طب لو حضرتك فقيه. أفيدنا من علمك وأفتي لنا جزاك الله عنا خيراً وعن الحاضرين.!!
عرض للطباعة
طب لو حضرتك فقيه. أفيدنا من علمك وأفتي لنا جزاك الله عنا خيراً وعن الحاضرين.!!
أولاً شكراً علي تحديف الكلام في المشاركة اللي فاتت.
ثانياً شكراً علي التريقة في المشاركة الأخيرة.!
لو مكنتش فقيه او عندك رأي في الموضوع مكنش ليها لازمة انك تتريق علي كلامي وترمي بالكلام. !
أنا قلت رأيي الشخصي وانا مقتنع بيه ووضحت السبب, ولو كان عندك رأي كنت قوله التريقة وتحديف الكلام.
شكراً,,
على فكرة انا بهزر ومقصدش حاجة بس عموما متزعلش ياسيدى لو كلامى ضايقك
برافو اشتريتى دماغك ووجع الراس وزي ما قلنا الغايه تبرر الوسيلة انا برده بدفع واشتري دماغي واقعد اشرب شاى فى الهوا والاجرئات بتخلص بدل البهدله والمرمطه وفى الاخر هدفع برده ان مكنش للمرور يبقى على حساب شغلى ووقتي
انا بعتذر يا جماعة عن المشادات اللى حصلت بسبب موضوعى
انا عرضت موقف وتجربة حصلت معايا سواء متفق او معترض على اللى حصل بس هى تجربة واقعية مش هاينفع نتجاهلها
انا حكيت الى حصل بالظبط ومش لازم ادى تفاصيل شخصية عن حياتى او طبيعة عمل زوجى علشان ابرر اللى عملته
لانى لو عايزة ابرره مكانتش قلت انى زعلانة على اللى حصل من الاول
عموما جزاكم الله خيرا على المرور وابداء الاراء
كلام واقعي ومقنع
معاك فى كل كلمة حضرتك كتبتها
وانا من كام شهر كنت بجدد ترخيص وبنقل ملكية وكنت لازم ادفع هنا وهنا علشان اخلص بسرعة ومفيش داعي اتبهدل
مع العلم أوراقي كلها كانت كاملة ومعنديش مشكلة
والناس اللى بتهاجم الاخت اللى عملت الرخصة بالطريقة دي
طيب بدل متتهمها أنها ساعدت فى الرشوة
تخيل لو كل شيئ سهل وميسر زي البلاد المتحضرة وهتعمل الرخصة بدون بهدلة وتعب ووجع قلب
أعتقد مكنتش فكرت تعمل كدة مع اني مش معاها فى اللي عملته
اللى عاوز أقولة وفرلي الطريق السهل والميسر والتعامل بالطريقة الادمية وتعالي حاسبني لو دفعت رشوة والله يا جماعة أحنا مش عايشين فى المدينة الفاضلة لسة مبلقثهاش وجود على الارض
معلش طولت فى الرد بس كلمة أخيرة
لو حضرتك بتعمل أى مصلحة فى اي مكان ومفتحتش مخك لو حتي ورقك سليم وكامل هيلففوك حوالين نفسك
تحياتي للجميع واعتذر لاي حد هيشوف المشاركة بتاعتي ويختلف معايا فى الرأي
:Zb_sor1[1]::Zb_sor1[1]: