الموضوع: تركيب الطارة المالتي فنكشن والكروز كنترول للتيجو

المشاركة الأصلية كتبت بواسطة mohamed_selim

مبروك يا باشا ... خلى بالك بس ان الكروز كنترول لو علقت او لا قدر الله فيها حاجه مش مظبوطه بتسبب مشاكل كتير خصوصا لو على طريق و سرعه و مش مركز لاى سبب ...
ربنا يباركلك و يبعد عنك الاخطار

الله يبارك فيك يا باشا، وربنا هو اللي بيستر، هو انا بجرب فيه علي سرعات منخفضة الاول والنهاردة جربته علي سرعة 100 في طريق فاضي عشان اتأكد ان كل شيء تمام

المشاركة الأصلية كتبت بواسطة exact

مبروك عليك... تم جميلك بالصور والتكاليف

انا حاطط شوية صور التكاليف هكتبها لوحدها

المشاركة الأصلية كتبت بواسطة hugan

100000مبروك
ياتري مركب عتب وديفيندر
لاني بافكر اركب عتب ودفيندر
ومش عارف افضل مكان والاسعار

انا مركب عتب ولو نزلت التوفيقية هتلاقي اشكال كتير، مركبتش ديفندرات عشان ممنوعة في المروو ومش عاوز وجع دماغ

المشاركة الأصلية كتبت بواسطة padry

الف مبروك شغل جميل بسم الله ما شاء الله كنت عايز اعرف كل حاجه عن مثبت السرعه يعنى سعره و منين و طريقه تركيبه لان عندى البنزين الكترونى برضه مش واير و عايز اركبه فعايز اعرف ده خاص بالتيجو و لا اى عربيه

بص حضرتك الكروز كنترول نفسه تمنه 320 دولار تقريبا ، التركيب مش صعب الكتالوج بتاعه واضح وعاوز بس كهربائي ما يفتيش واللي مكتوب في الكتالوج يتعمل ، اللي اعرفه انه بيركب علي العربيات اللي البنزين عندها اليكتروني زي الاسبرانزا وموديلات من النيسان زي التيدا والسيلفي.

المشاركة الأصلية كتبت بواسطة firstknight_eg

بص حضرتك الكروز كنترول نفسه تمنه 320 دولار تقريبا ، التركيب مش صعب الكتالوج بتاعه واضح وعاوز بس كهربائي ما يفتيش واللي مكتوب في الكتالوج يتعمل ، اللي اعرفه انه بيركب علي العربيات اللي البنزين عندها اليكتروني زي الاسبرانزا وموديلات من النيسان زي التيدا والسيلفي.

تمام انا عندى الجين تو بنزين الكترونى بس ممكن تكتبلى اسم السايت الى اشتريت منه او فى رساله على الخاص

ممكن تشتريه من الموقع ده

Freewai.com - My Freeway to China Auto Parts | The Export Base and One-stop Center of Chinese Auto Parts & Accessories for Chinese-brand Vehicles, Wholesale Auto Parts & Accessories of China!

هما غالين شويه بس بيشحنوا علي مصر

وقبل ما تشتري اسألهم ينفع لعربيتك ولا ﻻ

الف شكر ليك معلش تعبتك معايا

بسم الله ماشاء الله جامده بجد تسلم ايدك يامان هل ينفع مع m11 وياترى شكل الطاره هتكون ايه