السلام عليكم يا رجالة
دلوقتي انا عندي مشكلة في اوبل كورسا 2003
المية بتنقص تقريبا لازم املأ القربة كل اسبوع
المهم رحت لمدحت أمين في صقر قريش المعادي كتير منكم طبعا عارفينه
انا بأتعامل معاه بقي لي سنتين هوه وهو شاب زي الفل وصنايعي شاطر
قلت له علي المشكلة وبعدين كبس هوا شوية ولقينا مية بتنقط من ضهر الموتور مش عارف الاسم بتاعها بالظبط بصراحة.. المهم قالي هنغير جوانات الموتور وش السلندر والمانيفول والكلام ده وكمان غيرت السربنتينة والراداتير..
الكلام ده بقي له اسبوعين .دلوقت المية بردو بتنقص بس بصراحة أحسن من الاول
يعني كده مثلا هملأ القربة كل 3 اسابيع تقريبا
ايه الحل في حكاية المية ده وكمان لما كبسنا هوا شجرة المية ما نقطتش..
انا شاريها مستعملة عاملة 68000من سنتين ونص
دلوقت عاملة 93000 وماغيرتش حاجة في شجرة المية خالص ومش عارف للي قبلي كان غيرها ولا لأ .....