الموضوع: ازاى تغير المساعدين الخلفية بنفسك (ابيزا - بولو - فيليشيا......) بالصور

المشاركة الأصلية كتبت بواسطة ehab_mansour

موجود في الدنيا يا كيمو لكني مشغول بقالي فترة بحاجات كتير و ادعيلي بالتوفيق و السداد
علي فكرة كنت في اليكس امبارح حتي 5 مساءا لكن كان معايا ناس و كنا بعربية صاحب الشركة و معرفتش اكلمك اشوفك و تهنا و قعدنا نلف كتيييييييييير لحد ما وصلنا المكان اللي كان رايحينه امام كلية رياض الأطفال بشارع مصطفي كامل

هي اسكندرية زحمة ليه كده ؟؟؟؟؟؟ دي أسوء من القاهرة يا راجل ربنا يكون في عونكم

الله يعينك
بس كنت كلمتنى على الاقل كنت وصفتلك الطريق, عموما الحمد لله
فعلا بقت زحمة جدا, انا مش عارف هنعمل ايه فى الصيف؟؟؟!!!!

المشاركة الأصلية كتبت بواسطة ehab_mansour

منصحكش بكده ... شكمانك فبريكة فيه علبتين silencer لو استبدلتهم بعلبة واحدة الصوت مش هيعجبك و لا السحب

ممكن تعدل و تركب علب تانية مناسبة ل flow rate عندك و لكن متقللش العلب نفسها لأنك كده الموتور هيدمر العلبة الواحدة دي سريعا سريعا لأنها مصممة المفروض علي تقليل ضغط و حرارة قبلها بعلبة أصغر و انت هتدخلها العادم بنفس الضغط و الحرارة اللي خارج من المحرك
ده توقعي و الله اعلم و انت عارف انا نصحتك بايه قبل كده في الشكمان و في الأخر القرار ليك و اديك بتجرب يا صابت يا خابت

انا معاك ومقتنع تماما بكل اللى انت بتقوله بس فيه فرق كبير فى السعر
900 جنيه لو هعمله زى ما انت بتقول
150 جنيه لو هعمله زى ما انا بقول
عموما ربنا يسهل حسب الماديات ساعتها نبقى نشوف