لا حول ولا قوة الا بالله
عرض للطباعة
لا حول ولا قوة الا بالله
مش عارف ايه موضوع الجهاز والأسئلة دى ؟؟؟ جايز كل مرور وليه نظامه بس بصراحة عاوز اقولك على حاجة ... على قد ما مرور حلوان بيييض ومش قد كدة بس بجد الظابط فيه محترم جدا وزوق جداً وملتزم بالمواعيد جداً .... يعنى من الساعة 8 : 10 صباحاً تقديم الأوراق المطلوب ومن 10 : 10.30 اختبار الاشارات .. ومن 10.30 : 11 صباحاً اختبار القيادة ومن 11 : 11.30 صباحاً تكون اتصورت واستلمت الرخصة كمان .
الأستاذة يويو. انا حبيت أشارك برأيي الشخصي لما لاقيت الأخوة هنا متحاملين عليكي وكله بيتحدث بمثالية شديدة و علي ان العيب منك انتي بس وانك انتي المقصرة. !!!:afterboom:
أحب أوضح خصوصاً لأستاذ أحمد كمال ان فيه أمهات وستات بيت كتيرة هيا اللي شايلة واجب ومسؤليات البيت والاولاد لما بيكون الزوج في العمل.
وان الحياة من غير عربية ساعتها هتقف وهتتعطل كتير لانك كل مشوايرك الضرورية هتتعطل. او مش هتتعمل.
ولك انت تتخيل يا أخي الفاضل قبل ما تتحامل عليها ان مراتك تنزل كلي يوم في الحر دا تجيب طلبات البيت الاساسية او الاولاد من المدرسة او الدروس في المواصلات وتتبهدل في الوقفة لانتظار المواصلات دا غير قلة الأدب وقلة الزوق من السواقين ومن الناس اللي هتركب معاهم والزحمة وانت مش هتقبل بدا أبداً لا لمراتك ولا لأولادك. صح ولا أنا غلطان.؟؟؟
ومفيش حد هيروح كل مشاويرة اللي ذكرتها دي بتاكاسي في الزحمة دي وقلة الأمن وتكلفته اللي هتبقي عالية دا غير انو مش هيبقي تحت رجلك طول الوقت.
يبقي انا كدا رديت علي في جزئية "و يا ريت ما يطلعش واحد فتك و يقول لي الضرورات تبيح المحظورات لان رخصة السواقة مش ضرورات !!! ضرورات يعني حياة او موت"
لان طلبات البيت ضروريات. وتعليم الاولاد ضروريات. ولو الام شغالة وبتساعد في دخل البيت فلازم تروح الشغل وساعاتها الرخصة هتبقي ضروريات برضه لها.
إلا طبعاً لو حضرتك رجل خارق بتعمل كل الحاجات دي شغلك الأساسي. وتوصيل الاولاد المدرسية وشراء اختياجات البيت كلها مرة واحدة. فا دي حاجة انا أحييك ساعتها عليها. بس مش كل الناس زي بعضها ولا ظروفها زي بعضها...
فا لو انت عندك وقت تعمل كل دا جنب شغلك لو كنت مدير ولا عندك عمل خاص. فا في ناس معندهاش وقت تهررش ف ضهرها.!!
الجزئية التانبة اللي حضرتك غلطان فيها, ومتحامل علي الأخت فيها وبتبررها كمان.!
"لعن الله الراشي و المرتشي
ربنا ما قالش لعن الله المرتشي"
خليني اوضحهالك بالمعني الصح بتاعها. عشان واضح إن عندك لبس خلاك متحامل عال أخت كدا..
وهوا انك لو عايز حاجة تتعمل لك بطريقة اسرع من العادي. يعني تسبق الدور بتاعك. او تاخد حاجة مش من حقك لعدم كفائتك زي الوظايف ام رشاوي.
وبتعرض انت ساعتها الفلوس علي واحد عشان يخلص لك الأمور. يبقي كدا صح لعن الله الراشي والمرتشي اللي قبل الرشوة دي عشان يمشيله الإجراءات..
ودا كلام مفيش خلاف عليه..
لكن لما تكون انت رايح تخلص خدمة زي تطليع الرخصة, أو أي خدمة تانية زيها ودي حاجة من حقك كمواطن زي اي مواطن. وتكلفتها معروفة وإجراءتها معروفة.
ويجي الموظف يعقدهالك عشان ياخد منك فلوس. ويبقي عارف انك لو اشتكيته محدش هيسمع لك ولا ياخد لك حقك منه وهتتعلق انت ف النص وتتعلق مصالحك. وساعتها هتخبط رأسك في أتخن حيط. لأننا في دولة ال لا قانون..
وعشان أكيد العربية حاجة ضرورية في حياتنا كل يوم ومنستغناش عنها. سواء بنروح بيها شغلنا اللي بناكل منه عيش او بتتحرك بيها مع اسرتك واهلك لو بتنقلهم او بتوديهم لداكترة. إلا لو تقدر تركب ميكروباصات بيهم فا دي حاجة ترجع لك.!
المهم يبقي اللي الموظف عماه دا كدا ابتزاز لانه بيطلب منك فلوس مش من حقة عشان يعملك الخدمة دي, وبيستحلها عاطي جداً أكنها شطارة أو فهلوة او بيبرر لنفسه بإن المرتب مش مكفيه فلازم يفتح مخه.!! وتفتح مخك معاه.!
وللأسف تيجي الناس وتقول عليها رشوة. :afterboom:
يا أخي لو كان فيه قانون يخليك تشتكي الموظف دا لانه مبتز أو مرتشي مكنش حد لجأ للإستيلام للحيل دي..
ومكناش شفنا معظم موظفين المرور استحلو الموصوع دا بقي دا العادي عندهم,, لأن مفيش حاكم عليهم ولا رقابة لموظف خاين للأمانة وللمكان اللي هوا شغال فيه والمفروض يخلص لك خدمتك اللي بتدفع عليها رسوم وبياخد عليها مرتب.!
نفس الحال مع بعض تراخيص الشقق الجديدة ف اسكندرية في الفترة الأخيرة بتروح تقدم علي عداد كهرباء يقولولك مفيش,, ولازم تدفع عشان تخلص..
هتعرف تعيش في شقة انت واسرتك من غير كهرباء ولا مية لو طلبو منك فلوس.؟؟
قولي بقي ان الكهربا والمية مش حياة وموت,, وانك ممكن تعيش من غيرهم لو انطلب منك فلوس لتركيب العدادات وتخليص الخدمة دي ليك.
مع التذكير تاني بأنك ومش الأخت اللي راحت و عرضت الرشوة دي علي حد عشان يخلص لها خدمة مش من حقها...
دا إبتزاز..
ألف سلامة عليك.. بس فيه فرق برضة بين عرض الرشوة علي حد,
وبين إبتزازك لدفع مبلغ لتخليص خدمة من حقك ومن غيرها مش هتتم.
إنما الأعمال بالنيات.
لو انت رايح وفي نيتك تدفع رشوة عشان تخلص المصلحة بسرعة وسهولة. يبقي الراشي والمرتشي في النار.
لكن لما تبقي رايح في نيتك تخلثصا في إطارها الطبيعي والقانوني والشرعي ويجي واحد معدوم الضميذ يبتزك وانتا محتاج الخدمة دي تتعمل لك. لانك محتاج لها.
فا لا يكلف الله نفسا إلا وسعها.
انا نفسي تعرضت للموقف دا وهحكيه بسرعه,,
كنت رايح أخلص رخصتي طبيعي. وكنت دفعت فلوس المدرسة مع اني كنت بسوق كويس عشان كله قال بياخدو فلوس المدرسة ليهم او مصاريف للمرور ومن غيرها هيسقطونا عشان ندخلها وندفع مصاريفها فدفعت مصاريف المدرسة وقالو مش لازم أحضر واستنيت شهر علي ما يخلصو اللي بيتعلمو لأني مش ببقل موضوع الرشوة دا,
لما روحت اخلص الإحراءات الموظف عقدهالي ولما قالي فتح مخك وقلت مش دافع لك حاجة قالي يبقي مش هتطلع. زعقت معاه ولميت المرور عليه وكانت حاجة أخر قلة أدب ولاقيت كله كان ضدي.! مع اني بتكلم ف الحق.
طلعت عال قسم وروحت لظابط المباحث اللي هناك وقتها كان قريبي.
بعت معايا صول وبعت له ورقة معاه مختومة من القسم,
الموظف لما شافني داخل المرور و الصول معايا. قالي برضه مش هطلعهالك وأبقي قابلتي لو طلعت لك رخصة من هنا.!
الصول دخل عليه وقاله هدي نفسك بس, وأداله الورقة وقاله دي من فلان باشا فتحها وقاراها.
لاقيته قلع النضارة ومسح وشه وبيقولي هوا انت تبع فلان باشا. طب مش تقول,, طب مش عارف أيه,, بصيت له ومردتش عليه طبعاً لاني كنت مشمئز منه بعد العك اللي كان قايلهولي واللي عمله معايا.
وفي الاخر اعتذر لي وخلص لي كل الاجراءات بنفسه و كان يوم الخلص بسبب الخناقة والمشوار بتاعي لقسم السرطة رايح جاي. وقالي انا خلصت لك كل حاجة بس معلش الوقت خلص انهارده وهستسمحك تيجي بكرة بس تتصور وتستلمها علي طول.!!! طبعاً كنت مستغرب من رقته المفرطة اللي بقي فيها لحد ما قالي بس بالله عليك توصل سلامي لفلان باشا وقوله مكناش يعرف أني تبعه.
تقبل تحياتي أخي الكريم.
انا بحي الاخت انها فتحت موضوع مهم زي دا ودا كل يوم بيحصل وفي ادارات المرور واي مصلحة حكومية
السؤال بقا هل اللي هي عملته دا رشوة ولا لاء
علي قد فهمي ان الرشوة هي اخذ حق ليس من حقك من شخص اخر
واللي هي عملته انها بتعرف تسوق وماخدتش رخصة حد ولا مكان حد
بس هي الفكرة غلط اننا نخلص مصالحنا بالفلوس
أستاذ أحمد نظمي راجعي مشاركتي السابقة دي.
http://www.nilemotors.net/Nile/34517...post3875027713
واللي عملته الأخت مش رشوة. ولكن إبتزاز من الموظف معدوم الضمير..
الله يكرمكم اللي مش فقيه ما يفتيش عشان ما يروحش و يودينا معاه في داهية
الشعب كله بقى فقيه دلوقتى :3_3_102[1]::36_1_37[1]: