من وجهة نظري انتي اشتريتي دماغك كتييييييييييييييييييييير اوي وجع قلب وزحمه ووجع دماغ
والغايه تبرر الوسيله (مجرد رأي شخصي)
عرض للطباعة
من وجهة نظري انتي اشتريتي دماغك كتييييييييييييييييييييير اوي وجع قلب وزحمه ووجع دماغ
والغايه تبرر الوسيله (مجرد رأي شخصي)
لا ولا يهمك عندك حق
حضرتك صح
مفهمتش مشاركة حضرتك
كمان 10 سنين ان شاء الله لما الرخصة تنتهى ساعتها يكون ربنا ييسر
الله المستعان
كلام حضرتك سليم جدا
للاسف دفعت مبلغ كبير
رسميا 850
فعليا رسيو على 1150
ربنا يكرمك ويجازيك خير انا لاحظت بردو كده بس مقدرتش اتكلم لانى مش بحب المقاوحة فى الغلط وانا عارفة انى غلطانة بس مكذبش عليكم انا ندمت انى اتكلمت
والله انا مش هلوم حضرتك علي حاجه احنا بقينا في بيئه من التعقيدات و كده كده بندفع ... والله اخويا كان بيرخص العربيه و ماشي قانوني يعني مش مسروقه ولا فيها اي حاجه مش مظبوطه و كان علني كده بيتقالوا مبلغ الرشوه المطلوبه غير كده يلففك حوالين نفسك :/ و ممكن تديله رشوه يوقفلك الحاجات برضه علشان مستقل بالفلوس للعلم الكلام ده كان في مرور عين الصيره ربنا يهدي الناس و لولا ان في الاخر اضطرينا نلجأ للطريقه المقرفه بتاعت التهديد و انت مش عارف انا ابقي مين و اعتبر نفسك اترفدت و البلطجه و التهديد مكناش مشينا من هناك و خلصنا و مع العلم باقي الشغل كان في مرور مدينة نصر اللي جمب رابعه العدويه قمه في الذوق و الاحترام و ناس مبتسمه كده طبعا برضه روتينين جدا بس علي الاقل مش بيقفوا الاجرائات علي الفلوس !! ..... الرخصه بتاعت قيادتي خدتها من غير ما ادفع مليم رشوه بس طبعا في المقابل مرمطه من الساعه ٩ لحد الساعه ٢:٣٠ في عز الشمس
بس ايه المشكله في الاشارات مش فاهم :) يعني دي ورقه كده فيها شوية اشارات اغلبها منطقيه يعني الصوره تفهمك الاشاره و ياما ممنوعات يااما ارشادات يا اما تحذيرات يعني مش مستاهله يتدفع فيها ٤٠٠ جنيه
الف مبروووووك عالرخصة :rolleyes2: :biggrin2::018A1D~146:
عقبالى انا كمان ماخلص واعملها :8941[1]:
انا بقالى اكتر من 8 سنين بسوق ومش معايا رخص :funny34d:
وكل ماانوى افكر اروح اعملها لازم يحصل حاجة :120146b
اخر حاجة خالص نويت بجد وعملت الكشف الطبى ( تحليل دم ونظر وباطنة ) 3 ورقات ب 30 جنيه
عملتهم يوم 12/11/2012 :penguin4:
ونمت وصحيت من شهر افتكرت انى مش عندى صور شخصية المهم اتصورت وبقى عندى صور :36_1_34[1]:
نويت اروح بقى الاسبوع اللى قبل اللى فات قولت اخد عربية والدى عشان اختبر عليها العربية بايظة وعاوزة تتصلح صلحتها وخلصت :dzey:
الاسبوع اللى فات بقى خلاص مفروض اروح اطلعها جيت ادور العربية مش بتدور البطارية جابت ربع والخرطوم اللى داخل على تنك البنزين اتخرم وده اللى صلحته بس العربية اتخنقت منها وركنتها وطلعت نمت
وربنا يسهل والاقى عربية اروح اختبر عليها :B4_048:
وتوته توته فرغت الحدوته الملتوته بتاعتى دى :bye2:
و معلش تعليق اخير يا جماعه للي دخل و شاف امتحان القياده بذمتكم هل معني انك نجحت في الاختبار انك تسوق في الشارع و انت متطمن !!!! ده اصلا امتحان زجزاج ملوش اي لزمه و لا يمت بصله لا من قريب ولا من بعيد للشارع !!! فعلا شيء روتيني غبي :@
والله زوجى متفق مع حضرتك فى الجزء الاول من كلامك جدا بس انا اللى الموضوع حيرنى ما بين انها خدمة انا دفعت تمنها خصوصا وانى مش عملاها غش يعنى مثلا مش انا مش بعرف اسوق ورحت طلعت رخصة لا الحمد لله بسوق
بس من ناحية تانية قلقانة من موضوع انها تبقى رشوة ومن جوايا مش مرتاحة لانى بساعد الناس اللى زى دى تستمر بس مكانش ادامى خيار تانى وخصوصا ان جوزى مأيد فكرة اننا نشترى نفسنا
ما ده اللى جوزى بيتلكم فيه اننا ندفع بس نخلص بدل ما نتنقع فى الشمس وروتين الحكومة
مش عارفة والله ده استهبال او استغلال بمعنى اصح
انا اصلا السؤال اللى قاللى اقراه وماكملتوش ده كان بيقول ايه الشكل اللى بيدل على ان ممنوع استخدام آله التنبيه
وطبعا انا اصلا ماكملتش قراية السؤال وقام قالى اتفضلى استنى بره لدرجة انى قلت لجوزى طب مدام الامتحان حلو كده طب ما ادخل اكمل الاشارات واسحب ال 400 جنيه :)
معقول !! 8 سنين من غير رخصة ؟
انا بردو جوزى قاللى ملهاش لازمة لانى لا هاسافر ولا هامشى بسرعة عالية ولا عكسى مثلا ولا حاجة بس طبعا هى شئ لابد منه
صح والله بس هما بيقولوا انها اساسى للركنة او للطلوع من عربية والتانية
اى كلام وخلاص
لا حول ولا قوة إلا بالله
ديه رشوة صريحة وواضحة ومفيهاش اى كلام ... خدمة ايه وبتاع ايه !!!
وحكم الاسلام فى الرشوة واضح وصريح
ناقص نقول انها صدقة على رجال المرور الغلابة !!!
وبعدين نزعل على الفساد اللى فى البلد
ما احنا اللى عاملينه بإيدينا
أستغفر الله العظيم
انا فضيت نفسى قبل انتهاء الرخصة بشهر كامل ونقلت الملكية وجددت ورخصت 3 سنوات
ومدفعتش ولا جنيه لأى حد مش من حقه
والحمد لله ربنا يسر الحال
انت وزوجك ... توبوا الى الله واستغفروه ... واعقدوا النيه على عدم العوده الى هذا الذنب مرة اخرى