الموضوع: انا سقط موتور و محاتر فية

المشاركة الأصلية كتبت بواسطة Mody_Benz

وبسم الله ماشاء الله , حاجة فخمة والله , ربنا يباركلك فيه .

بس انا كان ليا سؤال انا دلوقتى زى ما معظم حضارتكوا عارفيين معايا سيات كوردوبا 97 بس الموتور اللى راكب فيها معرفش اية هوا 1.4 ولا 1.6 ولا 1.8
وكل واحد يفتى شوية صاحب العربية سبقا قايلى انها 1.8 وفى الرخصة 1.4 وانا شاريها من حوالى سنة وشهر
والعربية كانت تمام وكل حاجة وكت بعمل ليها صيانتها فى مواعيدها بس شكل المكنة جابت اخرها وفى صوت ترزيع او خبط لما الار بى بم يعلى والميكانيكى قالى جابت bl
وقالى ان المكنة 1800 بصراحة احترت وقالى ان العمرة هتدخلك فى سكة كبيرة ملهاش لازمة
قالى جيب شورت بلوك احسن لنفس الموتور وركبه او جيب مكنة كاملة بالضفيرة وادوات التغزية والكنترول والفتيس نفس السعة او على حسب انتا عايز تقلل او تكبر

وانا معرفش اسعار المواتير هتكون اية ياريت حد يوضحلى النقطة ديه وشورت بلوك بس يتجاب ولا موتور كامل واية الافضل

والموتور انا صورته من فيديو ونفس شكله بظبط حد يقولى من الاساتذة الافاضل ديه مكنة كام
سى سى




واسف على الاطالة

تقبلوا منى كل التحية والاحترام

اخوكم محمد

فيه 4 مواتير شبه موتورك قوى 2 منهم 1.6 والــ2 التانيين 1.8 والفيصل بينهم هو الكود وان شاء الله مش هيطلع من الــ4 اكواد دوول: 1f او abu وكده يبقى 1.6
abs او adz وكده يبقى 1.8
ونصيحة بلاش عمرة موتور, لو عايز توفر يبقى تجيب شورت بلوك من نفس الموتور وهتعمل فى حدود 2000 جنيه

المشاركة الأصلية كتبت بواسطة windofchange

دور علي كود المكنة بس امسح حواليها بفوطة وتحت الاسبيراتير احتمال كبير يكون موجود تحته وهو فالجنب اليمين من الموتور والكود عبارة عن ثلاث احرف انجليزي زي كده ALM او حرف ورقم ومش بارز ده شكله مطبوع ... عموما الموتور من شكله بيقول انه Half injection مش انجكشن كامل...سؤال صغير طرمبة البنزين عندك فالتانك ولا في حوض العربية جنب الموتور؟

+1 بس احب اضيف ان الاسبراتير بتاع المواتير دى بيكون راكب فى البلوكة والاتجاه بتاعه رأسى وبالتالى الكود هيكون زى ما انت قولت على الجنب اليمين من الموتور على أول البلوكة بس هيبقى فوق الاسبراتير