السلام عليكم , في بدايه خالص تحياتي لكل الناس المحترمه في قسم الستروين لأني بجد شايف روح حلوه جدا في القسم ده و دايما ناس حابه تساعد بعض و تنصح بعض لوجه الله و دي حاجه مبقتش موجوده كثير اليومين دول

ثانيا انا عندي استفسار من خبراء الستروين , انا حاليا معايا عربيه هيونداي اكسنت موديل 99 و ناوي ان شاء الله اغيرها قريب , في دماغي حاليا ثلاث عربيات بفاضل بينهم الستروين اليزيه و الستروين سي ثري بيكاسو و البيجو 301 , على حد علمي ان ال301 و الألزيه تقريبا نفس العربيه حتى في الصور ع النت تحس نفس التبلوه بالملي بس دي بعلامه ستروين ودي بعلامه بيجو , بس انا كنت عايزكم توضحولي ايه الفارق بين الألزيه و السي ثري بياكسو , طبعا دي عربيه سيدان و دي لأ يعني فيه فارق بينهم بس انا بتكلم ايه الفارق من حيث الأتزان و العزم و نظام العفشه و المتور , مين تعتبر افضل من مين ؟؟ يمكن انا عشان عربيتي قديمه شويه فمش ملم بمعظم التطوات اللي حصلت في انظمه المحركات و الفتيس و الفرامل و كده فلو حد يشرحلي ببساطه الفارق بين السيارتين و ايهم تعتبر افضل في العوامل دي اكون شاكر جدا له

و شكر ليكم كلكم مره تانيه