب.

**محمد يوسف** · 03-04-2013 11:54 AM

المشاركة الأصلية كتبت بواسطة aboomar22

alfa labs

Alfa Labs

هو حضرتك واضح قريت سؤالى غلط..أنا مش باقول فين ألفا...أنا باسأل حضرتك بتشتغل فى ألفا؟

**AHAHاHOAA** · 03-04-2013 03:33 PM

المشاركة الأصلية كتبت بواسطة Egyzizo

معمل المختبر كويس

واللى حصل معاك مش معناه انه معمل وحش
خصوصاً انه لم يجزم بأنك مصاب بالفيروس
والموقف ده كان ممكن يحصل بالعكس ،
يعنى معمل تانى يطلع لك النتيجة ايجابى ضعيف ، والمختبر يطلعها لك سلبى.

بالنسبة لمعمل ألفا، فلا يخلو من الخطأ أيضاً
أعطى تقرير بنتيجة خاطئة لاحدى دلالات الأورام لمريض ، ولما شك طبيبه المعالج فى النتيجة طلب من المريض اعادتها ، الذى قام بذلك مرتين فى معملين مختلفين غير ألفا لاب وأثبتا خطأ نتيجة ألفا لاب.

طب ايه سبب نتيجه الايجابي الضعيف دي ؟ ده عيب فني ولا الكت اوف متخدش صح ومع العلم اني كان عندي انفلونزا خفيفه وانا بحلل بس الكلام كان
ماشي في التحللين التانين بس الفرق التحليل الاولي كنت واخد مضاد حيوي cafamol extra

**Egyzizo** · 03-04-2013 04:16 PM

المشاركة الأصلية كتبت بواسطة ahahاhoaa

طب ايه سبب نتيجه الايجابي الضعيف دي ؟ ده عيب فني ولا الكت اوف متخدش صح ومع العلم اني كان عندي انفلونزا خفيفه وانا بحلل بس الكلام كان
ماشي في التحللين التانين بس الفرق التحليل الاولي كنت واخد مضاد حيوي cafamol extra

مبدأيا ، التحليل اللى حضرتك عملته مش بيشخص الإصابة بفيروس سي بالمعنى المفهوم ، التحليل ده بيكشف عن وجود أجسام مضادة للفيروس والأجسام المضادة دى جسمك انت اللى بيكونها ضد الفيروس ، وبالتالى وجودها يثبت انك اتعرضت للفيروس ، يعنى بعيداً عن حالتك ، وارد انك تلاقى واحد التحليل اللى عمله إيجابى ، وايجابى قوى كمان وهو ماعندهوش فيروس ، لأنه ممكن يكون تعرض للفيروس من زمان ومناعة جسمة تغلبت على الفيروس وطردته والأجسام المضادة متبقية من أيام المعركة دى.

موقف آخر ، وهو ان ممكن حد يكون مصاب فعلاً بالفيروس والتحليل يطلع عنده سلبى لأن هو بالرغم من إصابته إلا ان جسمة ماكونش أجسام مضادة يمكن الكشف عنها بالتحليل. ودى بيحصل فى الناس اللى مناعتهم ضعيفة جداً زى مرضى الايدز اللى حالتهم متأخرة مثلاً.

وموقف تالت ، ان ممكن المريض مايكونش مصاب ولا حتى اتعرض للفيروس ولا مرة فى حياته ، وتطلع النتيجة ايجابية وده بيحصل فى بعض المرضى المصابين بأمراض مناعية ، بيبقى الجسم فيه خلل مناعى بتخليه يعمل أجسام مضادة بدون لازمة ممكن ممكن تتداخل مع نتيجة التحليل وتخلى التحليل ايجابى وده بنشوفه فى مرضى الروماتويد النشط.

وبالنسبة لظروف حضرتك ، فمش وارد موضوع عيب فنى أو خلل فى الكت أوف ، لكنه ممكن يكون بسبب الانفلونزا اللى نشطت الجهاز المناعى فحصل تداخل فى الأجسام المضادة، ولما الموضوع هدى عندك قلت الأجسام المضادة المتداخلة.

طيب بالمناسبة دى ، أنا أعرف واحدة ست كل ما تحلل اختبار حمل يطلع ايجابى مع انها مش حامل وبقى لها كذا سنة على كده ، وده مش معناه ان المعامل اللى حللت فيها معامل أى كلام ، لكن الموقف ده له تفسير علمى.

**aboomar22** · 03-04-2013 05:59 PM

المشاركة الأصلية كتبت بواسطة محمد يوسف

هو حضرتك واضح قريت سؤالى غلط..أنا مش باقول فين ألفا...أنا باسأل حضرتك بتشتغل فى ألفا؟

اه فعلا قريته خطا --لا يفندم مش بشتغل فى الفا ومشتغلتش فيها قبل كده --لكن ليا معارف كتير فيها و فى اغلب المعامل لان طبعية العمل بقى بتلاقى اللى بيمشى من هنا بيروح هنا وهكذا