الموضوع: انا سقط موتور و محاتر فية

المشاركة الأصلية كتبت بواسطة mody_benz

شكرا ليك يا كريم وان شاء الله هانزل اجيب الكود وابقى اقولك عليه ويارب يطلع نفس اللى اتقالى

وهوا المكنة ديه يفضل اجيب الشورت بلوك ليها بأدوات التغزية ولا بدون
اصل بصراحة التكييف عندى ضايع خالص هوا شغال بس مفيش برودة والشحن بيسرب بالرغم الكشف عليه اكتر من مرة ونسد هنا ونسد هنا وبرده فى حاجة مش تمام
وفى حاجة كدة تحت درج التابلوه تبع التكييف على ما اظن اسمه الكوندينسر زى العلبة الراجل قالى بايظة ولا تتغير وديه لقيتها لوحدها ب 900 جنية
عندى كمان الريداتير الصغير ومروحة واحدة قالى جيب الكبير بالسربنتينة بالمروحتين

فكده هيتكلف مصاريف زيادة فاللافضل ليا هيكون اية اجيبه كامل موتور بأدوات تغزية وضفيرة وكنترول ولا شورت بلوك + حجات التكييف ؟؟

شكرا ليك

ولك كل التحية والتقدير

الشورت بلوك هو عبارة عن بلوكة بالوش فقط بدون ادوات تغذية

الجزء اللى تحت الطابلوه ده تلاجة التكييف (الكويل)
فعلا لازم ردياتير كبير بــ2 مروحة بالسربنتينة

احسب التكلفة كلها وقارنها بأنك تجيب نص كامل مكيف بموتور حديث انجيكشن