الموضوع: تجربة تغيير زيت المحرك - ابيزا 1.4 mpi

المشاركة الأصلية كتبت بواسطة hamada_elzayat

مكانه على ترعه المحموديه جمب باب الوكاله محل بتاع زيت وجمبه شويه ورش تابعه لنفس الاسم بس مش حاجه كبيره يعنى وكان اللى ضايقنى لقيت جهاز الشفظ عندهم بايظ ونزلى الزيت من الطبه
حاجه تانى يا استاذ كريم وانت بصراحه استاذ وربنا يكرمك انت وكل اللى فى المنتدى على خدماتكم
انا عندى بقالى 8 ايام بلاقى بقعه زيت تحت العربيه ( بقعه صغيره) كام نقطه عالماشى كده تحت الكارتيره روحت للميكانيكى اول مره قالى اولسيه (اويل سيل ) طبعا انا مش بجرى ورا اول كلمه تتقالى وكنت بتابع الزيت كل يوم ونقص حاجه بسيطه قوى فى الاسبوع ده ومن يومين روحت غسلت العربيه من تحت ومشيت بها وبعدين روحت للميكانيكى تانى ( نفس الميكانيكى 9 وقولتله تعالى نرفع العربيه ونشوف نزل ربع ساعه تحت وطلع برضه قالى اولسيه
هل بقى دى حاجه كبيره ولا ايه يعنى شغل كتير وكده انا مش بحب اللعب فى العربيه وفك وربط كتير لانه حضرتك عارف افتكاساتهم
طولت عليك ورخمت بس انتم هنا ربنا يباركلكم بجد

يا باشا مفيش اى حاجة وكلنا هنا عشان نساعد بعض

طالما انت لسه غاسل العربية من تحت يبقى ارفع العربية على بير وليكن فى اى بنزينة عند بتاع زوايا وانزل بنفسك فى البير وشوف الزيت جاى منين واديله 10 جنيه عشان البير

اماكن تسريب الزيت لو زيت موتور هتكون جوان التاكيهات وده ممكن تشوفه من جوه الحوض او الـ oil seal وده برده ممكن تشوفه من الحوض او من تحت وكرتيرة الزيت ودى لازم تشوفها من تحت او طبة الزيت ودى طبعا برده من تحت والاحتمال الاكبر يكون من الطبة ويكون الراجل مأرطش عليها كويس

زى ما قولتلك روح اى بنزينة و انزل بنفسك تحت العربية

وكل الاحتمالات اللى فاتت دى بسيطة

المشاركة الأصلية كتبت بواسطة hamada_elzayat

لا ياباشا التسريب ده قبل ما اغير الزيت انا لسه مغير الزيت النهارده وكنت قرطت على الطبه قبل كده اول ما ظهر التسريب بس برضه استمر ( مع انى اول مره افتح الطبه دى من ساعه ما جبتها هو النهارده )
والموتور مش بيجيب زيت من فوق ومش بياكل زيت يعنى فى ال 9 شهور و6000 لقيت المؤشر نزل فى نص العلامه قمت حاطط نص كيلو كان معايا وبعدها بدأت حكايه التسريب دى مش عارف بقى انا استخسرت النص كيلو اللى معايا فعمل ضغط زياده والاويل سيل ده ضرب ولا ايه
وبعدين كمان بحس انه الزيت بينقط اكتر من شويه خراطيم مش عارف بتاعه ايه قدام الكارتيره وبشوف نقطه كده عايزه تنزل فى قعر الكارتيره من تحت
وللاسف انا لو فضلت تحت العربيه 3 ايام مش حفهم برضه الزيت جاى منين
انا ميييييييييييييييييييييييي ح
وشكرا لاهتمامك يا استاذ كريم وعشان احنا اسكندرانيه زى بعض انا عربيتى بولو فوكس لونها لبنى والمرايه الشمال لونها ابيض عشان لو شوفتنى فى السكه تعرفنى وسكتى من سيدى بشر للمنشيه

طيب انت مين الميكانيكى بتاعك؟

المشاركة الأصلية كتبت بواسطة hamada_elzayat

ميكانيكى كويس فى شارع 4 من احمد عبدالوهاب ( الفلكى ) وجربته قبل كده فى تغيير اسطوانه وديسك وحاجات تانيه بسيطه وهو كويس ( بس انا برضو مش بدى دماغى كلها لصنايعى ) اكتر ميزه انو جمب البيت وبقت الورشه بتاعتى يعنى ممكن اعدى عليه يعملى الحاجه بسرعه وامشى حتى من غير ما ياخد حاجه ( لو بسيطه يعنى ) واحسن حاجه فيه (بالنسبالى ) انه بيشرحلى كل حاجه بالتفصيل وكمان بيورينى قطع غيار من مواتير عندو وده لقطه بالنسبه لواحد ابياااااااااااااااااااااا ااااااااض ومبيزهقش من كتر الاسئله بتاعتى وجت كام واحد صاحبى ليه ومنهم اللى انبسط جدا ومنهم اللى قال عادى وطبعا بقيت واحد بجيبله زباين فمش بيبخل عليا
بصراحه جربت هريسه ولقيته بيتقالط جامد شويه كنت رايح عشان اغير كابلات بوجيهات اول ما جبت العربيه قالى انا مش بحب اشتغل فى المكنه ال 1300 روح هات موتور 1400 احسن من اللى عندك (ده من غير حتى ما يبص فى الكبوت اساسا وهو مقفول ) ومن ساعتها مهوبتش هناك
الكويس جدااااا برضه الشيخ ابراهيم فى المندره استاذ ومهندس فولكس واوكتافيا ( راكب اوكتفيا ) بجد ربنا يباركله بس بكسل اروحله

عندك حق فعلا هريسة مش بيحب يشتغل فى الموتور ده

طيب روح للشيخ ابراهيم وشوف كلامه ايه

لو احتجت حاجة كلمنى 01001190366