اقتباس المشاركة الأصلية كتبت بواسطة mohab.nabil مشاهدة المشاركة
اهلا و سهلا بحضرتك يا باشا معانا فى القسم

و ان شاء الله ربنا يكرمك و تبقى مقيم هنا على طول و تعملنا تقرير عن السى ثرى بيكاسو او الاليزيه ان شاء الله

بالنسبة للمقارنة

السى ثرى بيكاسو عربية عائلية اكتر من الاليزيه و ماشاء الله السى ثرى بيكاسو موتورها و فتيسها كله تكنولوجيا متطورة جدا موتور 120 حصان مبنى على موتور مينى كوبر يعنى اساس الموتور من تصنيع شركة بى ام دابليو و الفتيس egs تكنولوجيا متطورة جدا بيديك قوة المانيوال مع راحة الاوتوماتيك و هو تقريبا نفس فكرة الـ duallogic فى الفيات .. و العربية فيها كل الاوبشنز اللى ممكن تحلم بيها

و ده تقرير لأحمد عادل فيه كل حاجة عنها

http://www.nilemotors.net/nile/31182...3-picasso.html

بالنسبة للايزيه

عربية ممتازة طبعا بس لسه مشفتش ولا واحدة منها ماشية فى الشارع معرفش ليه هل مفيش اى دفعة اتسلمت ولا ايه و دا تقرير عنها برضه فيه كل حاجة

http://www.nilemotors.net/nile/332453-c-elysee.html

و ان شاء الله التقارير تفيدك و لو فيه اى استفسار تانى احنا فى الخدمة

و فى الاخر انا لو مكانك هختار السى ثرى بيكاسو بصراحة
استاذ مهاب , اولا متشكر جدا للترحيب و لأهتمامك بالموضوع , شئ مش غريب على حضرتك في كل مواضيع الستروين دايما ليك بصمه

بصراحه انا قارن بنهم لأني ناوي ان شاء الله لو في نصيب هجيب قسط فالقسط بين العربيتين مش هيفرق كثير بالنسبه ليا , السي ثري بيكاسوا شداني جدا من ساعه ما شوفتها ع النت و بصراحه عاجبني فيها اوي العداد الديجيتال بيدي بريستيج جامد الصراحه للعربيه , الألزيه شوفتها في المعرض و طبعا عربيه بسم الله ما شاء الله عليها جميله طبعا , اللي فهمت من كلام حضرتك ان ماتور السي ثري يعتبر افضل كقوه و كتنولجي احدث من الألزيه , طيب بالنسبه للثبات و اختبارات التحمل و التصادم هل السي ثري بيكاسو افضل ؟؟

بصراحها انا زيك مايل للسي ثري اكثر و اتمنى ان شاء الله سعرها بس يثبت شويه , طبعا السعر عنصر بيفرق و خصوصا في الظروف الحاليه , ربنا يصلح الحال

متشكر جدا جدا لحضرتك و لاهتمامك , و دعواتك بقى انول شرف لفب السترويني و ازمالكم هنا قريب بأذن الله